Imphal, May-31, 2016 (PhualvaTimes.com): SSPP Jt Hq Imphal saina in tuzing dak 11:00 in EBCC Jubilee Hall Lamphelpat, Imphal ah tukum 2016 a Siamsin members Class X leh XII a lawhchingte kipahpihna leh Financial Literary Camp om hi. Huai hunah Mangta Shoute, GM, RBI in "Savings is essential since Childhood" chih thupi zangin sinsakna nei a, bank tuamtuam a Branch Manager leh Lead District Manager-te'n thugen uhi.
Education Department SSPP JHQ Imphal saina in Class X leh XII passte kipahpihna hunzat hi a, huai ah lawhching teng kiangah gift piak hi uh a, amaute Rev. K. Kamchinkhup, DS EBC/Imphal Div in thumsak in 'Job 28:28' pansan in hasotna thugen hi.
Huai hunah, Khamthianlal, President, SSPP JHQ in welcome address genna nei hi. Thangzamuan Hauzel, Chief General Manager, RBI in Financial Leteracy camp tawh kisai Inaugural na nei hi. Amaute banah Kamlianthang Guite, President, YPA Imphal Block, N. Khamsuanthang, Secretary, PTC Imphal Block leh G. Chinkhanlian, Vice Chairman, Advisory Board, SSPP Jt. Hq Imphal te'n leng thugenna sau loulou nei uhi.
Mangta Shoute, Manager, RBI in “Financial” tawh kisai power point in sinsakna nei a, Quiz leng sai in kipahman leng hawmkhe ngal uhi. Dr. Nengkhanpau Hauzel leh V. Doutluang te'n Self Help group tawh kisai banah Educational Loan tawh kisai sinsak uhi.
Huai banah, RBI te'n kipahman/Gift tampi hawmkhiak uh a, tuate lakah Self Help Group apan Society 6 leh YPA-te ading Parachute khat leng pia uhi.
Khamthianlal, President in a thugenna ah maban hihkhelh louhna ding/mark sangpi muhna ding in hihkhelhna akipan kisin ding ahihdan gen a, Mobile phone sinlaite'n tawilou dingin ngen hi. N. Khamsuanthang, Chairman Advisory board inleng hasotna thugen hi. Kipahthu genna Thanginmang Secy SSPP JHQ Imphal in nei a, tua khit in M.Ginminthang Pastor Assistant in tawpna thumna nei in, a paikhawm teng in theitui leh sang nek na nei in programme lohchingtak a zoh in om.
Tutung Siamsin exam te statistics hiai anuai abang ahi:
No comments:
Post a Comment