Lamka, July-17: Online tungtawn a news muhtheihna PhualvaTimes enkaitu(admin) te'n zan in Headquarter Veng a Pu Sianmung Naulak (Admin) inn ah kimuhkhawmna kinei hi. Hiai hunah Admin tuamtuam - Benmyn Phiamphu, Muamuan Tonsing, George Tonsing, Jo Tonxing, KC Ngaihte, Qup Tonsing, Joy Ngaihte, Ginlun Ngaihte, Sianmung Naulak kihel thei uhi. September 29, 2012 a PhualvaTimes patkhiak nung in amaute lakah khenkhat te akimuhpatna uh ahi hi. Mipite poimawh, Online tungtawn a news simtheih ding kaikhawm a pangkhawm in, omna tuamchiat ah mel kimulou a semkhawm hi ua, anuam-ahaksa thuak khawm nung in kithuahkhawmna poimawhtak neithei uhi.
Hiai hunah admin paikhawmte'n aniteng hunzatdan,leh PhualvaTimes adia a panlaknate uh aban-ban a houlim khawm in kithuahkhawmna om a, haksatna tamtak om mahleh, tha-le-zung leh hun manpha pia in maban ah leng hihtheih dandan a sutzop zel ding in thathak lak sawm uhi. Admin paikhawmte lakah atamzaw in lunglutna beikei mahleh, hun kidaih zohlouh ziakin website etkaina lam ah hun piak haksa asakdan uh gen ua, ahitheitan in bel sutzop zel hoihsa uhi.
No comments:
Post a Comment