MANIPUR EXPRESS | JULY 13, 2016

HEADLINES:
Prime Minister in J & K mipi zahngai di'n ngen
Modi makaihin CM teng tawh meeting om ding
New Delhi, July-12: Gam tuamtuam veh azin India Prime Minister Narendra Modi hongtun tawh kitonin a makaihin tuni in Jammu and Kashmir a thiltung tawh kisai in high level meeting poimawhtak New Delhi ah om a, dan leh thupiak dinmun (law and order) tungtang ngenteltakin genkhawm uhi. Prime Minister in Jammu and Kashmir mipite kiangah zahngaihna tawh lemna leh muanna a omtheihna dinga kalsuan chiat dingin ngen hi. Hibangkalah, hongtung ding July 16, 2016 chiangin Narendra Modi in India a state Chief Minister teng tawh meeting poimawhtak nei ding uh chihthu kiza hi.

    Jammu and Kashmir vai a tuni a meeting om senior Union Ministers hunkhop leh official tamtak kihel ua, Minister of State in Prime Minister's Office, Jitendra Singh in meeting zawh in Prime Minister in lemna leh muanna omna dingin kuapeuh kalsuan poimawh ahihdan gen a, adiakin Kashmir phaizang mipite’n lemna om theihna ding a kal i suankhawm ding uh ahi chi hi. Prime Minister in ahihleh Kashmir valley ah hunpaisa banga muanna a om theihna dingin state government kithuahpihna peding ahihdan chiam chi ua, Amarnath Yatra leng lawhchingtak a zawh ahih kinepthu taklang hi.
    Tuni a meeting ah Union Home Minister Rajnath Singh, Finance Minister Arun Jaitley, External Affairs Minister Sushma Swaraj, Defence Minister Manohar Parrikar, National Security Advisor Ajit Doval leh Foreign Secretary S Jaishankar telin mi tallang tamtak tel uhi. Modi in J & K state Chief Minister, Congress President leh Chief Minister lui Omar Abdullah telin mi poimawh tuamtuam houpih a, Kashmir phaizang ah lemna leh muanna a om pah gintakhuai chi uhi.
    Hibangkalah, thudang khat kizadanin, Inter-State Council meet kichi Prime Minister Modi makaih in July 16, 2016 (Kiginni) chiangin New Delhi ah om dinga, tua hunah India a state/UT tenga Chief Minister te paikhawm ding uh chihthu kiza hi. Hiai hunah, Inter-state relations, internal security, economic and social planning banah thu poimawh tuamtuam genkhopna om ding a,  ‘Inter-State Council meeting’ pe’n PM makaih a kum 10 paisa apan khatvei neihpatna ding ahi. Union Minister te’ lak aleng a poimawh diak mi 17-te hiai meeting ah telding ua, Union Minister te’ lakah Rajnath Singh (Home), Sushma Swaraj (External Affairs), Arun Jaitley (Finance), M Venkaiah Naidu (Urban Development), Nitin Gadkari (Road Transport) leh Manohar Parrikar (Defence) te nominated members hi ua, adang mi 11 te permanent invitees hidanin gen uhi.


NABARD kum 35 chinni (Foundation Day) zang
Kangvai khua ah Financial Literacy Awareness om
Lamka, July-12: National Bank for Agriculture and Rural Development (NABARD), CCpur saina in tuni’n Khangvai Community hall ah NABARD foundation day tawh kithuah in Financial Literacy Awareness Programme om a, huai ah special guest in Seiminthang Lenthang, MCS, SDO/Kangvai pangin hongkhia hi. Aman a thugenna ah, financial inclusion poimawh a, khantouhna ding in Self Help Group te’n mawhpuakna liantak nei uh hi’n gen a, Kangvai block huapsung ah Self Help Group 4 tan bek bawlkhiak deihthu gen hi.
    Thangchinkhup Guite,  DDM/ NABARD in agenna ah NABARD ahihleh 1982 kum in kipankhia in, kum 35 chinni ahih tawh kiton in Dist 450 ah foundation day zat in om chi a, NABARD in tulel in State leh Union Territory 31 ah Regional Office nei in, Dist. 450 ah Dev. Office om hi’n gen hi. NABARD poimawh leh phattuam dan pulak in, govt. flagship programme tuamtuam PMJDY, PMJJBY, APY, PM Fasal Bhima Yojana tungtawn a hamphatna omte ngah dingdan sinsak hi.
    N. Hauzel, LDM in Dist. khantouhna dia bank poimawh dan gen in, Kiran Kumar Singh, Manager, SBI/Tuibuang branch in lou bawlte adia bank in loan tuamtuam a piaktheihte pulak a, ngahtheih ding dan sinsak hi. P. Khamsanglian, progressive farmer in vok leh ak vulh apan sum muh dingdan, Life Insurance Corporation (LIC) apan palai Joy Singh in Life Insurance poimawh dan sinsak hi. Huai hun ah Kangvai leh kimvel apan mi tamtak paikhawm uhi.'


LOCAL NEWS:
Tuilak lui ah Lammuanding kia;aluang muh hinailou
Lamka, July-12: Singngat sub-division sung G. Bualjang khua ah tuni sunnung dak 2:00-3:00 kikal in tuilak lui ah Lammuanding (2) s/o Suankhankam & Muanching of Bethel Veng, Singngat kia a, hiaithu gelh tan in aluang muh hinailou hi. Thiltung tawh kisai in phone tungtawn thuzak hi a, amau agendan un, Lammuanding ahihleh a lawmte mi 2 tawh Sialbu khawmi khuazinte’ zuihsawm in nungdelh uh a, tuilak lui ah slipper langkhat kesak kha in, a laksawmna lam a tangkhial in tui in tai hi’n gen uh a, tui bel lianlua hikei mahleh naupang a di’n khauh huntawk hi’n leng gen uhi. Hiai thiltung a lawmte’n a genkhiaklouh ziakun nitak dak 5:00 velin anu leh pa banah khawsung mite’n thei pan uh chi uhi. Thiltung theihpet in ZYA leh V/A makaih khawsung mipi’n zong ngal uh a, a kiakna pan km 1 vel a gamla ah slipper langkhat mu uhi. G. Bualjang, Sialbu, Lungthul, Tuima leh Tuilakjang telin kim a khua omte’n zonglel uhi. Lammuanding pa Suankhankam ahihleh azi Muanching tawh G. Bualjang khua ah teacher sem a om hi uhi.


CMO in Family Health Mela hong
Lamka, July-12: Dist. Family Welfare Office, CCpur makaih in tuni zinglam dak 11:00 in CMO Conference hall ah World Population Day zatna dan in “Zimmedari nibhao, plan banao” (na mawhpuakna hihbuching inla, na maban ding hoihtak in gel in) chih thupi zangin ‘Family Health Mela leh Population fortnight honkhiakna om a, Chief Guest in Thangchinkhup Guite, CMO/CCpur pangin hongkhia hi. Aman agenna ah, India milip in khawvel pumpi 17.8 percent luah in, China zom in   mihing tamna pen a chiamteh hi a, tuabang a paitouh zel leh 2030 tan in China makhelh ding hi’n gen hi. India ahihleh khawvel gam khangtou hatpen a chiamteh himahleh mihing tam ziakin nektak zonna leh innkuan etkaina lam ah haksatna tuak thei ding dinmun a om gige ahihman in kuapeuh in mahni mawhpuakna hihbuchin a maban ding hoihtaka gel poimawh hi’n gen hi.
Dr. VC Pau Tonsing, DFWO/CCpur in Dir. Of  Health Services, Manipur thupiak dungzui  in June 27, 2016 apan World Population Day kizang a, huai hun chi 2 in kikhen a, June 27, 2016 apan July 10, 2016 sungin mobilization fortnight  azat hi a,  huai hunsung in ASHA worker-te amau bial chiat a pai in population kiamsak dingdan tangkoupih uh a, July 11- 24 sung service delivery fortnight a zat hiding hi. Family Health Mela ahihleh DFWO Office ground floor ah neih in om hi.


JAC Jiribam apan mi 2  dharna ah kihel
Lamka, July-12: Hiangtam Lamka a Salphate Zahna Pumpuk ah JAC against Anti-Tribal Bills (JAC-AATB) makaih in tuni’n Rengkai, Hebron Veng leh Kawnpui apan mi 100 val sit-in-protest/dharna tu uhi. Huai hun Thangzamang leh Hemkholun Gangte’ te’n enkai uh a, JAC Jiribam apan Lallawmsang, Adviser leh Vanlalhriet , Info. Secy te’n leng uap in thugen uhi.
    Lallawmsang in Jiribam pen singtanggam himahleh Phaijang (Imphal East Dist) huamsak ahihman in tu’n Panchayat leh ADC (Tamenglong) election-te ah telsak a om tuak hi’n gen hi. Panchayat nuai a kivaihawmna pen phaijang kia a zat ding chih himahleh Jiribam a zat dia govt. in agel lai in, Jiribam a singtangmi omte pilvan zawhlouh leh lauhthawng ziakin nang ngamlou uh a, huaiziak mah in hiaitan kitung chi hi. Jiribam a singtangmite Meitei leh Bangali-te kal ah om ahihman un haksatna tamtak tuak uh hi’n gen a, maban ah lungkelou a pankhawm poimawh  hidan in gen hi. July 13, 2016 in JAC member K. Paukhansuan leh Zam Khua Cin etkaina in Tuibuang, College Veng leh Kanaan Veng tu ding uhi.


BJP, CCpur Dist. in kipahpih
Lamka, July-12:  BJP, CCpur Dist. a makai tuamtuam te’n BJP State Level  a Vice President V. Hangkhanlian, Ex-Minister kipahpihna programme tuni sunnung dak 2:00 in Zenhang Lamka a V. Hangkhanlian tenna inn ah nei uhi. Huai ah Mandal tuamtuam a makai teng  kihel uh a, Hauneihlal Vaiphei, Secy (Orgn), BJP/CCpur Dist makaih in pakkhi ohsakna om in, makai tuamtuam te’n thugenna hun zang in, maban kalsuan ding dan genkhawm ua, K. Vungzalian, President, BJP CCpur Dist in BJP Manipur Pradesh in tu in 32+ Mission kichi pankhia in, maban a election ah seat 60 om lak ah a tawmpen a seat 32 luah sawm a panlak kipanta ahihdan gen in, CCpur Dist a seat 6 om teng leng luah vek theihna dia thil bangkim suk fel hita hi’n gen hi. Hiai mission a lawhching ngeingei leh maban hinkhua lungkimtak a zang theita ding ahihdan gen hi. Tuaban ah, BJP CCpur Dist in Congress MLA 6 a neihte pom theilou uh ahihdan BJP President Amit Shah kiang banah BJP Headquarter leh State ah memorandum pe khinta hidan inleng gen hi.


Traditional Songs of eleven tribe
Lamka, July- 12: H. Kamkhenthang, Dir., NECOL, Imphal apan kizadan in, The Northeast Centre for Oral Literature of Sahitya Akademi saina in July 14- 16, 2016 sung Canchipur a Manipur University Court hall ah zinglam dak 9:30 in ‘three days Traditional Songs of eleven tribes’ om ding chihthu kiza hi.


Mushroom cultivation training om
Lamka, July- 12: Agriculture Deptt., Dist. Council, CCpur saina in tuni zinglam dak 10:00 in Dist. Council Mushroom Cultivation House, CCpur ah Mushroom Cultivation Programme 2015-16 nuai a 'Human Resources Dev. Training of Farmers om a, huai ah Chief Guest in Langkhanpau Guite, Chairman ADC/CCpur pangin Mushroom Cultivation house, Green House, Poly House with Sprinkler Irrigation hongin thugenna hun zang hi. Lal Hossan, Vice Chairman, ADC/CCpur; Ngamhao Touthang, EM/ADC leh Mannuamching, IAS, CEO ADC/CCpur te'n leng uap uhi.
Sunnung dak 1:00 in technical session om a, huai ah resource person in S. Romendro Singh, Agri. Officer (SC), ADC/CCpur  pangin training a telte pateh (mushroom) bawl ding dan sinsak a, mi 150 val tel uhi.


FSPA tournament final match om ding
FSPA saina in July 13, 2016 sunung dak 12:30 in New Lamka a PT Sports Complex ah  FSPA Tournament closing ceremony leh final match kimawlna om ding a, huai ah Chief Guest in Thangkhosuanmung Guite EM ADC/CCpur pang ding hi. Guest of Honour in CT Lian Guite, MDC/16-New Lamka West pang ding a, Special Guest in Pumshong Hangshing President NLYC leh H. Doungel District Youth Co-ordinator, NYK pang ding uhi. Final match ah CFC leh Vanglai Sporting Alliance kimawl ding uhi.


IMPHAL NEWS:
Diarrhoea Control Fortnight prog
Imphal, July-12: Manipur State Health Society saina in Porompat a JNIMS Conference hall ah July 23, 2016 tan daih ding in tuni’n Intensified Diarrohoea Control Fortnight Programme honkhiakna om a, huai ah Chief Guest in D.K. Korungthang, Minister (Health & FWS) pang hi. Functional President in Dr. O. Ibomcha, Director, Health Service and Mission Director pang a, Guest of Honour in Dr. K. Rajo Singh, Director, Family Welfare Service (FWS) leh Dr. Deven Laishram, Director, JNIMS-te pang uhi. Chief Guest in a thugenna ah akisaipih employee te’n a nasepna uh ngaih poimawh pen a koih ding in ngetna bawl a, India govt. in khawtang damtheihna ding tupna in tua programme patkhiakna ding in sum tamtak seng uh a, programme lawhching theihna dia mipi’n kithuahpih chiat ding in ngetna bawl hi. Dr. O. Ibomcha Singh in vuahzuk hun chiang in vuah tui leh tui sianglou ziak in naupang banah piching-te leng sungkhoh uhi. Khut (hands) te silsiang gige leh meh hing nek ding huan min ma a tui a hoihtak a sawpsiang leh tui suangsou sa dawn in sungkhoh apan kivenna khat hi a, sung a khoh khak leh ORS tawh Zinc tablet nek khawm ding hi’n leng taklang hi. Tuni a programme tawh kisai in naupang kum 5 nuai lamte ORS dawnsak banah Zinc tablet nesak uh hi’n leng kigen hi.


Bomb puak mawhpaihna in rally
Imphal, July-12: Senapati DC office ah July 10, 2016 nitak a bomb puak tawh kisai in zan in NPO, SDSA, SDWA leh Tribe Hohos 5 te’n meeting nei uh a, huai hun ah bomb puak mawhpaihna a rally neih din thupukna bawl uh a, tuni sunnung dak 1:00 velin Senapati public ground ah school tuamtuam apan student, NPO, Tribe Hohos 5, ADC members, SDSA, SDWA, Naga frontal orgn. leh mipi kipun khawm uh a, huai apan NH-2 tawn in ADC Senapati Administrative office zuan in rally pai uhi. ADC Senapati office mun apan a kiklam un Traffic point mun ah meeting saulou nei uh hi’n kigen hi. Rally hun sung in Senapati District HQ ah gari tai muh ding omlou a,  sumsinna inn leh dukan teng nitaklam dak 3:30 tan kikhak a, rally hun ah ‘Senapati cry for peace and love’, ‘Make Senapati a peaceful zone’ chih-te telin placard tuamtuam tawi uhi.  Hiai tawh kisai a media-te tawh kimuhna hun ah Moses Kamba, President, NPO in NPO, Tribe Hohos leh frontal orgn. tel a apex bodies-te thupukna a rally sai hi’n gen a, khawtang adia thilhoih lou mipi’n a mawhpaih uh taklatna hi a, kigolhkhakna neite kiangah maban a hibang thil a tung nawn leh thil deih huailou tung ding hi’n leng taklang hi.


NSCN(K) te’n hilhchetna thusuah
Imphal, July-12: Kilonser S. Hripuini Vemai, PR & NGO banah Shepoumaramth Region Chairman, NSCN(K)/GPRN in Senapati DC ah July 10, 2016 nitak a bomb puak tawh kisai in Indian Administrator, corrupt official leh agent te’n Naga society suam (rob) leh kituah louhna  tun saklou ding ua vauna hi’n gen a, Indian administration-te zekhemna leh propaganda ziak a mipi leh Senapati CSO a diak in NPO, SDSA, SDWA leh Tribal hoho 5-te kithuzawh sak lou ding in gen hi. India vaihawmna nawlkhin a Naga society puahna dia a nasep ding uh mangngilh lou dingin theisak hi. NSCN(K) leh GPRN (K) te’n suahtakna a sual uh subuai thei ding a Naga CSOs leh public leader te’n melmate phutna ziak a bomb puak tawh kisai a thutanna bawl lou ding in leng ngetna bawl hi.


Merakhong canal ah cleanliness drive
Imphal, July-12: K. Thamarjit, Keirao A/C MLA leh Manipur University a Vice Chancellor HNK Sharma te’n tuni’n MU sung ah luang km 2 a sau Merakhong canal ah cleanliness drive nasep etkhiakna va nei uh hi’n kigen hi. Huai hun ah K. Thamarjit in a genna ah cleanliness drive in kal 1 sung daih lai ding a, zawh siang ahih chiang in Kyamgei Loukon a tuilou hectre 400-te ah tuichim om nawn lou ding a, Thongjou leh Singjamei constituency sung ah tuichim sek leng phatuam bang ding hi’n gen hi. Merakong canal dung ah retaining wall bawl hiding in gen a, Vice Chancellor in Merakhong hahsiangna ah University te’n kithuahpih ding uh  hi’n leng taklang hi.


School campus sungah Power Station kibawl mawhpaih
Imphal, July-12: Yairipok (Aided) High School leh Yairipok Govt. High School campus sung ah power sub-station kibawl mawhpaihna in school 2 apan student paikhawm te’n tuni’n school campus sung ah sit-in-protest nei uhi. Akisaipih thuneite’n a thilphut uh a etkai ahihkeileh student bodies leh CSO tuamtuam tawh pangkhawm a kiphinna tuamtuam pan ding uh hi’n student te’n gen uh a, hiai tungtang ah K. Megachandra, Wangkhem A/C MLA kigolh ding a ngetna in memorandum pia uh hi’n leng gen uhi.


Senapati ah Cardamom cultivation
Imphal, July-12: IWMP tungtawn in Senapati a DRDA Conference hall ah tuni’n Large Cardamom (Elaichi) cultivation programme honkhiakna om a, hiai hun Jacintha Lazarus, DC/Senapati, Dr. Alexander Pao, Ng. Benjamin, ADC member, SDOs, Officials, village leader, Civil societies leh mi tuamtuam te’n uap uhi. Dr. Alexander Pao, 47-Karong A/C palai in Senapati dist adia Cardamom cultivation masapen hi a, singtang lam a opium/poppy cultivation tawpsakna dia DC panlakna hi’n gen hi. Cardamom in phattuamna tamtak nei a, meh lak a zat banah damdawi din leng kizang a, lou khou mi leh mipite’n a hoih theipen a zang ding in ngetna bawl hi.
    Jacintha Lazarus, DC/Senapati in khaw tuamtuam apan cardamom ching (growers) mi 21-te kiangah cardamom clumps hawmkhia a, Programme hun ah Senapati district sung a DRDA/Senapati, VA leh  khaw tuamtuam a Watershed Committee te’n thupukna 3 tawh kisai in kilemna suaikai uhi.


Horticulture Dept. in kum teng ah B.Sc (Hort.) zil ding a lak uh tawh kisai in tutung a selected ST theihphak teng a nuai a bang ahi. 
Roll.No.    Name    Address
1601824    Ruth Kimthenvah Kholmun Village/CCpur
1602071    H. Dambiakching Salem Veng/CCpur
1601575    Ngaichingkim Touthang    Vajing Village/CCpur
1601892    Lalramngheti    Moulvaiphei/CCpur


TUNI THUPI:
“Tualthat mi zaw na tat ding uh ahi kei, sihna khop dia moh ahi a, hihlup ngei ding ahi zaw.”- Nambers 35:31


EDITORIAL:
Ratan leh ‘Wanted Tag’
Kum tamtak paisa apan Manipur state ah helpawlte’ ziakin buaina chi tuamtuam om mun mahmah a, kithah, kimat leh kisoisakna om touden a, tuni dong akhawlkei a, niteng phialin koikoi hiam ah siluang muh chih omtou den hi. Manipur phaijang bialah helpawlte a ‘boss’ mahmah uh a, tuamah bangin singtang bialah leng ahithou hi. Centre government in Armed Forces Special Power Act (AFSPA) hon koihkhum pen nautang (civilian) adia ahoihzawkna ton om ade aw chih bangleng om thei hi. Ahi a, fake encounter thuziakin security force-te hong minse gawp uh a, utut leh muan mawhmawh thahtheihna ‘rights’ nei bang a hong kingaih chiangun uang khengval mah uh chihtheih in om hi. Ahi a, Irom Sharmila in kum tampitak Manipur state apan AFSPA lakkhiak ding phutna in annngawl mahleh limsak ahikei a, Nagaland state ah lemna leh muanna dinmun hoih mahmah in kilangta mahleh Union Home Minister in kha 6 behlap nawn uhi.
    I tenna state dinmun gen tamlouhin i theivek uhi. ILP issue tawh kisai in adeihleh deihlou kalah buaina thupitak om in state government adingin lung-ap huaipi suakding a, himahleh, centre government in legal expert-te thudot (consult) ding chi hiauhiau pan uhi. Tuma in ILP deih a kiphin pawl JCILPS convenor Khomdram Ratan kichi ahihna theihkhiakin hong om a, UNLF-te Flag lenkawma ginomna thuchiam aneih lemlak kithehdalh in JCILPS-te ahihna uh taklang mahmah a theih ahi. Tu in Manipur government in atung ah ‘Wanted Tag’ koihin amah omna thei hiam ahihkeileh ahilhthei om leh Rs 5 lakhs piakding in chiam uhi. Gamla lua ah om dingin i gingta kholkei a, police commando hiam ahihkeileh CID te’n tuahkhe ut hile uh theisuah mahmah ta ding un gintakhuai hi. Kipimangna (kidnapping case) tawh kisai banghiam om chiangin state government leh forces/agency tuamtuamte a gamtat ut taktak chiangun mankhe pahpah uh a, himahleh, tuni dong Kh Ratan mat a om lam zak hinailou hi. Manipur leitang kantan a gamdanga kibuding in gintak haksa mahmah hi.
    Media thusuak dungzui in Ratan tungah case tuamtuam 75 bulhkhumin om chih hi a, kumlui June apan August 2015 sunga agamtatnate chih ahi. Kha 3 sunga hichituk a criminal case ana neihtheih thil lamdangtak ahi hi. Ngawhna khenkhatte ah ‘anti-social and pre-judicial activities’ abawlte chih hi a, JCILPS min zanga nasem ahi chi uhi. Ngawhnate bel dik mahmah maithei himahleh, amah matkhiak a a om nailouh thil lamdang hi a, ‘Wanted Tag’ koih a om khitnung a tuni dong state force leh agency-te gamtanglou uhiam chih ut huai hi. Koi kawm tela kibumang adia le?
    Manipur state ah movement tuamtuam tam mahmah a, niteng phialin buaina neuhneuh gen senglouh phialtung in dharna/ strike/ shutdown/ blockade kichite mun tuamtuam ah om touden hi. Huchih lai in, JCILPS in Inner Line Permit ngetna a kiphinna tuamtuam aneih uh amau thuneihna (democratic rights) ahi a, va pawng mawhsak hituan khang, himahleh, helpawl leader khatin JCILPS convenor alet hilhial pen bang policy leh program kiphumgu om ahi dia? Thuleng khenkhat in agendanin, August 31, 2015 a bill minthang 3te a kipassed na tawh kisai Chief Minister mahmah in Manipur phaijang bial a helpawl tuamtuam kipawlkhawm CorComte thupiak hidanin gen chi uh a, hiai pen hong dik toutou dingin kilang hi.
    Ratan chauh ahikei a, ama nungin JCILPS a makai poimawh mahmah khat tenna inn ah galvan chi tuamtuam banah bomb hunkhop muhin om nawn chi uhi. Outer Manipur Tribal Forum in ‘Anti tribal bills’ himhim pomtheih hilou ding chi’n a thupukna uh hon suahkhe nawn uh a, tunung sawtlou a State assembly session om ding pen Manipur tribal MLA-te adingin ‘Acid Test’ hoihtak hiding hi. Himahleh, eilak ah leng ki-etna ding tamtak om a, i palaite un pan hon la le uleng ‘a kikhelta’ i chihsan zel ding uam?   


Aadhaar Seeding in Manipur is about 70% from the total active LPG consumers of 3.26 Lacs (Aadhaar Compliant). As far as the LPG coverage/penetration in Manipur is concerned, it is 58.8% (households covered with domestic LPG gas for cooking).

The following are the latest development of LPG.
Aadhaar Seeding in Pahal (DBTL) Scheme

•    From 01.07.2016, subsidy will only be transferred to the eligible customer having Aadhaar seeding in LPG;
•    Subsidy for the BTC customers who have not seeded Aadhaar will be kept on hold till 30.09.2016, after which the parked subsidy will lapse and the customer will not be eligible for subsidy of refills consumed after 01.10.2016 till he submits Aadhaar to his/her LPG distributor;
•    In case the customer does not become Aadhaar compliant during the period 01.07.2016 to 30.09.2016 further quota of the customer will not be reversed as and when the customer becomes Aadhaar compliant after 1st October, 2016;
•    If the customer submits Aadhaar after 01.07.2016 but before 30.09.2016, his/her subsidies, if any, will be triggered to his bank account and the consumer will start receiving subsidies thereafter.

“Pradhan Mantri Ujjawala Yojana” (PMUY)

In order to provide clean cooking fuel to poor BPL families Government has approved for release of 5 crore deposit free LPG connections to Women of BPL households over a period of 3 years under Pradhan Mantri Ujjwala Yojana (PMUY).

Identification of Beneficiaries
While the selection of beneficiaries would be from the BPL families only, preference would be given to SC/ ST and weaker sections of society. While providing the new connections to BPL households, priority would be given to the States which have lower LPG coverage (compared to the national average).

(BPL is a person/ household who suffers from at least one deprivation under the SECC – 2011 (Rural) Database. LPG connection under this Scheme shall be released in the name of the women belonging to the Below Poverty Line (BPL) family.)

A woman of the BPL household, which does not have access to LPG connection at the start of the new Scheme, may apply for a new LPG connection (in the prescribed format) to the LPG distributor. While submitting the application form, the woman will submit details, like Address, Janadhan/ Bank Account and Aadhar number.

The LPG Field officials will match the application against SECC – 2011 database and, after ascertaining their BPL status, enter the details (name, address etc) into a dedicated OMC Web portal.
OMCs will undertake electronically the de-duplication exercise and other measures for due diligence for a new LPG connection.

The connection shall be issued by the OMC to the eligible beneficiaries (after completion of various stages above). While the connection charges would be borne by the Government, the OMCs would provide an option for the new consumer to opt for EMIs, if he so desires, to cover the cost of a cooking stove and first refill. The EMI amount may be recovered by the OMCs from the subsidy amount due to the consumer on each refill.

In case the State Government or a voluntary organization or an individual wishes to contribute the cost of a stove and/or first refill, they would be free to do so in coordination with the OMCs. However, this would be under the overall umbrella of PMUY and no other Scheme name/ tagline would be allowed without express approval of the Ministry of Petroleum and Natural Gas (MOP&NG).

PMUY is intended as an act in nation building, improving the quality of life in Rural Households.