SIAMSINPAWLPI
Joint Headquarters, Delhi
Dated: 16 August 2016
CHIALNA
Ahong tungding kiginni, 20, August 2016 zinglam dak 10 in Convention Centre, Jawaharlal Nehru University mun ah Siamsin mi-le-sa Delhi hong paithak te muakna leh siamsin te ding a career guidance 'Education for a Positive Change' chih thulu zang a hunzat kisawm hi.
Hiai hun hong uap a hunseh a om a phatuam theipen a hongzang ding in siamsin mi-le-sa Delhi leh a sehvel a om te tengteng pawlpi sik-le-tang in kahon chial ahi.
Hunseh a kihelthei ngeingei ding a u-le-nau, nu-le-pa, tek-le-khang ana kisakhawl a, i nna dangte apan ana ki awngsut ding inleng kahon ngen sawnsawn ahi.
Kipak.
L.Khammuanlal,
President.
-----------------
DELHI SIAMSIN FRESHERS’ WELCOME LEH CAREER GUIDANCE HUN ZAT HIDING
Siamsinpawlpi Joint Headquarters, Delhi inntekna toh ahongtungding kiginni, August 20, 2016 zinglam dak 10 in Convention Centre, Jawaharlal Nehru University ah ‘Education for a Positive Change’ chih thulu zang in Freshers’ Welcome leh Career Guidance hun zatna omding hi.
Hiai hun ahihleh Hoihnu Hauzel, Biaklun Thawmte, C Sanga, Grace Siamlianvung, Dorothy Niangkhannem Guite, Siamsang Vualnam, Dr. Rose Nembiakkim, Vumlunmang Vualnam, N.Chinsum, Khatchin Langel, Khamkhansuan leh Rev. Kamzamuan te’n Guest Speakers hihna toh uap in Siamsin te ding a thu poimawh leh manpha te genna nei ding uhi.
L.Khammuanlal, President, SSPP Delhi apan thutut kimu in a taklat dungzui in hiai hun zatna ding toh kisai a kisakkhawlna poimawh om te zawhsiang hita chi a, aman hiai hun a Delhi Siamsin a tamtheipen kihel ding leh hun seh a om zang phatuam ding in member te tengteng chialna bawlngal hi.
Zoflami, Melody Hmar Varte, Mary Lun Naulak, Pyr T, Pastor Biakson, Siamsin Tulmoh leh Shakti Trust Foundation ten leng hiai hun zatna Guest Artistes hihna toh uap ding uhi. Hiai hun ah Mr and Miss Fresher 2016 leh title tuamtuam kitelna leng neih hiding ahihdan vaisai te apan thu zak ahi hi.
Education Department apan thusuak dungzui in tutung freshers te min kaihkhawmna hun a min pelut te et in Delhi a siamsinna sangzaw leh maban sunzom ding a paithak siamsin mi-le-sa 50 vel dia hisap theih ding ahihdan gen in om hi.
Hiai hun zatna munding Convention Centre, Jawaharlal Nehru University leh hiai hun toh kisai a dotnop neiten 9811716758, 9643465521, 9717948357 number te tungtawn a Siamsinpawlpi Delhi thuzak theih gige ding chih ahi.
# Freshers’ Welcome leh Career Guidance hun a limlak leh hiai hun toh kisai facebook, instagram, twitter...etc tungtawn a post tuamtuam neite’n #SSPPFM16 zang ding in ikizak uh ahi.
# Tutung ‘Freshers Welcome leh Career Guidance’ chiang in a hi thei tan in kua peuh NAMPUAN i neih bang bang in ki zem thei chiat leng chih di duhthusam ahi. Pasal ten nampuan liangbat ahihkei leh neck tie bek toh ki thuam a, numei ten bel puansilh leh niik, khi, tau, bilbah leh a dang dangte toh ki vaat theih a hi.
Hichi bang hunte loungal i nampuante toh ki zem a iki lawm dan lahkhiat theih hun om tuanlou ahi chih phawk thakthak kawm in hiai hun ah telkim chiat ding in iki chial thakthak ahi.
 |
| Convention Centre, Jawaharlal Nehru University |
No comments:
Post a Comment