HEADLINES:
India flag zahtakloute kum 3 suangkulh tang ding
Tricolour flag zang thanghuaite enkai di’n theihsak
India flag zahtakloute kum 3 suangkulh tang ding
Tricolour flag zang thanghuaite enkai di’n theihsak
New Delhi, Aug-13: National flag ‘tricolour’ zat dingdan hilou a zangte enkai di’n Union Home Minister in State leh Union Territory teng thupiak bawl a, tricolour paper flag zatna ding mun a plastic zat a om ahihdan report ngah uh chih theisak in, amaute’n plastic a kibawl national flag zanglou di’n theisak hi. India gam chiamtehna poimawh national flag zahtaklou a, thanghuai sakte kum 3 sung suangkulh tang in sum liau ding uh hi’n leng Home Ministry thusuakin gen hi. Huai thupiak Central government department tuamtuam kiangah leng khaksawn uh a, Flag Code leh Prevention of Insults to National Honour Act bawhsiate gawtna peding in theihsak hi uhi.
National flag zahtak poimawhdan, mipi theisiam sak ding leh awareness programme sai ding in state leh UT vaihawmtute theihsak in om uh a, publicity tam theilam bawl ding inleng thupiak ngah uhi. Ministry thusuakin agenzelna ah paper flag pen muat thei mahleh plastic a a kibawlte ninbuakna leh koihiam a paihkhiak nung inleng hunsawtpi omthei a, huai in national flag manphatna hihbuah hi’n taklang hi.
Home Ministry advisory thusuakin agendan in ‘The Prevention of Insults to National Honour Act, 1971’ section 2 dungzui in mipi lak hi in, mi muhlouhna mun hilehleng, national flag haltum, hihsia, leh zahtaklouh langsakte banah athu(word) leh gelhthawh (written) a simmohna neite khauhtak a gawtna piak ding hi a, state leh UT government in amaute enzui a action lakkhum ding in theisak hi.
State leh UT teng in national, cultural leh sports event hunte ah ‘Flag Code of India 2002’ dungzui a paper flag vuak zang di’n Home Ministry in thupia a, programme bei nung inleng mimal khat peuh in amah utna bang in leitual(ground) ah paih thang lou ding in theisak a, akisaipih thuneitute’n zahtakna tawh mun thoveng ah a lompi a koihkhe(disposed) ding in theisak hi. Union Home ministry in thusuah abawl in Independence Day zatna ding tawh kisaikhakna nei hi’n thusuakin gen hi.
LOCAL NEWS:
DRDA documentary honna om
Lamka, Aug-13: Lunminthang Haokip, IAS & ED/DRDA in documentary abawl tuni’n Tuibuong a Dist Training Centre ah JC Ramthanga, IAS, Principal Secy (Rural Dev. & Panchayati Raj) in hong hi. Huai hun ah Guest of Honour in Brig. Ajay Kumar, Commander, 27 Sector, Assam Rifles pang a, khaw hausa, DRDA staff-te banah DLO, EM leh MDC hunkhop in uap uhi.
JC Ramthanga in DRDA kichi Central Govt. in gamsung a khawtate dopsangna dia a patkhiak hi a, fund tamtak sanction in na tamtak sepkhiak hi’n gen a, CCpur dist. in documentary a bawlkhiak kipahpih thugen hi. DC leh DRDA staff-te’n mipi adia nasem ahihdan athak a thei dingin ngen hi. DC in khantouhna dingin documentary poimawh a,dist. Khantouhna ding tupna a huai bawlkhia hi’n gen a, DRDA paidan leh sepkhiakte taklat hi’n gen hi.
www.tedimchin.in kihong
Lamka, Aug-13: Gouchinkhup Veng a TCYA Hall ah tuni’n Chief Guest apang in N. Thuamkhansuan, MCS, SDO/BDO Singngat in website thak www.tedimchin.in kichi hong hi. Aman website kichi pau leh lai koihchingna dia thil poimawhpen hi’n gen hi. Tedim-Chin adin tuni a website kihong gou (asset) khat ahihna ah kepdan siam poimawh chi hi.
Dr. Neng Ngaih Lian, President, TCU Hq in British te’n Tedim Chin pen Sukte a chiamteh in, Meitei te’n Hao chi’n chiamteh uh a, khangthubu leng London Museum ah ettheih dia koih a om hi’n gen hi. Tedim-Chin kichi history, culture leh identity nei hi a, Tedim-Chin namte adi’n siamsinna lou ngal suahtakna ding omlou ahihdan gen in, khangthakte’n siamsinna mah pibawl a, kipumkhatna kembit dingin ngen hi.
Website Sub-Committee in nam khantouhna ding tamtak semkhia a, English to Zokam Dictionary bawltu Dr. Dallian ‘Man of the Year 2016’ a puangin apanlakna kipahpih etsakna in memento pia uh a, website host na dia sum-le-pai banah tha tamtak ana seng Tulsa USA a om MC Gouchinkhai leng memento a piak banuah Tedim Chin Union founder President Ginzakap Shoute kiang ah Lifetime Achievement Award pia uhi.
YVA Gen HQ in Kangvai block hong
Lamka, Aug-13: Young Vaiphei Assn (YVA) Gen HQ in tuni'n Kangvai community hall ah YVA Kangvai Block hong uhi. Vungminthang Khaute, YVA President, Gen HQ in block thak hongkhia in makai thakte Rev. S. Khaikholam, MPCS Kangvai bial in thumsak hi. Block thak a President- K. Chung Vaiphei, Vice President-Th. Mawia Neihsial, Secretary-Lalthansang, Asst. Secy- Kamlalven, Organiser- Khailalpi, Fin. Secy -Kimlianhat, Treasurer -Tailemting uhi. Advisor in Upa R. Vaiphei, Ginlalthuam leh Luttinthang guang uhi. Kangvai block nuai ah unit 28 om hi’n gen uhi.
JAC makaih in mass sit-in-protest
Lamka, Aug-13: JAC against Anti-Tribal Bill makaih in Aug. 15, 2016 zinglam dak 11:00 akipan Hiangtam Lamka a ‘Salphate Pumbuk’ ah ‘Mass Sit-in-Protest Dharna’ om ding hi. Huai ah thu tuamtuam gen banah gam leh leitang adia thumna leng om ding a, atam theilam kihel dingin chial uhi. JAC-AATB in singtangmite kiphinna kum 1 a chinni a inn chih a takkhiak ding flag abawl uh zuak panta uh a, kuapeuhin lei dingin ngen uhi.
Rehearsal ah contingent 33 tel
Lamka, Aug-13: Tuibuong Peace Ground ah Dist. Admn makaih in Aug. 15, 2016 zinglam dak 9:00 in Dist. Level ‘70th Independence Day’ zatna om dinga, march past atel dingte’n tuzing in Parade Commander Basulal Singh, SDPO/CCpur makaih in rehearsal nei uhi. Huai ah STC/BSF, Ex-Servicemen, Zilla Sainik Board, Civil Police, Women Police leh VDF apan contingent khat chiat, NCC apan contingent 7 telin school tuamtuam 10 apan contingent 2 chiat kigawm contingent 33 pha hi.
Power Station ah meivak lutlou
Lamka, Aug-13: 132/33/11-KV Khengjang Power Sub-Station apan tuni sunnung in 33/11-KV Khominthang Power Sub Station ah electric meivak honglut theilou a, koimun tak kisia hiam chih theih hinailou hi. Khengjang leh Khominthang (New Lamka) kikal Imphal pansan Manipur State Power Company Ltd. (MSPCL) Transmission chi a leng kithei etkaina nuai a om hi a, MSPDCL/CCpur Divn. te’n apoimawh bangbang a Transmission (MSPCL) te kithuahpih a electric siatna bawlhoih sawm uh hi’n kigen hi. New Lamka Khomingthang Power Station akipan meivak laten zan sunnung akipan in mei mu lou uhi. Tulai in New Lamka, Bungmual, Pearsonmun, Phailian leh a sehvel a khua omten meivak mu gina hetlou un leng kigen hi.
JAC Singngat in uaplou di’n theisak
Lamka, Aug-13: JAC Singngat Area in thusuah abawlna ah Bill 3 tawh kisai a buaina tutan venglou ahih banah singtangmi MLA-te boycott leng lakkhiak hi nailou a, Aug. 15, 2016 in Singngat Public Ground ah ‘70th Independence Day’ lopna ah Singngat MLA’ uap theilou ding a, uaplou dingin theisak uh a, JAC thusuah zuilou a kalsuan teiteite tungah thil deihhuailou tung a om leh amau mawh kipuak dingin theisak uhi.
Mobile Traffic Court ah gari 85 man
Lamka, Aug-13: CCpur Dist. Legal Services Authority (CDLSA) leh Traffic Police pangkhawm in tuni zinglam dak 11:00 apan CCpur Police Station mai, Tedim Road ah “Mobile Traffic Court” neih in om hi. Huai ah 2-wheelers gari-te driving license, kum chinglou gari hek, gari’ registration certificate, insurance certificate, registration No.,gari hattai lua (excessive speed), helmet khulou check uhi. Huai ah 2-wheeler gari atai Traffic rules bawhsia mi 84 leh tinted glass thuah car 1 man uh a, TR-5 cut in gari neitute liausak (fine) uh a, Rs. 10,200/- mukhia uhi.
Bill tungtang genkhawm ding
Lamka, Aug-13: “Manipur Regulation of Non-Local People Bill, 2016” tawh kisai Aug 15, 2016 sunnung dak 1:00 in PTC GHQ Conference Hall ah PTC Gen HQ makaih in genkhawm hiding a, Rev Khen P. Tombing, Chief Co-ordinator, PCI (R) in thumna in hun hong ding hi. Huai ah ngaihdan tuamtuam genna leh kikupkhawmna omding a, Advocate-te, Intellectual-te, Student makai-te, Church leader-te leh Social worker teltuam 36 telding uh a, program zawh in Rev. S. Vung Minthang, General Secy. EBC in thumna in hunkhak ding hi.
Peace Talks tungtang report pia
Lamka, Aug-13: Mizoram solkal tawh Aug 10 a HPC (D) in Peace Talks aneih hun ua palai kihelte’n tuni sunma dak 11:30 in VTI Auditorium, Rengkai ah Consultative Meeting hun ah report pia uhi. Amau-te’n report abawldan un HPC(D) in hun sawttak apan athilphut – Sixth Schedule leh Autonomous District Council pen khawlsan lou in tutung in tangkoupih nawn uh a, huaite alawhchin theihna di’n khanawn a kihouna om hun ah demand aneihte uh kichiansem a piaklut sawm uhi. Tuni a Consultative Meeting ah September Peace Talks adi’n Drafting Committee phutkhia uhi. Convenor ding in Dr. John H. Pulamte (Social Activist) guang ua, member di’n Lalthalien (Secy Assembly, Hmar Inpui GHQ), Dr. Vanlalnghak (Assembly Speaker, Hmar Inpui GHQ), Francis Songate (Gen Secy, Hmar Inpui), Lalthlamuana Hmar (Assembly Speaker, HSA GHQ), leh David Buhril (Social Activist) guang uhi.
Lok Adalat ah case 10 genveng uh
Lamka, Aug-13: Tuibuong a CJM court ah tuni zinglam dak 10:30 apan CCpur Dist. Legal Services Authority (CDLSA) saina in ‘1-Day National Lok Adalat’ neih in om a, Bank tuamtuam ah loan tawh kisai hih fellouh nei mi hunkhop tel uhi. Huai hun ah case 10 gen vengsak uh a, loan bat (due) nei mi 10 te’n loan apiak uh Rs. 14,59,534/-pha hi.
Innkuante uh kiang ah pekhia
Lamka, Aug-13: Thoubal Police team te’n Aug 10, 2016 zing baihtakin Myanmar gam ah puaklut (trafficking) ding naupang kum chinglou 2 telin numei 3 hunkhia uh a, Child Welfare Committee (CWC) Thoubal khut ah pekhia uhi. Numei 3 te SP/CCpur leh CWC/CCpur panlakna in Lamka puaktun hi uh a, CWC/CCpur te’n counseling neihpih in a innkuante uh kiang ah tuni’n pekhia uhi. Numei 3 te leh CWC/CCpur makai te kihou hun ah CCpur Dist. apan numei 100 val ding Rangoon ah human traffic a om uh hi’n taklang uh chi’n CWC/CCpur makai te apan kiza hi.
Mualnuam a I-Day lopna uap ding
Lamka, Aug-13: Langkhanpau Guite, Chairman ADC/CCpur & Chairman, DRDA/CCpur in abial a Mualnuam khua ah 70th Indian Independence Day lopna uap ding in Aug 14, 2016 in Mualnuam khua zuan ding hi. Mualnuam Sub Divn. ahihnung 1 veina ding in Independence Day lopna zat hiding hi.
Kangvai ah 70th I-Day lop hiding
Lamka, Aug-13: Kangvai khua ah Aug 15, 2016 zinglam dak 8:45 in 70th Indian Independence Day lop hiding a, Seiminthang Lenthang, MCS, SDO/BDO, Kangvai in National Flag kaipalh ding hi. Aman March past-te apan salute lading a, thugenna neiding hi. YVA Kangvai block leh Zillai Kangvai block te’n cultural show nei ding uh a, huai zawh in prize/award hawmkhiat hiding hi.
Inter-school Choreography competition
Lamka, Aug-13: Zenhang Lamka a Young Learners’ School (YLS) a Music Club saina in tuni zinglam in Inter-School Choreography Competition om a, St Mary’s H/S; Mount Carmel School, VK Tawna High, Pathway School leh YLS apan student-te tel uhi. Kipahman ahihleh Oct 7, 2016 YLS Silver Jubilee Celebration hun ah hawmkhiat hiding hi.
Coaching Centre in kipahpih
Lamka, Aug-13: D. Phailian a Christopher Coaching Centre ah tuzing in kipahpihna leh program latna om a, Chief Guest in Holjang Lhungdim, MDC pang hi. Huai ah Functional President in Sholet Haokip, Chief of D. Phailien; Guest of Honour in Th. Ngamboi Baite, Propietor MORIA Digitech pang hi. HSLC exam 2016 ah CCpur Dist. 2nd topper Ruby Hatneihoih Touthang kiang ah P. Shanta Singh Memorial Cash Award Rs.2000/- piak in om a, Awardees 9 teng tawh Pastor N.Ranjit Singh, CBC in Pathian kiang ah thumsak hi.
Human traffic thu ah Lalrohlu man
Lamka, Aug-13: Myanmar gamsung ah CCpur Dist. apan numei puaklut (traffic) thu ah Thoubal Police-te’ ngetna bang in CCpur Police te’n zannitak in Lalrohlu (36) s/o Haukhuma of Apollo Veng mankhia uh a, tuni sunnnung dak 1:30 in Thoubal Police te’n CCpur Police-te’ khut apan hongla uhi.
SDO office leh ITI hahsiang
Lamka, Aug-13: Hmar Student Assn. (HSA) CCpur Jt. HQ makaih in HSA Unit tuamtuam te’n tuni’n Saikot a SDO Office complex leh ITI compound hahsiang uhi. SDO office leh ITI compound deptt te’n hoihtaka etkol louh ziak un akim leh pam hahsiang ding tamtak omte HSA Jt. HQ makaih a hahsiang uh hi’n kigen hi.
ITI Saikot ah Trade 2 apply theih
Lamka, Aug-13: ITI Saikot ah trade 6 leh trade thak 2- Computer Operator & Program Asst. (COPA) leh Hair & Skincare zil nang application form kihawm lel a, application fill-up zawh in Aug 31, 2016 tan in submit theih ding a, thuchian kimzaw office ah kantheih ding hi.
SUUNNA:
K. Kamkhovung (86) f/o K. Lalkholian of Vengnuam South, New Lamka tuzing dak 4:30 velin cancer in si a, sunnung in YPA hanmual, New Lamka ah kivui hi.
Mrs. Rebeca (35) w/o M Haulunlal of P Kamdou Veng tuzing dak 6:30 velin cancer in si a, nitaklam in Kamdou Veng hanmual ah kivui hi.
Sarah Khupkimhoi @Hoiboi (48) w/o Tuvia Tualkhanlian Hangsing of HQ Veng tuni sunnung dak 2:30 velin cancer in si a, Aug. 14, 2016 in HQ Veng hanmual ah kivui ding hi.
H. Thangchinlian (67) h/o Lamzangai of V. Munhoih, New Lamka, hun sawttak damlou a om tuni sunnung dak 12:20 velin si a, Aug 14, 2016 in Simveng hanmual ah kivui ding hi.
IMPHAL NEWS:
Tuni'n Patriots’ Day kizang
Imphal, Aug-13: Manipur ah tuni’n Patriots Day mun tuamtuam ah zat ahih tawh kiton in Hicham Yaicham Pat a Tikendrajit Memorial mun ah tuni zingsang dak 8:00 in Governor V. Shanmuganathan telin Chief Minister O. Ibobi makaihna in Dy CM Gaikhangam, Th. Lokeshwar Singh, Speaker, Ministers, MLAs, top civil and police official te’n Bir Tikendrajit leh Thangal General-te tungah zahna latsakna in a limlak uah pakpiakna neih zawh nung in minute 2 sung dai dide in om uhi. Huai zawh in Manipur Rifles contingent te’n Martyr-te zahna piakna in gun salute bawl uhi. Huai nungin Palace Compound a Thangal General Memorial mun ah CM makaih in pakpiakna om a, BT Park ah nitaklam dak 3:00 in program zatna om hi. Akigendan in Thangal General leh Bir Tikendrajit te’n British-te tungah gal bawl ziak in Aug 13, 1891 in Pheidapung ah British te’n khailum uhi.
Huailou in Senapati district a General Thangal Ecological Park mun ah District Administration Senapati leh Thangal Union-te saina in ‘Patriots’ Day’ zatna om a, huai ah Chief Guest in ML. Markson, Chairman, ADC Senapati pang hi. Sainik School Imphal leh New Delhi a Chanakyapuri a Manipur Tikendrajit House ah leng Patriots’ day zatna om a, huai hun Delhi a Manipur Bhawan a staff leh officer-te banah Lok Sabha member Dr. Th. Meinya, Thangso Baite leh Resident Commissioner Vineet Joshi te’n uap uh hi’n kigen hi.
One Day blood donation camp
Imphal, Aug-13: YPA Lamphel Unit leh SSPP Lamphel Branch-te saina in Lamphel a RIMS Hospital ah tuni zinglam dak 10:00 in GL Roumuan in thumna tawh ‘One Day Blood Donation Camp’ hongkhiatna nei a, hiai hun ah pasal 43 leh numei 6 te’n sisan pia uhi. Huai banah mi kiphal 15 vel ding te’n a vek a gawm in Rs. 15,600 thawh uh a, sunnung dak 1:30 tan in camp zousiang uhi. Lamphel a YPA Hall ah nitak dak 5:30 velin T. Vungkhansuan, Local Pastor, EBCC Lamphel in sisan petu leh mi phatuam ngai-te tungah kipahthu banah amau adi’n thumsakna nei a, huai nung in annekhawmna nei uh a, YPA Lamphel Unit leh SSPP Lamphel Branch te’n blood donation camp sai theihna din Rs. 1000 tuak pawkhia uh hi’n leng kigen hi.
Imphal-Moreh bandh ni 3 chingta
Pawl tuamtuam in gupthu puang
Imphal, Aug-13: JAC against the brutal killing of M. Jamkholal Zou @ George te’n tualthatna a kigolh-te matkhiak lou a om mawhpaihna in Aug 10, 2016 zankim apan NH-102 (Imphal-Moreh) ah indefinite bandh a puang uh tuni’n ni 3 chingta a, bandh supporter te’n Senam Village leh H. Kotlenphai Village ah gari taiding dal uh a, himahleh media-te, sahkhua thil tawh kisai leh damlou pua gari-te paisuak sak uh hi’n kigen hi. Hangngul Pungpi Orgn. leh Sugnu Lamhang Block te’n state govt. leh a kisaipih thuneite’n tualthat-te matkhiakna dia pan alak louh uh mawhpaih thupuang uh a, Gunpi Area Kuki Chiefs’ Assn. (GAKCA) te’n leng mawhpaih thupuang in JAC-te bandh tawh kisai gupthu puang uh a, govt. in a kintheipen a JAC-te thilphut sukpichinsak dingin ngetna bawl uhi.
Huailou in Thadou Inpi, Thadou Women Assn., Thadou Students’ Assn leh Thadou Youth Assn te’n Imphal-Moreh lampi ah JAC te’n bandh a bawl uh gup thupuang uh a, Jamkholal innsung mite’n July 7, 2016 in Police Station ah FIR khelut mahle uh tunitan a tualthat-te matkhiakna dia panlak omlou a, state govt. in a kintheipen a JAC-te thilphut pichinsak ding in ngetna bawl uh a, huai ahihkeileh Imphal-Jiribam leh Imphal-Dimapur lampi-te ah indefinite bandh bawl dingin taklang uhi.
Mary Kom in Pineapple festival uap ding
Imphal, Aug-13: Manipur ah pineapple tamsem piankhiaksa ding tupna in Khousabung ground ah Aug 27, 2016 in ‘The 9th edition of State Level Manipur Pineapple Festival’ om ding hi’n Seilenmang Khongsai, MDC banah Working Chairman, Manipur Pineapple Festival Committee in gen hi. Huai hunah Chief Guest in International Boxer banah Rajya Sabha MP Dr. MC Mary Kom pang ding a, Functional President in T. Pamei, IAS, Commissioner (Hort. & SC/TD) leh Guest of Honour in Lunminthang Haokip, IAS, DC/CCpur leh Genneikhup Vaiphei, EM, ADC/CCpur-te pang ding uhi.
TUNI THUPI:
“Na bil dawh unla, ka kiangah hongpai un;huchi in na hing ding uh.” –Isai 55:3
EDITORIAL:
Kikhekna(change)
Kikhekna kichi tulel a US President Barack Obama in US President ding a candidate ahih lai in thupi(theme) dingin zang a, huai mah leng lawhchinpih hi. Ahihziakin, US ah bang kikhekna pawkhia hiam chih sautak a theihzui hi nawnlou a, kikhekna (change) a chih in mi tamtak lunglutsakin’ lungsim mi zou mawk a, bangchibang kikhekna hiam chih mipi’n leng dot in nei tuanlou uhi.Kikhekna(change) lunggulh leh kikhek lam-en mi tamtakin Obama President dingin vawk uh a,amah hong in ching petmah hi. Tuamah bang in eilak ah leng khangthak (Generationex) chih a omten kikhekna i lunggulh ua, khawtang, gam leh nam hileh saptuam chih ah tuailai leh khangthak lamten kikhek i ut mawkin kilang hi. Tulai i buaina uh paidan i et vengveng aleh mipi’n namsung a kikhekna a om deih uh hipen in kilang hi. Obama in kikhekna a chihpen banglam a kikhekna hiam chih gen khelou a, kikhek ding himai a, huai lelin US President dinmun luah hi. Eilak ah leng mi tamzaw kikhekna lunggulh i hih uh gintak huai hi. Ahihleh bangchibang kikhekna ahiam i lunggulh leh i deih chih kidong lehang kibang veklou ding hi. Ahihziakin bang lamhiam ah kikhekna a om bel hoihsa vek i bang uhi.
Eilam tawh kisai(context) en lehang khangthakte’ lakah kikhekna lunggulh tamtak om a, namsung, khawtang thil hi’n saptuam sung hitaleh innsung tanpha ah upa lamte leh nu leh pate tawh ngaihdan kibang nawnlou mawk hi. Hiai in generationex ahihna taklang a, kum dang a MLA election om chiang in innsung a nu leh pate’ deih penpen-te vote kipia in innkuan in vote khiakna kibang sek a,himahleh tuni chiangin huaipen zat theih nawnlouh a, nu leh pate leh tate deihna kibang nawnlou hi. Huaiziakin, hun paisa a paidante tulai in zat theih nawnlouh tamtak om ahihdan theih leh muhsuah in om a, khangthakten huaite zui thei nawnlou mawk uhi. Makai ding bang leng khangthakte’ lungsim leh lunglutna muban leh mankha bante deih huaita in kilang hi. Bangchibang kikhekna hiam i poimawh uh chih zaw mimal in kidong hi lehang chiantak a genthei tamlou maithei hi. Ahihziakin, kikhekna khat peuhpeuh pomsiam ding a tulai khangthakte kiman hidan in theihtheih mawk hi.
Etsakna dingin CCpur district ah khateng in gari aza asim a thak kibehlap ahihdan Transport office a registration kibawl zah akipan haih vuallouh in kichian a, ahihziakin lampi keklet ding thulam akigen khak chiangin thuneitute a deihloupen in pang mawk uh bang hi. Niteng a Gari kibehlap chih mit mahmah a mute’n leng mikhat leh nih mitmei ven ziaka lampi keklet ding hoihsalou lampang a pang mawk chih leng omthei zel hi. Lampi keklet ziakin MLA na hihna kipan in telching na hi nawnkei ding chih kuaman bangmah gen thei lou a, na policy leh program banah mipite na zawh aleh telching nahi veve ding hi. Huaiziakin, lampi keklet pen kikhekna mai hilou in ipoimawh uleh ahun in hon pawkhia ahi a, mipi tamtak adia nasem hizaw ding ahihdan phawk hetlou mipi’ palai hihlam ki mangngilh mawk uhiam?
Ka mi leh sate poimawh bang ahia, chih ngaihtuahlou in mimal hamphatna ding leh mimal phungvuhna ding lel a MLA dia kipia eilak ah tam mahmah lai a theih in om hi. EBC saptuam ah tuailaiten Tuailaipro chi in diktatna tawh kisai tangkoupih uhi. Namsung, khawtang leh saptuam sungah mimal in diktatna lunggulh in thudik in pang ngam lehang i paidan hong dik mai ding chih muhkholhna nei uhi. Hiai pen tu leh tu a zat ding hilou a, maban saupi ta-le-naute banah khangsawnte laka chi tuh ding deihna a hon patkhiak uh hingei dingin gintak-huai hi. Huchi hileh tulela tuailai nu-leh-pa leh zinei nailoute’ tate maban ding khualna hi a, amauten diktatna a lettang ding uh deihna hizaw chihtheih hi.
Thil khat peuh akikhekna dingin hun bangtanhiam poimawh a, tua diktatna i gen pen tulel paidan a zat pah ding chihna thu omlou hi. Hunpaisa in khawtang, namsung leh mimal chih in diktat himhim sawmlou uh a, tuate ziak i nam genthei leh zawngkhal banah mite simmawh a om ihi uhi.Hiaite Pathian gawtna ahi i chilou ngam diam? Pathian sanga leitung a mite lauzaw tamtak i om a, Pathian thil bangkim hihthei ahi, chizen sam, mi muhlouh a diklou tak a thilhih zel chingte i hi a, huai paidan pen khekkhiak hun mahmah hi.
National flag zahtak poimawhdan, mipi theisiam sak ding leh awareness programme sai ding in state leh UT vaihawmtute theihsak in om uh a, publicity tam theilam bawl ding inleng thupiak ngah uhi. Ministry thusuakin agenzelna ah paper flag pen muat thei mahleh plastic a a kibawlte ninbuakna leh koihiam a paihkhiak nung inleng hunsawtpi omthei a, huai in national flag manphatna hihbuah hi’n taklang hi.
Home Ministry advisory thusuakin agendan in ‘The Prevention of Insults to National Honour Act, 1971’ section 2 dungzui in mipi lak hi in, mi muhlouhna mun hilehleng, national flag haltum, hihsia, leh zahtaklouh langsakte banah athu(word) leh gelhthawh (written) a simmohna neite khauhtak a gawtna piak ding hi a, state leh UT government in amaute enzui a action lakkhum ding in theisak hi.
State leh UT teng in national, cultural leh sports event hunte ah ‘Flag Code of India 2002’ dungzui a paper flag vuak zang di’n Home Ministry in thupia a, programme bei nung inleng mimal khat peuh in amah utna bang in leitual(ground) ah paih thang lou ding in theisak a, akisaipih thuneitute’n zahtakna tawh mun thoveng ah a lompi a koihkhe(disposed) ding in theisak hi. Union Home ministry in thusuah abawl in Independence Day zatna ding tawh kisaikhakna nei hi’n thusuakin gen hi.
LOCAL NEWS:
DRDA documentary honna om
Lamka, Aug-13: Lunminthang Haokip, IAS & ED/DRDA in documentary abawl tuni’n Tuibuong a Dist Training Centre ah JC Ramthanga, IAS, Principal Secy (Rural Dev. & Panchayati Raj) in hong hi. Huai hun ah Guest of Honour in Brig. Ajay Kumar, Commander, 27 Sector, Assam Rifles pang a, khaw hausa, DRDA staff-te banah DLO, EM leh MDC hunkhop in uap uhi.
JC Ramthanga in DRDA kichi Central Govt. in gamsung a khawtate dopsangna dia a patkhiak hi a, fund tamtak sanction in na tamtak sepkhiak hi’n gen a, CCpur dist. in documentary a bawlkhiak kipahpih thugen hi. DC leh DRDA staff-te’n mipi adia nasem ahihdan athak a thei dingin ngen hi. DC in khantouhna dingin documentary poimawh a,dist. Khantouhna ding tupna a huai bawlkhia hi’n gen a, DRDA paidan leh sepkhiakte taklat hi’n gen hi.
www.tedimchin.in kihong
Lamka, Aug-13: Gouchinkhup Veng a TCYA Hall ah tuni’n Chief Guest apang in N. Thuamkhansuan, MCS, SDO/BDO Singngat in website thak www.tedimchin.in kichi hong hi. Aman website kichi pau leh lai koihchingna dia thil poimawhpen hi’n gen hi. Tedim-Chin adin tuni a website kihong gou (asset) khat ahihna ah kepdan siam poimawh chi hi.
Dr. Neng Ngaih Lian, President, TCU Hq in British te’n Tedim Chin pen Sukte a chiamteh in, Meitei te’n Hao chi’n chiamteh uh a, khangthubu leng London Museum ah ettheih dia koih a om hi’n gen hi. Tedim-Chin kichi history, culture leh identity nei hi a, Tedim-Chin namte adi’n siamsinna lou ngal suahtakna ding omlou ahihdan gen in, khangthakte’n siamsinna mah pibawl a, kipumkhatna kembit dingin ngen hi.
Website Sub-Committee in nam khantouhna ding tamtak semkhia a, English to Zokam Dictionary bawltu Dr. Dallian ‘Man of the Year 2016’ a puangin apanlakna kipahpih etsakna in memento pia uh a, website host na dia sum-le-pai banah tha tamtak ana seng Tulsa USA a om MC Gouchinkhai leng memento a piak banuah Tedim Chin Union founder President Ginzakap Shoute kiang ah Lifetime Achievement Award pia uhi.
YVA Gen HQ in Kangvai block hong
Lamka, Aug-13: Young Vaiphei Assn (YVA) Gen HQ in tuni'n Kangvai community hall ah YVA Kangvai Block hong uhi. Vungminthang Khaute, YVA President, Gen HQ in block thak hongkhia in makai thakte Rev. S. Khaikholam, MPCS Kangvai bial in thumsak hi. Block thak a President- K. Chung Vaiphei, Vice President-Th. Mawia Neihsial, Secretary-Lalthansang, Asst. Secy- Kamlalven, Organiser- Khailalpi, Fin. Secy -Kimlianhat, Treasurer -Tailemting uhi. Advisor in Upa R. Vaiphei, Ginlalthuam leh Luttinthang guang uhi. Kangvai block nuai ah unit 28 om hi’n gen uhi.
JAC makaih in mass sit-in-protest
Lamka, Aug-13: JAC against Anti-Tribal Bill makaih in Aug. 15, 2016 zinglam dak 11:00 akipan Hiangtam Lamka a ‘Salphate Pumbuk’ ah ‘Mass Sit-in-Protest Dharna’ om ding hi. Huai ah thu tuamtuam gen banah gam leh leitang adia thumna leng om ding a, atam theilam kihel dingin chial uhi. JAC-AATB in singtangmite kiphinna kum 1 a chinni a inn chih a takkhiak ding flag abawl uh zuak panta uh a, kuapeuhin lei dingin ngen uhi.
Rehearsal ah contingent 33 tel
Lamka, Aug-13: Tuibuong Peace Ground ah Dist. Admn makaih in Aug. 15, 2016 zinglam dak 9:00 in Dist. Level ‘70th Independence Day’ zatna om dinga, march past atel dingte’n tuzing in Parade Commander Basulal Singh, SDPO/CCpur makaih in rehearsal nei uhi. Huai ah STC/BSF, Ex-Servicemen, Zilla Sainik Board, Civil Police, Women Police leh VDF apan contingent khat chiat, NCC apan contingent 7 telin school tuamtuam 10 apan contingent 2 chiat kigawm contingent 33 pha hi.
Power Station ah meivak lutlou
Lamka, Aug-13: 132/33/11-KV Khengjang Power Sub-Station apan tuni sunnung in 33/11-KV Khominthang Power Sub Station ah electric meivak honglut theilou a, koimun tak kisia hiam chih theih hinailou hi. Khengjang leh Khominthang (New Lamka) kikal Imphal pansan Manipur State Power Company Ltd. (MSPCL) Transmission chi a leng kithei etkaina nuai a om hi a, MSPDCL/CCpur Divn. te’n apoimawh bangbang a Transmission (MSPCL) te kithuahpih a electric siatna bawlhoih sawm uh hi’n kigen hi. New Lamka Khomingthang Power Station akipan meivak laten zan sunnung akipan in mei mu lou uhi. Tulai in New Lamka, Bungmual, Pearsonmun, Phailian leh a sehvel a khua omten meivak mu gina hetlou un leng kigen hi.
JAC Singngat in uaplou di’n theisak
Lamka, Aug-13: JAC Singngat Area in thusuah abawlna ah Bill 3 tawh kisai a buaina tutan venglou ahih banah singtangmi MLA-te boycott leng lakkhiak hi nailou a, Aug. 15, 2016 in Singngat Public Ground ah ‘70th Independence Day’ lopna ah Singngat MLA’ uap theilou ding a, uaplou dingin theisak uh a, JAC thusuah zuilou a kalsuan teiteite tungah thil deihhuailou tung a om leh amau mawh kipuak dingin theisak uhi.
Mobile Traffic Court ah gari 85 man
Lamka, Aug-13: CCpur Dist. Legal Services Authority (CDLSA) leh Traffic Police pangkhawm in tuni zinglam dak 11:00 apan CCpur Police Station mai, Tedim Road ah “Mobile Traffic Court” neih in om hi. Huai ah 2-wheelers gari-te driving license, kum chinglou gari hek, gari’ registration certificate, insurance certificate, registration No.,gari hattai lua (excessive speed), helmet khulou check uhi. Huai ah 2-wheeler gari atai Traffic rules bawhsia mi 84 leh tinted glass thuah car 1 man uh a, TR-5 cut in gari neitute liausak (fine) uh a, Rs. 10,200/- mukhia uhi.
Bill tungtang genkhawm ding
Lamka, Aug-13: “Manipur Regulation of Non-Local People Bill, 2016” tawh kisai Aug 15, 2016 sunnung dak 1:00 in PTC GHQ Conference Hall ah PTC Gen HQ makaih in genkhawm hiding a, Rev Khen P. Tombing, Chief Co-ordinator, PCI (R) in thumna in hun hong ding hi. Huai ah ngaihdan tuamtuam genna leh kikupkhawmna omding a, Advocate-te, Intellectual-te, Student makai-te, Church leader-te leh Social worker teltuam 36 telding uh a, program zawh in Rev. S. Vung Minthang, General Secy. EBC in thumna in hunkhak ding hi.
Peace Talks tungtang report pia
Lamka, Aug-13: Mizoram solkal tawh Aug 10 a HPC (D) in Peace Talks aneih hun ua palai kihelte’n tuni sunma dak 11:30 in VTI Auditorium, Rengkai ah Consultative Meeting hun ah report pia uhi. Amau-te’n report abawldan un HPC(D) in hun sawttak apan athilphut – Sixth Schedule leh Autonomous District Council pen khawlsan lou in tutung in tangkoupih nawn uh a, huaite alawhchin theihna di’n khanawn a kihouna om hun ah demand aneihte uh kichiansem a piaklut sawm uhi. Tuni a Consultative Meeting ah September Peace Talks adi’n Drafting Committee phutkhia uhi. Convenor ding in Dr. John H. Pulamte (Social Activist) guang ua, member di’n Lalthalien (Secy Assembly, Hmar Inpui GHQ), Dr. Vanlalnghak (Assembly Speaker, Hmar Inpui GHQ), Francis Songate (Gen Secy, Hmar Inpui), Lalthlamuana Hmar (Assembly Speaker, HSA GHQ), leh David Buhril (Social Activist) guang uhi.
Lok Adalat ah case 10 genveng uh
Lamka, Aug-13: Tuibuong a CJM court ah tuni zinglam dak 10:30 apan CCpur Dist. Legal Services Authority (CDLSA) saina in ‘1-Day National Lok Adalat’ neih in om a, Bank tuamtuam ah loan tawh kisai hih fellouh nei mi hunkhop tel uhi. Huai hun ah case 10 gen vengsak uh a, loan bat (due) nei mi 10 te’n loan apiak uh Rs. 14,59,534/-pha hi.
Innkuante uh kiang ah pekhia
Lamka, Aug-13: Thoubal Police team te’n Aug 10, 2016 zing baihtakin Myanmar gam ah puaklut (trafficking) ding naupang kum chinglou 2 telin numei 3 hunkhia uh a, Child Welfare Committee (CWC) Thoubal khut ah pekhia uhi. Numei 3 te SP/CCpur leh CWC/CCpur panlakna in Lamka puaktun hi uh a, CWC/CCpur te’n counseling neihpih in a innkuante uh kiang ah tuni’n pekhia uhi. Numei 3 te leh CWC/CCpur makai te kihou hun ah CCpur Dist. apan numei 100 val ding Rangoon ah human traffic a om uh hi’n taklang uh chi’n CWC/CCpur makai te apan kiza hi.
Mualnuam a I-Day lopna uap ding
Lamka, Aug-13: Langkhanpau Guite, Chairman ADC/CCpur & Chairman, DRDA/CCpur in abial a Mualnuam khua ah 70th Indian Independence Day lopna uap ding in Aug 14, 2016 in Mualnuam khua zuan ding hi. Mualnuam Sub Divn. ahihnung 1 veina ding in Independence Day lopna zat hiding hi.
Kangvai ah 70th I-Day lop hiding
Lamka, Aug-13: Kangvai khua ah Aug 15, 2016 zinglam dak 8:45 in 70th Indian Independence Day lop hiding a, Seiminthang Lenthang, MCS, SDO/BDO, Kangvai in National Flag kaipalh ding hi. Aman March past-te apan salute lading a, thugenna neiding hi. YVA Kangvai block leh Zillai Kangvai block te’n cultural show nei ding uh a, huai zawh in prize/award hawmkhiat hiding hi.
Inter-school Choreography competition
Lamka, Aug-13: Zenhang Lamka a Young Learners’ School (YLS) a Music Club saina in tuni zinglam in Inter-School Choreography Competition om a, St Mary’s H/S; Mount Carmel School, VK Tawna High, Pathway School leh YLS apan student-te tel uhi. Kipahman ahihleh Oct 7, 2016 YLS Silver Jubilee Celebration hun ah hawmkhiat hiding hi.
Coaching Centre in kipahpih
Lamka, Aug-13: D. Phailian a Christopher Coaching Centre ah tuzing in kipahpihna leh program latna om a, Chief Guest in Holjang Lhungdim, MDC pang hi. Huai ah Functional President in Sholet Haokip, Chief of D. Phailien; Guest of Honour in Th. Ngamboi Baite, Propietor MORIA Digitech pang hi. HSLC exam 2016 ah CCpur Dist. 2nd topper Ruby Hatneihoih Touthang kiang ah P. Shanta Singh Memorial Cash Award Rs.2000/- piak in om a, Awardees 9 teng tawh Pastor N.Ranjit Singh, CBC in Pathian kiang ah thumsak hi.
Human traffic thu ah Lalrohlu man
Lamka, Aug-13: Myanmar gamsung ah CCpur Dist. apan numei puaklut (traffic) thu ah Thoubal Police-te’ ngetna bang in CCpur Police te’n zannitak in Lalrohlu (36) s/o Haukhuma of Apollo Veng mankhia uh a, tuni sunnnung dak 1:30 in Thoubal Police te’n CCpur Police-te’ khut apan hongla uhi.
SDO office leh ITI hahsiang
Lamka, Aug-13: Hmar Student Assn. (HSA) CCpur Jt. HQ makaih in HSA Unit tuamtuam te’n tuni’n Saikot a SDO Office complex leh ITI compound hahsiang uhi. SDO office leh ITI compound deptt te’n hoihtaka etkol louh ziak un akim leh pam hahsiang ding tamtak omte HSA Jt. HQ makaih a hahsiang uh hi’n kigen hi.
ITI Saikot ah Trade 2 apply theih
Lamka, Aug-13: ITI Saikot ah trade 6 leh trade thak 2- Computer Operator & Program Asst. (COPA) leh Hair & Skincare zil nang application form kihawm lel a, application fill-up zawh in Aug 31, 2016 tan in submit theih ding a, thuchian kimzaw office ah kantheih ding hi.
SUUNNA:
K. Kamkhovung (86) f/o K. Lalkholian of Vengnuam South, New Lamka tuzing dak 4:30 velin cancer in si a, sunnung in YPA hanmual, New Lamka ah kivui hi.
Mrs. Rebeca (35) w/o M Haulunlal of P Kamdou Veng tuzing dak 6:30 velin cancer in si a, nitaklam in Kamdou Veng hanmual ah kivui hi.
Sarah Khupkimhoi @Hoiboi (48) w/o Tuvia Tualkhanlian Hangsing of HQ Veng tuni sunnung dak 2:30 velin cancer in si a, Aug. 14, 2016 in HQ Veng hanmual ah kivui ding hi.
H. Thangchinlian (67) h/o Lamzangai of V. Munhoih, New Lamka, hun sawttak damlou a om tuni sunnung dak 12:20 velin si a, Aug 14, 2016 in Simveng hanmual ah kivui ding hi.
IMPHAL NEWS:
Tuni'n Patriots’ Day kizang
Imphal, Aug-13: Manipur ah tuni’n Patriots Day mun tuamtuam ah zat ahih tawh kiton in Hicham Yaicham Pat a Tikendrajit Memorial mun ah tuni zingsang dak 8:00 in Governor V. Shanmuganathan telin Chief Minister O. Ibobi makaihna in Dy CM Gaikhangam, Th. Lokeshwar Singh, Speaker, Ministers, MLAs, top civil and police official te’n Bir Tikendrajit leh Thangal General-te tungah zahna latsakna in a limlak uah pakpiakna neih zawh nung in minute 2 sung dai dide in om uhi. Huai zawh in Manipur Rifles contingent te’n Martyr-te zahna piakna in gun salute bawl uhi. Huai nungin Palace Compound a Thangal General Memorial mun ah CM makaih in pakpiakna om a, BT Park ah nitaklam dak 3:00 in program zatna om hi. Akigendan in Thangal General leh Bir Tikendrajit te’n British-te tungah gal bawl ziak in Aug 13, 1891 in Pheidapung ah British te’n khailum uhi.
Huailou in Senapati district a General Thangal Ecological Park mun ah District Administration Senapati leh Thangal Union-te saina in ‘Patriots’ Day’ zatna om a, huai ah Chief Guest in ML. Markson, Chairman, ADC Senapati pang hi. Sainik School Imphal leh New Delhi a Chanakyapuri a Manipur Tikendrajit House ah leng Patriots’ day zatna om a, huai hun Delhi a Manipur Bhawan a staff leh officer-te banah Lok Sabha member Dr. Th. Meinya, Thangso Baite leh Resident Commissioner Vineet Joshi te’n uap uh hi’n kigen hi.
One Day blood donation camp
Imphal, Aug-13: YPA Lamphel Unit leh SSPP Lamphel Branch-te saina in Lamphel a RIMS Hospital ah tuni zinglam dak 10:00 in GL Roumuan in thumna tawh ‘One Day Blood Donation Camp’ hongkhiatna nei a, hiai hun ah pasal 43 leh numei 6 te’n sisan pia uhi. Huai banah mi kiphal 15 vel ding te’n a vek a gawm in Rs. 15,600 thawh uh a, sunnung dak 1:30 tan in camp zousiang uhi. Lamphel a YPA Hall ah nitak dak 5:30 velin T. Vungkhansuan, Local Pastor, EBCC Lamphel in sisan petu leh mi phatuam ngai-te tungah kipahthu banah amau adi’n thumsakna nei a, huai nung in annekhawmna nei uh a, YPA Lamphel Unit leh SSPP Lamphel Branch te’n blood donation camp sai theihna din Rs. 1000 tuak pawkhia uh hi’n leng kigen hi.
Imphal-Moreh bandh ni 3 chingta
Pawl tuamtuam in gupthu puang
Imphal, Aug-13: JAC against the brutal killing of M. Jamkholal Zou @ George te’n tualthatna a kigolh-te matkhiak lou a om mawhpaihna in Aug 10, 2016 zankim apan NH-102 (Imphal-Moreh) ah indefinite bandh a puang uh tuni’n ni 3 chingta a, bandh supporter te’n Senam Village leh H. Kotlenphai Village ah gari taiding dal uh a, himahleh media-te, sahkhua thil tawh kisai leh damlou pua gari-te paisuak sak uh hi’n kigen hi. Hangngul Pungpi Orgn. leh Sugnu Lamhang Block te’n state govt. leh a kisaipih thuneite’n tualthat-te matkhiakna dia pan alak louh uh mawhpaih thupuang uh a, Gunpi Area Kuki Chiefs’ Assn. (GAKCA) te’n leng mawhpaih thupuang in JAC-te bandh tawh kisai gupthu puang uh a, govt. in a kintheipen a JAC-te thilphut sukpichinsak dingin ngetna bawl uhi.
Huailou in Thadou Inpi, Thadou Women Assn., Thadou Students’ Assn leh Thadou Youth Assn te’n Imphal-Moreh lampi ah JAC te’n bandh a bawl uh gup thupuang uh a, Jamkholal innsung mite’n July 7, 2016 in Police Station ah FIR khelut mahle uh tunitan a tualthat-te matkhiakna dia panlak omlou a, state govt. in a kintheipen a JAC-te thilphut pichinsak ding in ngetna bawl uh a, huai ahihkeileh Imphal-Jiribam leh Imphal-Dimapur lampi-te ah indefinite bandh bawl dingin taklang uhi.
Mary Kom in Pineapple festival uap ding
Imphal, Aug-13: Manipur ah pineapple tamsem piankhiaksa ding tupna in Khousabung ground ah Aug 27, 2016 in ‘The 9th edition of State Level Manipur Pineapple Festival’ om ding hi’n Seilenmang Khongsai, MDC banah Working Chairman, Manipur Pineapple Festival Committee in gen hi. Huai hunah Chief Guest in International Boxer banah Rajya Sabha MP Dr. MC Mary Kom pang ding a, Functional President in T. Pamei, IAS, Commissioner (Hort. & SC/TD) leh Guest of Honour in Lunminthang Haokip, IAS, DC/CCpur leh Genneikhup Vaiphei, EM, ADC/CCpur-te pang ding uhi.
TUNI THUPI:
“Na bil dawh unla, ka kiangah hongpai un;huchi in na hing ding uh.” –Isai 55:3
EDITORIAL:
Kikhekna(change)
Kikhekna kichi tulel a US President Barack Obama in US President ding a candidate ahih lai in thupi(theme) dingin zang a, huai mah leng lawhchinpih hi. Ahihziakin, US ah bang kikhekna pawkhia hiam chih sautak a theihzui hi nawnlou a, kikhekna (change) a chih in mi tamtak lunglutsakin’ lungsim mi zou mawk a, bangchibang kikhekna hiam chih mipi’n leng dot in nei tuanlou uhi.Kikhekna(change) lunggulh leh kikhek lam-en mi tamtakin Obama President dingin vawk uh a,amah hong in ching petmah hi. Tuamah bang in eilak ah leng khangthak (Generationex) chih a omten kikhekna i lunggulh ua, khawtang, gam leh nam hileh saptuam chih ah tuailai leh khangthak lamten kikhek i ut mawkin kilang hi. Tulai i buaina uh paidan i et vengveng aleh mipi’n namsung a kikhekna a om deih uh hipen in kilang hi. Obama in kikhekna a chihpen banglam a kikhekna hiam chih gen khelou a, kikhek ding himai a, huai lelin US President dinmun luah hi. Eilak ah leng mi tamzaw kikhekna lunggulh i hih uh gintak huai hi. Ahihleh bangchibang kikhekna ahiam i lunggulh leh i deih chih kidong lehang kibang veklou ding hi. Ahihziakin bang lamhiam ah kikhekna a om bel hoihsa vek i bang uhi.
Eilam tawh kisai(context) en lehang khangthakte’ lakah kikhekna lunggulh tamtak om a, namsung, khawtang thil hi’n saptuam sung hitaleh innsung tanpha ah upa lamte leh nu leh pate tawh ngaihdan kibang nawnlou mawk hi. Hiai in generationex ahihna taklang a, kum dang a MLA election om chiang in innsung a nu leh pate’ deih penpen-te vote kipia in innkuan in vote khiakna kibang sek a,himahleh tuni chiangin huaipen zat theih nawnlouh a, nu leh pate leh tate deihna kibang nawnlou hi. Huaiziakin, hun paisa a paidante tulai in zat theih nawnlouh tamtak om ahihdan theih leh muhsuah in om a, khangthakten huaite zui thei nawnlou mawk uhi. Makai ding bang leng khangthakte’ lungsim leh lunglutna muban leh mankha bante deih huaita in kilang hi. Bangchibang kikhekna hiam i poimawh uh chih zaw mimal in kidong hi lehang chiantak a genthei tamlou maithei hi. Ahihziakin, kikhekna khat peuhpeuh pomsiam ding a tulai khangthakte kiman hidan in theihtheih mawk hi.
Etsakna dingin CCpur district ah khateng in gari aza asim a thak kibehlap ahihdan Transport office a registration kibawl zah akipan haih vuallouh in kichian a, ahihziakin lampi keklet ding thulam akigen khak chiangin thuneitute a deihloupen in pang mawk uh bang hi. Niteng a Gari kibehlap chih mit mahmah a mute’n leng mikhat leh nih mitmei ven ziaka lampi keklet ding hoihsalou lampang a pang mawk chih leng omthei zel hi. Lampi keklet ziakin MLA na hihna kipan in telching na hi nawnkei ding chih kuaman bangmah gen thei lou a, na policy leh program banah mipite na zawh aleh telching nahi veve ding hi. Huaiziakin, lampi keklet pen kikhekna mai hilou in ipoimawh uleh ahun in hon pawkhia ahi a, mipi tamtak adia nasem hizaw ding ahihdan phawk hetlou mipi’ palai hihlam ki mangngilh mawk uhiam?
Ka mi leh sate poimawh bang ahia, chih ngaihtuahlou in mimal hamphatna ding leh mimal phungvuhna ding lel a MLA dia kipia eilak ah tam mahmah lai a theih in om hi. EBC saptuam ah tuailaiten Tuailaipro chi in diktatna tawh kisai tangkoupih uhi. Namsung, khawtang leh saptuam sungah mimal in diktatna lunggulh in thudik in pang ngam lehang i paidan hong dik mai ding chih muhkholhna nei uhi. Hiai pen tu leh tu a zat ding hilou a, maban saupi ta-le-naute banah khangsawnte laka chi tuh ding deihna a hon patkhiak uh hingei dingin gintak-huai hi. Huchi hileh tulela tuailai nu-leh-pa leh zinei nailoute’ tate maban ding khualna hi a, amauten diktatna a lettang ding uh deihna hizaw chihtheih hi.
Thil khat peuh akikhekna dingin hun bangtanhiam poimawh a, tua diktatna i gen pen tulel paidan a zat pah ding chihna thu omlou hi. Hunpaisa in khawtang, namsung leh mimal chih in diktat himhim sawmlou uh a, tuate ziak i nam genthei leh zawngkhal banah mite simmawh a om ihi uhi.Hiaite Pathian gawtna ahi i chilou ngam diam? Pathian sanga leitung a mite lauzaw tamtak i om a, Pathian thil bangkim hihthei ahi, chizen sam, mi muhlouh a diklou tak a thilhih zel chingte i hi a, huai paidan pen khekkhiak hun mahmah hi.
urgently in need of Female Eggs with the sum of $500,000.00,Email: jainhospitalcare@gmail.com
ReplyDeleteWatsap: +91 8754313748