HEADLINES:
Tuibuong a Peace Ground ah Independence Day lopna om
1st MR Parade Ground ah State Level a lopna om
Tuibuong a Peace Ground ah Independence Day lopna om
1st MR Parade Ground ah State Level a lopna om
Imphal/Lamka, Aug-16: India gam mun tuamtuam a kizang bang in Imphal a 1st MR Parade Ground ah zan in Independence Day (kum 70 chinna) lopna hun ah Chief Minister O. Ibobi khuallian in pang a, aman India puanlap (National flag) a kaihpalh banah march pass a tel contingent tuamtuam akipan salute la hi. Chief Minister in state maban ding ngaihtuahna in kuapeuh kituak a, pankhawm poimawh hi’n gen a, Manipur ah muanna leh khantouhna a om theihna ding in eite kipumkhat a pankhawm poimawh ahihdan gen hi. Huai banah Tuibuong Peace Ground a District Level 70th Independence Day lopna ah Chief Guest in Lunminthang Haokip, IAS, DC/CCpur pang a, aman India puanlap a kaihpalh banah march pass a tel contingent tuamtuam akipan salute la a, Independence Day tawh kisai thugenna hun leng zang hi.
Chief Minister O. Ibobi in Independence Day lopna a thugenna ah tulel a Manipur mipi-te lunggulh ILP tawh kisai state govt. panlakna gen a, government in bill thak pass thei ding dinmun a om a, huai tawh kisai Manipur a nam teng in leng a pom theih ding un mipi ngaihdan kaih khawm lel ahih banah Internet tanpha in leng khahkhiak a om ahihdan gen hi. Huai bill thak pen India constitution framework in a huamkhak ahihziakin poimawh ngaih ahihdan CM in gen hi. Huailou in Manipur khantouhna ding leh masawnna ding a, nasepna tuamtuam-te taklang a, huai-te lawhchinna ding in mipi kuapeuh in kithuahpih ding in leng ngetna bawl hi.
March pass ah ex-servicemen, BSF, CRPF, Manipur Rifles, Mizoram Police, Home Guard, Fire Service, NCC, band platoon, Civil Defence, Civil Police, Sainik School, College, school leh contingent tuamtuam tamkhawp tel uhi. Mininster leh Parliamentary secretary-te banah MLA-te, Chief Secretary, DGP leh top civil & police official, Dept. tuamtuam a Head of Dept. leh official tamtak paikhawm uhi. Chief Minister in Medal/Award leh kipahman tuamtuam leng pekhia hi.
CCpur a District Level India ‘Independence Day’ lawpna a Chief Guest Lunminthang Haokip, IAS DC/CCpur in kumdang in Lamka public ground ah zat himahleh ground puahna pailel ziakin in Peace Ground a zat hi a, kumkhat sungin dist. ah khantouhna tuamtuam om in kikhekna nasatak om a, buaina tuamtuam omte Pathian pina tungtawn a galkai in sub-divn 9 leh block 4 a mihing 2.9 lakhs te’ panlakna ban ah saptuam tuamtuamte thumna Pathian in dawng a tuni’n buaina omlou in Independence Day kizangthei hi’n gen hi.
Horti & SC, Agri deptt., Vety deptt., Forest deptt., Seri deptt., PHED leh IFCD te’n stall bawlin a sepsuahte uh taklang uh a, Medical deptt. in Lamka Police Station kong ah welcome gate bawl uh a, ADC in Forest Gate, PWD in Khawmawi leh DRDA in Main Gate ah welcome gate bawl uhi. JNV Tuinom, Thadou-Kuki Students’ Union leh Hope Baptist Academy te’n cultural dance lahna nei uhi..
DC/CCpur in khaw hausa 33 kiang ah puansan pia a, NCC Cadet 1 telin deptt. nasem hoih a chiamteh uh mi 84 kiang ah ‘appreciation certificate’ pia uhi. STC/BSF, Ex-Servicemen, Zilla Sainik Board, Civil Police, Women Police leh VDF apan contingent 1 chiat telin NCC apan contingent 7 leh school tuamtuam apan parade contingent 32 te March Past ah tel uhi.
Parade contingent-te category 5 in kikhen a, NCC category ah CCpur H/S junior wing 1na, Rayburn H/S 2na leh JNV Bharat Scout te 3na hi uh a, Sr Boys category ah JNV Tuinom 1na, St. Mary’ H/S 2na leh Rengkai Govt. Hr. Sec. School 3na hi uhi. Sr Girls category ah St. Mary H/S 1a, GM Model H/S in 2na leh JNV Tuinom 3na hi uh a, Jr Boys category ah New Lamka Upp Primary H/S 1na, Tuibuang Jr. H/S 2na leh JNV Tuinom 3na hi uhi. Jr Girls ah Tuibuong Jr. H/S 1na, New Lamka Upper Primary School 2na leh Seilal Upper Primary School 3na uh a, SP/CCpur L. Mangkhogin Haokip, IPS in kipahmante pekhia hi. Huai hun ADC Executive member-te, MDC hunkhop ban ah DLO leh tribe, student, organization tuamtuam makaite tel uhi.
LOCAL NEWS:
Bungmual Hausa thumsakna om
Chief Minister O. Ibobi in Independence Day lopna a thugenna ah tulel a Manipur mipi-te lunggulh ILP tawh kisai state govt. panlakna gen a, government in bill thak pass thei ding dinmun a om a, huai tawh kisai Manipur a nam teng in leng a pom theih ding un mipi ngaihdan kaih khawm lel ahih banah Internet tanpha in leng khahkhiak a om ahihdan gen hi. Huai bill thak pen India constitution framework in a huamkhak ahihziakin poimawh ngaih ahihdan CM in gen hi. Huailou in Manipur khantouhna ding leh masawnna ding a, nasepna tuamtuam-te taklang a, huai-te lawhchinna ding in mipi kuapeuh in kithuahpih ding in leng ngetna bawl hi.
March pass ah ex-servicemen, BSF, CRPF, Manipur Rifles, Mizoram Police, Home Guard, Fire Service, NCC, band platoon, Civil Defence, Civil Police, Sainik School, College, school leh contingent tuamtuam tamkhawp tel uhi. Mininster leh Parliamentary secretary-te banah MLA-te, Chief Secretary, DGP leh top civil & police official, Dept. tuamtuam a Head of Dept. leh official tamtak paikhawm uhi. Chief Minister in Medal/Award leh kipahman tuamtuam leng pekhia hi.
CCpur a District Level India ‘Independence Day’ lawpna a Chief Guest Lunminthang Haokip, IAS DC/CCpur in kumdang in Lamka public ground ah zat himahleh ground puahna pailel ziakin in Peace Ground a zat hi a, kumkhat sungin dist. ah khantouhna tuamtuam om in kikhekna nasatak om a, buaina tuamtuam omte Pathian pina tungtawn a galkai in sub-divn 9 leh block 4 a mihing 2.9 lakhs te’ panlakna ban ah saptuam tuamtuamte thumna Pathian in dawng a tuni’n buaina omlou in Independence Day kizangthei hi’n gen hi.
Horti & SC, Agri deptt., Vety deptt., Forest deptt., Seri deptt., PHED leh IFCD te’n stall bawlin a sepsuahte uh taklang uh a, Medical deptt. in Lamka Police Station kong ah welcome gate bawl uh a, ADC in Forest Gate, PWD in Khawmawi leh DRDA in Main Gate ah welcome gate bawl uhi. JNV Tuinom, Thadou-Kuki Students’ Union leh Hope Baptist Academy te’n cultural dance lahna nei uhi..
DC/CCpur in khaw hausa 33 kiang ah puansan pia a, NCC Cadet 1 telin deptt. nasem hoih a chiamteh uh mi 84 kiang ah ‘appreciation certificate’ pia uhi. STC/BSF, Ex-Servicemen, Zilla Sainik Board, Civil Police, Women Police leh VDF apan contingent 1 chiat telin NCC apan contingent 7 leh school tuamtuam apan parade contingent 32 te March Past ah tel uhi.
Parade contingent-te category 5 in kikhen a, NCC category ah CCpur H/S junior wing 1na, Rayburn H/S 2na leh JNV Bharat Scout te 3na hi uh a, Sr Boys category ah JNV Tuinom 1na, St. Mary’ H/S 2na leh Rengkai Govt. Hr. Sec. School 3na hi uhi. Sr Girls category ah St. Mary H/S 1a, GM Model H/S in 2na leh JNV Tuinom 3na hi uh a, Jr Boys category ah New Lamka Upp Primary H/S 1na, Tuibuang Jr. H/S 2na leh JNV Tuinom 3na hi uhi. Jr Girls ah Tuibuong Jr. H/S 1na, New Lamka Upper Primary School 2na leh Seilal Upper Primary School 3na uh a, SP/CCpur L. Mangkhogin Haokip, IPS in kipahmante pekhia hi. Huai hun ADC Executive member-te, MDC hunkhop ban ah DLO leh tribe, student, organization tuamtuam makaite tel uhi.
LOCAL NEWS:
Bungmual Hausa thumsakna om
Lamka, Aug-16: YPA Hall, Bungmual ah zan zingkal in Bungmual Hausa (Late) Hauzel Thuamkhanmang’ tapa Nungkhanpau in Hausa hihna la kawmin a tungah Pastor (Dr) Hs. Chinsuanthang in thumna leh vualzawlna ngetsak a, H. Nungkhanpau’ in agenna ah thudik gum a kum 2 ½ val pan alakna Pathian in panpih hi a gen in pate’ gouluah kichi i pupa dan ahi chi hi.
Pastor (Dr) Hs Chinsuanthang in Commissioner (Tribal Affairs & Hills), govt of Manipur order chiang mahmah chikawm in Bungmual mipi’n Hausa H. Nungkhapau kithuahpih dinga ngen in innsung buaina khenkhat omte mite’ lakah kisuzahlak leh kisu mualphou nawnlou dingin kuapeuh ngen hi. Huai hunah, New Lamka West MDC CT Lian Guite in H Nungkhanpau puansilh in pak pia a, Chiengkongpang, Pearsonmun, Zenhang Lamka hausate telin mipi hunkhop paikhawm uhi.
JAC makaih in mass dharna om
Pastor (Dr) Hs Chinsuanthang in Commissioner (Tribal Affairs & Hills), govt of Manipur order chiang mahmah chikawm in Bungmual mipi’n Hausa H. Nungkhapau kithuahpih dinga ngen in innsung buaina khenkhat omte mite’ lakah kisuzahlak leh kisu mualphou nawnlou dingin kuapeuh ngen hi. Huai hunah, New Lamka West MDC CT Lian Guite in H Nungkhanpau puansilh in pak pia a, Chiengkongpang, Pearsonmun, Zenhang Lamka hausate telin mipi hunkhop paikhawm uhi.
JAC makaih in mass dharna om
Lamka, Aug-16: JAC against Anti-Tribal Bills makaih zan in Hiangtam Lamka a Salphate’ Pumbuk ah mass sit-in-protest/dharna om a, mi 250 vel paikhawm uhi. Huai ah Rev. Lian Benson Khuptong, Gen. Secy, Evangelical Lutheran Church in Pathian thugen in thumkhawmna makai a, JAC, OMTF leh MTFD apan makaite’n thugen uhi. JAC Chief Convenor in mass sit-in-protest neihna ziak pulak hi.
Siaklalzawm sih thu ah kilemna
Lamka, Aug-16: Siaklalzawm(40) s/o Thiankhogen of Kangvai sihna tawh kisai in tuni zinglam in SP/CCpur leh SP/Bishnupur panlakna ziakin SP/Bishnupur office chamber ah kihouna om a, huai ah kilemna/agreement bawl uhi. Kilemna om tawh kiton in JAC kibawlkhia leng tuni apan hihbei hi a, hiai thu tawh kisai a panlakpihtute tung ah kipahthu gen uhi.
ZRO/ZRA akipan suspend
Lamka, Aug-16: Lt. Col. TK Zomi, Director, Ministry of Defence/ZRO akipan thusuak in a gendan in Defence Secy., Ministry of Defence, ZRO deihna bangin immoral character tawh kisai in Mr. Kamminkhup @ George (6th Batch) s/o Soikhothang of Torbung disciplinary action dan in suspend a om hi’n puang a, tu ban ZRO/ZRA tawh kisai bangmah kizopna neilou hi’n taklang hi.
Sangai Intl. University/CCpur
Lamka, Aug-16: Rengkai road, V.M Building a Sangai International University/CCpur a Vice Chancellor in non-teaching & teaching staff mi 6 approved hi. Amaute- SR Gangte, Asst. Prof. in Co-ordinator mawhpuakna len ding a, Dr Th. Siamkhum, Asst. Prof in Visiting Faculty; Dr Lalzagou Neihsial, Asst. Prof. in Visiting Faculty, Dr D. Sonkhojang Haokip, Asst. Prof in Visiting Faculty, Dr Rosiem Pudaite, (retd) Asst. Prof. in Examination Controller leh Dr Liankhokam S. Gangte, (retd) Asst. Prof. in Director, Outreach Centre lending hi.
Posting/Utilisation order submit ngai
Lamka, Aug-16: CMO/CCpur nuai a Grade-IV staff teng in mahni posting/utilization order Oct 31, 2016 tana submit ding in CMO/CCpur in theisak hi.
Thanlon ah Independence Day lopna
Siaklalzawm sih thu ah kilemna
Lamka, Aug-16: Siaklalzawm(40) s/o Thiankhogen of Kangvai sihna tawh kisai in tuni zinglam in SP/CCpur leh SP/Bishnupur panlakna ziakin SP/Bishnupur office chamber ah kihouna om a, huai ah kilemna/agreement bawl uhi. Kilemna om tawh kiton in JAC kibawlkhia leng tuni apan hihbei hi a, hiai thu tawh kisai a panlakpihtute tung ah kipahthu gen uhi.
ZRO/ZRA akipan suspend
Lamka, Aug-16: Lt. Col. TK Zomi, Director, Ministry of Defence/ZRO akipan thusuak in a gendan in Defence Secy., Ministry of Defence, ZRO deihna bangin immoral character tawh kisai in Mr. Kamminkhup @ George (6th Batch) s/o Soikhothang of Torbung disciplinary action dan in suspend a om hi’n puang a, tu ban ZRO/ZRA tawh kisai bangmah kizopna neilou hi’n taklang hi.
Sangai Intl. University/CCpur
Lamka, Aug-16: Rengkai road, V.M Building a Sangai International University/CCpur a Vice Chancellor in non-teaching & teaching staff mi 6 approved hi. Amaute- SR Gangte, Asst. Prof. in Co-ordinator mawhpuakna len ding a, Dr Th. Siamkhum, Asst. Prof in Visiting Faculty; Dr Lalzagou Neihsial, Asst. Prof. in Visiting Faculty, Dr D. Sonkhojang Haokip, Asst. Prof in Visiting Faculty, Dr Rosiem Pudaite, (retd) Asst. Prof. in Examination Controller leh Dr Liankhokam S. Gangte, (retd) Asst. Prof. in Director, Outreach Centre lending hi.
Posting/Utilisation order submit ngai
Lamka, Aug-16: CMO/CCpur nuai a Grade-IV staff teng in mahni posting/utilization order Oct 31, 2016 tana submit ding in CMO/CCpur in theisak hi.
Thanlon ah Independence Day lopna
Lamka, Aug-16: Thanlon sub-divn HQ zan (Aug 15, 2016) in Independence Day lopna om a, tua ah Joel G Haokip, SDO/SDM khuallian a pangin India flag kaipalhin mipi kikhawmte ma ah thugen hi. Huai ah khaw hausa 30 val, govt’ deptt tuamtuam apan head leh employee-te tel uh a, chief guest (SDO) in bialtu MLA Vungzagin Valte in Thanlon Area Chief’s Assn-te’ tungtawn a a bawl ‘Guest House’ leng hong hi. 34-A/R officer-te banah Thanlon’ MLA sik-le-tangin Goulal Naulak tel a, aman agenna ah, MLA in ‘electrification, road & communication, health & sanitation banah development project tuamtuam sepkhiakte a manphatdan gen hi.
Election deptt te’n EVM enkhia
Election deptt te’n EVM enkhia
Henglep block a teacher-te training
Lamka, Aug-16: Block Health Society/Henglep saina in Aug 19, 2016 zinglam in Hill Town Community Hall, Thangzam road ah Henglep Block a teacher te’n “2nd round National Deworming Campaign training” nei ding uh a, teacher 1 chiat tel ding in Dr. A. Ibotombi Singh, MO i/c Henglep Block in theisak hi.
Activa gu mi 2 jail ah kikoih
Lamka, Aug-16: Police te’n tuni’n CJM/CCpur court ah Lianchhunga @ Robert (23) s/o (late) Lalrosiama of Thingkangphai leh Hemam Ranbir Singh (32)s/o Hemam Jugin Singh of Terakhongsangbi pawkhia uh a, court thupiak bang in Police te’n Jail ah koih uhi. Mi 2 bel
Lalthangkhum s/o Hrangthangvung of Thenmol in a zatlai Activa gari (No. MN02A-6403) apaisa April 17, 2016 nitak in Rengkai road ah gukmangsak ziak un Police te’n Aug 11, 2016 a mankhiat uh hia, FIR No.38 (8) 2016 CCP-PS U/S 379 IPC registered khum uhi.
HCLF vaipaw thak ding tel uh
Lamka, Aug-16: VTI Auditorium, Rengkai Muolhlum ah zan in Hmar Christian Leaders' Forum (HCLF) General Body Meeting -cum-Election om hi. Kum 2016-2018 sunga Chairman ding in Rev. Rohminglien Pakhuongte telching uhi. Vice-Chairman- Rev. Ros Infimate; Secretary-Rev. Dr. V. Lalnghakthang; Asst. Secy.- Rev. Dr. Lalhmuoklien; Finance Secy.- Rev. Lalhmingthang Khawbung; Treasurer- Rev. B. Lalsandam ban ah Auditors-Rev. Rokhum Joute leh Upa Dr. Phirthanglien Buhril tel uhi. Makai thakte Rev. Saithanglur in Pathian kiangah thumsak a, charge kipekhia uhi.
3rd phase essay competition
Lamka, Aug-16: ATML in ‘31st August Incident’ thupi zangin college level a 3rd phase essay competition a sai uh tuni’n Ebenezer Academy ah nei uh a, huai ah student 18 tel uhi. College 6 – St. Paul’s Institute, VK Tawna College, Rayburn College, Blue Star Academy leh Rengkai Govt. Hr. Sec. School saita uh a, tuni tawh sim in mi 212 tel a, maban ah leng sai zel ding uh hi’n gen uhi.
YPA Kanan-te’n khamtheih haltum
YPA Kanan-te’n khamtheih haltum
Lamka, Aug-16: YPA Kanaan Unit makai te’n Aug 14, 2016 in khawsung ah khamtheih No. 4 (heroin) piece 25 mukhia uh a, Aug 15 zingsang in haltum uhi. YPA Kanaan Unit te’n maban ah Kanaan khawsung ah khamtheih, guihtheih, zu-le-sa zuaklou ding leh khamtheih kuaman supply nawnlou ding in theisak uh a, matkhiat kuahiam om leh YPA Kanaan Unit makai te’ mawhsa theilou ding uh hi’n taklang uhi.
MOLVETA leh Siami in hilhchian
Lamka, Aug-16: Moreh Line Van/EECO Transport Assn (MOLVETA) in a hilhchetna ah EECO-Van driver Lalbiakliana (50) s/o (late) Van Vel Thanga of Khawmawi village, tulel a Nghathal a khawsa human trafficking tawh kisai a Mrs. Thangkhum Mizo in a ngawhna bulbal neilou leh diklou hi’n taklang hi. Lalbiakliana kum 4 paita apan Moreh line a gari hek a nekzong hi a, kum 3 paita in MOLVETA a member in ki-register a, diklou taka ngawh ziakin Thoubal Police te’n man uh hi’n taklang hi. Amah driver ahihman in trafficking case ah kigolhlou chi’n M. Thangkhopau, President leh Zamlunthang, Secy te’n thusuah bawl uhi.
Huchikal ah Lalbiakliana zi’ Siami in Thoubal Police te’n Aug 10, 2016 in Kakching Lamkhai ah a pasal a mat utawh kisai ngawhna diklou hi’n gen a, a pasal kum bangzah hiam apan passenger leh van tuamtuam pua in Imphal-Moreh kal service a innkuan vak hi’n taklang a, a gari atuang khempeuh a puak ding a mawhpuak hi a, a mi puakte tawh kisai kisaina neilou chi hi. Aug 10, 2016 in a gari ah nupi 1 leh numei naupang 3 tuang uh a, kuate hi uhiam chih leng theilou in kisaipihlou hi’n gen a, Passenger-te tunga gin omtaka nasep ziaka hibang thil tuahkhak poisakthu leng taklang hi.
Disabled-te’ lakah vanzat kihawm ding
Lamka, Aug-16: ZEO/CCpur in Aug 17, 2016 zinglam in SSA/IED (Inclusive Education for Disabled) CCpur block a Resource Room ah kum 2014-15, 2015-16 sunga a Disability Assessment camp a telkhiatte kiang ah vanzat hawm ding hi. Vanzat hawmkhiat dingte- tricycle 6, rolator 3, hearing aids 20, elbow crutch 5, wheel chair (large) 1, wheel chair (small) 12 hiding hi. Huai hun mah in Disability form la a, submit-te kiang ah Disability Certificate hawmkhiat hiding a, certificate la ding te’n Rs. 60/- tawi ngai ding hi.
Mission Compound ah singnou suan
Lamka, Aug-16: NSS Rayburn College Unit te’n Adopted village ding in Mission Compound khua telkhia uh a, Aug 13, 2016 in Mission Compound khua ah NSS Rayburn College Unit te’n singnou 100 vel suan uh hi’n Velthangkhum Hauzel, Program Officer, NSS Rayburn College Unit apan kiza hi.
PMSMA meeting om ding
Lamka, Aug-16: Dist. Pradhan Mantri Surakshit Matritva Abhiyan (PMSMA) Committee member te’n Aug 18, 2016 sunnung in CMO office ah meeting om ding a, PMSMA sepsuah dingdan kikum ding uhi.
SUUNNA:
Langkhankhup Suante (45) b/o Goukhankhup Suante of Lanva, Aug 14, 2016 nitak dak 8:00 velin Cancer in si a, Aug 15 in Lanva hanmual ah kivui hi.
Paulalmuong (22) s/o (late) Kaikam of Kim Commissariat, tulel a Santing-L ah nasem a om Aug 15, 2016 zinglam in kingaihsiat ziak in awklum a, tuni’n Kim Commissariat hanmual ah kivui hi.
IMPHAL NEWS:
MU ah VC charge di'n la ding
Imphal, Aug-16: Manipur University a senior pen Professor M. Dhaneshwar Singh in Aug 17, 2016 apan kum 65 a ching ma ahihlouleh Vice-Chancellor thak di’n charge alak mateng Vice Chancellor nasem di’n charge la ding hi’n gen uhi. Aman tulel in Vice Chancellor Prof. H. Nandakumar Sarma term Aug 16, 2016 ni a abei tawh kiton in charge la ding hi’n gen uhi.
Bandh supporter te’n gari 5 hihsia
Imphal, Aug-16: JAC against the murder of M. Jamkholal Zou @ George te’n NH-102 (Imphal-Moreh) ah bandh a bawl uh ni 6 chingta a, bandh supporter te’n zan in Pallel akipan Moreh lam zuan gari-te H. Kotlenphai village gei ah gari 6 hihsia uh hi’n kigen hi. Gari hihsiat a omte Bus, Omni Van, Alto Car, Ecco Van leh Honda Activa 2 hi a, hiai thu tawh kisai in bandh supporter te’n H. Kotlenphai village gei ah zingsang dak 1:00-4:00 kikal in Pallel apan Moreh zuan ding garite bandh kalh chih ziak in hihsia uh a, driver-te vau hilh nung in kiksak uhi. United Zou orgn. (UZO) Sugnu Block te’n bandh tawh kisai gupthu puang uh a, tualthat-te a kintheipen a matkhiak leh gawtna piak ding in ngetna bawl uhi.
Auto driver soisak in om
Imphal, Aug-16: KNF hidia gintakte’n Auto Driver Chonhao Tuboi (45) s/o Hemchon Tuboi of Chalbung village soisa uh hi’n kigen hi. Thusuak in a gendan in Chonhao in Evangelist khat sih champha zatna ding tawh kisai in vok pua in va kuan a, lamkal ah KNF cadre te’n kham khawl in Pangmoul village tan kikhak sak sawm uhi. Chonhao in a vok puak inn a tut kin ngai ziak in auto dang ana kham ding in theisak a, KNF cadre te’n auto chabi laksak in amah leng Keithelmanbi ground ah kai tung in huai ah soisa uh a, khaw phok lou banah a liam nasat ziak in Imphal a puaktung hi’n gen uhi. Hiai tungtang ah Govt. tawh SoO kai helpawl-te designated camp chiat a om ding uh hi a, kigolh khakna neite matkhiak banah dan tawh kituak a gawtna pe ding in ngetna bawl uhi.
Kh. Ratan in media-te kimuhpih
Imphal, Aug-16: Police Dept. in JCILPS a ex-convener lui Kh. Ratan tungah ‘Wanted tag’ a puang nung ua apan media-te tawh kimuh khawmna masapen ding in tuni’n Kh. Ratan in mun puangkhiak louhna mun ah press-te kimuhpih a, huai hun ah state govt. leh Police te’n social media Facebook ah limlak ki post tungtawn a wanted tag a puang uh dan kalhna hi’n gen a, India dan bupi kalh kha lou ahih dan leh Manipur tualsuakmite humbitna dia ILP tawh kisai a kiphinna makaih hi’n gen hi.
Huailou in Manipur High Court in JCILPS a ex-convener lui Kh. Ratan tawh kisai in tuni zinglam dak 10:30 apan hearing om a, Justice Nongmeikapam Kotishwar leh Kh. Nobin te’n thutanna bawl ding reserve in koih uhi.
CAD & PD labour te’n vauna bawl
Imphal, Aug-16: CAD & PD Labour Welfare Assn. te’n kha 4 sung lawh piaksak ding phutna in cease work strike pat sawm uh hi’n kigen hi. Hiai thu tawh kisai a media-te tawh kimuhna hun ah Irengbam Babu, Executive Member, CAD & PD Labour Welfare Assn. in agendan in CAD & PD a contractor banah Yaiphaba Hotel neitu Naoba in a nasem labourer 108-te kha 4 sung lawh pelou a, hiai tungtang ah assn. te’n akisaipih thunei-te kiangah memorandum bangzah vei hiam pe mahle uh panlakna omlou hi’n gen hi.
Petrol leh diesel man kiam nawn
New Delhi, Aug-16: Global oil prices tawh kisai etthak ahih dungzui in zan nitak zankim apan Indian Oil Corp (IOC) in transport fuels petrol leh diesel man hihkiam ua, petrol litre ah Re 1 in kiam a, diesel ahihleh litre ah Rs 2 in kiam hi. Official thusuakin agendanin, petrol ahihleh Delhi ah petrol ah litre in Rs 60.09 manding a, Kolkata ah, Rs 64.18, Mumbai ah Rs 65.04 leh Chennai ah Rs 59.65 man ding chihthu kiza hi. Diesel tawh kisai ahihleh Delhi ah litre khat ah, Rs 50.27, Kolkata ah Rs 52.86 , Mumbai ah Rs 55.64 leh Chennai ah Rs 51.65 manding chihthu kiza hi.
TUNI THUPI:
“Huchiin na hoihna thupina in nang hondou dia thoute a zouta: na thangpaihna na sawlkhia a, huai in amaute buhpawl bangin a kang hi.”
– Eksodas 15:7
EDITORIAL:
Pathian thupina mah!
India in tuni in British-te apan zalenna a ngah kum 70 chinna zan(Aug 15) in lopna om a, huai hun ah India gamsung mun tuamtuam akipan mi poimawh tuamtuam banah mipi tamtak tel uhi. India ah sahkhaw zalenna thupi mahmah a, huai pe’n alehlam a genin mipi adia hamphatna thupitak suak hi. India gama namniam Dalit leh namniam tuamtuamte soisak leh thahin omsek mah leleng Dalit namniam mi tamzawte tununga a bitna ding uh central govt in ngaihtuah phak in nei panta hi’n kigen hi. Hibang soiselna leh thahna tanpha thuak i om nunga hing leh dam a omlaite adin vangphat huai hi. Kum zabi bangzahhiam paisa akipan leitung a teng nam tengin biak ding zongin dawi leh kau, sing leh suangbul, mihing leh ganhingte ana bia uhi. Himahleh amaute siamtu in mihingte a itna a let luat ziakin nam niampente tanpha leng Pathian in humbit in mangthang khinvek tuanlou hihang. India kivaipuakna ding constitution bawltu makai poimawhpen Baba Ambedkar leng Hindu namsang leh mi lung-et akipan hilou in Daluit nam niampente akipan hi maimah hi.
Hibang kalah lei leh van kia hilou in mihing bawltu Pathian phawklou leitung ah tam mahmah lai a,tuate’n khawvel a ngei bang ahiding mah sa ding uhi. Hong siamtu thupina ngaihtuah thil poimawh khat ahi. Ngaihtuah zekin gen dek lehang koipen tak a pat ding hiam chih bang, buaina khat hiding hi.Pathian’ thupina zong dingin kisa lehang vanzat dang a ngai kei a, niteng a laisiangthou sim gige lehang Pa thupina mu pah ihi dia, kipahna khat i neiding uhi. Mimal ah Pathian thupina Psalm 139:13-16 ah muhtheih ding a, Amah muanga laute ah aman ompih gige a, a thumna uh dawng a,a panpih gige dia, akhe ataal ding a phalkei dia, amaute chingpa a lusu kei ding hi.
Zan in India in Bristiah-te akipan zalenna i ngah uh a kum 70 chinna i zang ua, huai pen suahtakna thupi: suahtakna lamdang leng ahihim hi.Huai kawm in Pathian thupina tawh kisai a a theitel ut tamtak om dingin gintak huai hi. Pathian thupina tungtang ah thilsiam kipat hun a kigelhte sim in ngaihtuah zek lehang i lung khoihlou a om kei ding, huai ban ah i lawm-le-gual, nu-leh-pa, tu-le-tate en lehang, vualphalou a om ngeidia, tuate simmawh sehtuam kei ni hang in itzaw lehang thilhoih hih ihi ding hi. Amaute ahi Pathian thupina langsakte. Pathian in Amah thilhihtheihna i mangngilh louh a i muh theihna dinga ahon piak te ahi ua, huai theihsiam ding ahi hi. Ei hilehang amaute bang in i hat diam?
Zingkal a ni hong suak, ni hongtum, nitak hong hi, khua hong mial a vanlai zawl a aksite leh khapi i muh in Pathian thupilua ahihdan a kichian semsem a, Pathian in khawvel pumpi a khutpek in ahum zou hi. Hun leh nite ahun bangbang a khensiam Amah ahi hi. Vuahzuk khit chianga sakhi tuihup hong lang etlawm mahmah a, tua nungin Pathian thupina nasem in hong kilangtou nawnzel hi.
Pathian thupina gen vual ahikei a, a thupina thupi sem a hong omlai ding hi. Pathian in atapa tang neihsun Toupa Jesu’n ’ eite tan dia a hinna a piak ahi thil thupi penpen. Huai in bang gen beh hiam? I sih chiang a van-gam Jerusalem thak ah khantawn a om ding mah hilou hiam gingtute adia ngaklah huaipen. Tuni chiangin JE natna telin natna hileng tuamtuam tam deuhdeuhin kilang a, nuamloulua hi. Natna hiipi chituamtuam bangzah hong lenglai ding hiam chih theihbut hilou hi.
Natna hiileng tuamtuam i tuahte leh ituah lelte banah i tuahtouh zel dingte uh hong nasa deuhdeuh dingin kilang a, amah Pathian in thil bangkim mihingte hoihna dinga a bawl hiding eive chi’n leng ngaihtheih hi. Aziak bel Ama mi siam mihingte ikhial gawpta a, Amah thupi ngaihna himhim om nawnlou bangin kilang hi. La khatin “Pathian hon itna, vualzawlna lian in thupina maizen e, genseng vual kei, gelh seng vual kei, van aksi sangpen tung ah om, gawtmun nuainungpen tan pha’n om. Ngou-tui suah giat laitui tang hen, tung a vanpi laipek tang hen. Sing leh louteng laikung tang hen, lei mi zata’n gelh chiat hen aw, Pathian itna gelh seng lou ding. Tua ngou tuipi kang zong, Pathian itna gelh senglou ding. Tua teng vanpi bei zong” ana chi hial hi. Gen gen in sasa lehang zong, salam leh khalam ah suahtakna thupi, suahtakna lamdang hihsak sawm teitei lai ni.
MOLVETA leh Siami in hilhchian
Lamka, Aug-16: Moreh Line Van/EECO Transport Assn (MOLVETA) in a hilhchetna ah EECO-Van driver Lalbiakliana (50) s/o (late) Van Vel Thanga of Khawmawi village, tulel a Nghathal a khawsa human trafficking tawh kisai a Mrs. Thangkhum Mizo in a ngawhna bulbal neilou leh diklou hi’n taklang hi. Lalbiakliana kum 4 paita apan Moreh line a gari hek a nekzong hi a, kum 3 paita in MOLVETA a member in ki-register a, diklou taka ngawh ziakin Thoubal Police te’n man uh hi’n taklang hi. Amah driver ahihman in trafficking case ah kigolhlou chi’n M. Thangkhopau, President leh Zamlunthang, Secy te’n thusuah bawl uhi.
Huchikal ah Lalbiakliana zi’ Siami in Thoubal Police te’n Aug 10, 2016 in Kakching Lamkhai ah a pasal a mat utawh kisai ngawhna diklou hi’n gen a, a pasal kum bangzah hiam apan passenger leh van tuamtuam pua in Imphal-Moreh kal service a innkuan vak hi’n taklang a, a gari atuang khempeuh a puak ding a mawhpuak hi a, a mi puakte tawh kisai kisaina neilou chi hi. Aug 10, 2016 in a gari ah nupi 1 leh numei naupang 3 tuang uh a, kuate hi uhiam chih leng theilou in kisaipihlou hi’n gen a, Passenger-te tunga gin omtaka nasep ziaka hibang thil tuahkhak poisakthu leng taklang hi.
Disabled-te’ lakah vanzat kihawm ding
Lamka, Aug-16: ZEO/CCpur in Aug 17, 2016 zinglam in SSA/IED (Inclusive Education for Disabled) CCpur block a Resource Room ah kum 2014-15, 2015-16 sunga a Disability Assessment camp a telkhiatte kiang ah vanzat hawm ding hi. Vanzat hawmkhiat dingte- tricycle 6, rolator 3, hearing aids 20, elbow crutch 5, wheel chair (large) 1, wheel chair (small) 12 hiding hi. Huai hun mah in Disability form la a, submit-te kiang ah Disability Certificate hawmkhiat hiding a, certificate la ding te’n Rs. 60/- tawi ngai ding hi.
Mission Compound ah singnou suan
Lamka, Aug-16: NSS Rayburn College Unit te’n Adopted village ding in Mission Compound khua telkhia uh a, Aug 13, 2016 in Mission Compound khua ah NSS Rayburn College Unit te’n singnou 100 vel suan uh hi’n Velthangkhum Hauzel, Program Officer, NSS Rayburn College Unit apan kiza hi.
PMSMA meeting om ding
Lamka, Aug-16: Dist. Pradhan Mantri Surakshit Matritva Abhiyan (PMSMA) Committee member te’n Aug 18, 2016 sunnung in CMO office ah meeting om ding a, PMSMA sepsuah dingdan kikum ding uhi.
SUUNNA:
Langkhankhup Suante (45) b/o Goukhankhup Suante of Lanva, Aug 14, 2016 nitak dak 8:00 velin Cancer in si a, Aug 15 in Lanva hanmual ah kivui hi.
Paulalmuong (22) s/o (late) Kaikam of Kim Commissariat, tulel a Santing-L ah nasem a om Aug 15, 2016 zinglam in kingaihsiat ziak in awklum a, tuni’n Kim Commissariat hanmual ah kivui hi.
IMPHAL NEWS:
MU ah VC charge di'n la ding
Imphal, Aug-16: Manipur University a senior pen Professor M. Dhaneshwar Singh in Aug 17, 2016 apan kum 65 a ching ma ahihlouleh Vice-Chancellor thak di’n charge alak mateng Vice Chancellor nasem di’n charge la ding hi’n gen uhi. Aman tulel in Vice Chancellor Prof. H. Nandakumar Sarma term Aug 16, 2016 ni a abei tawh kiton in charge la ding hi’n gen uhi.
Bandh supporter te’n gari 5 hihsia
Imphal, Aug-16: JAC against the murder of M. Jamkholal Zou @ George te’n NH-102 (Imphal-Moreh) ah bandh a bawl uh ni 6 chingta a, bandh supporter te’n zan in Pallel akipan Moreh lam zuan gari-te H. Kotlenphai village gei ah gari 6 hihsia uh hi’n kigen hi. Gari hihsiat a omte Bus, Omni Van, Alto Car, Ecco Van leh Honda Activa 2 hi a, hiai thu tawh kisai in bandh supporter te’n H. Kotlenphai village gei ah zingsang dak 1:00-4:00 kikal in Pallel apan Moreh zuan ding garite bandh kalh chih ziak in hihsia uh a, driver-te vau hilh nung in kiksak uhi. United Zou orgn. (UZO) Sugnu Block te’n bandh tawh kisai gupthu puang uh a, tualthat-te a kintheipen a matkhiak leh gawtna piak ding in ngetna bawl uhi.
Auto driver soisak in om
Imphal, Aug-16: KNF hidia gintakte’n Auto Driver Chonhao Tuboi (45) s/o Hemchon Tuboi of Chalbung village soisa uh hi’n kigen hi. Thusuak in a gendan in Chonhao in Evangelist khat sih champha zatna ding tawh kisai in vok pua in va kuan a, lamkal ah KNF cadre te’n kham khawl in Pangmoul village tan kikhak sak sawm uhi. Chonhao in a vok puak inn a tut kin ngai ziak in auto dang ana kham ding in theisak a, KNF cadre te’n auto chabi laksak in amah leng Keithelmanbi ground ah kai tung in huai ah soisa uh a, khaw phok lou banah a liam nasat ziak in Imphal a puaktung hi’n gen uhi. Hiai tungtang ah Govt. tawh SoO kai helpawl-te designated camp chiat a om ding uh hi a, kigolh khakna neite matkhiak banah dan tawh kituak a gawtna pe ding in ngetna bawl uhi.
Kh. Ratan in media-te kimuhpih
Imphal, Aug-16: Police Dept. in JCILPS a ex-convener lui Kh. Ratan tungah ‘Wanted tag’ a puang nung ua apan media-te tawh kimuh khawmna masapen ding in tuni’n Kh. Ratan in mun puangkhiak louhna mun ah press-te kimuhpih a, huai hun ah state govt. leh Police te’n social media Facebook ah limlak ki post tungtawn a wanted tag a puang uh dan kalhna hi’n gen a, India dan bupi kalh kha lou ahih dan leh Manipur tualsuakmite humbitna dia ILP tawh kisai a kiphinna makaih hi’n gen hi.
Huailou in Manipur High Court in JCILPS a ex-convener lui Kh. Ratan tawh kisai in tuni zinglam dak 10:30 apan hearing om a, Justice Nongmeikapam Kotishwar leh Kh. Nobin te’n thutanna bawl ding reserve in koih uhi.
CAD & PD labour te’n vauna bawl
Imphal, Aug-16: CAD & PD Labour Welfare Assn. te’n kha 4 sung lawh piaksak ding phutna in cease work strike pat sawm uh hi’n kigen hi. Hiai thu tawh kisai a media-te tawh kimuhna hun ah Irengbam Babu, Executive Member, CAD & PD Labour Welfare Assn. in agendan in CAD & PD a contractor banah Yaiphaba Hotel neitu Naoba in a nasem labourer 108-te kha 4 sung lawh pelou a, hiai tungtang ah assn. te’n akisaipih thunei-te kiangah memorandum bangzah vei hiam pe mahle uh panlakna omlou hi’n gen hi.
Petrol leh diesel man kiam nawn
New Delhi, Aug-16: Global oil prices tawh kisai etthak ahih dungzui in zan nitak zankim apan Indian Oil Corp (IOC) in transport fuels petrol leh diesel man hihkiam ua, petrol litre ah Re 1 in kiam a, diesel ahihleh litre ah Rs 2 in kiam hi. Official thusuakin agendanin, petrol ahihleh Delhi ah petrol ah litre in Rs 60.09 manding a, Kolkata ah, Rs 64.18, Mumbai ah Rs 65.04 leh Chennai ah Rs 59.65 man ding chihthu kiza hi. Diesel tawh kisai ahihleh Delhi ah litre khat ah, Rs 50.27, Kolkata ah Rs 52.86 , Mumbai ah Rs 55.64 leh Chennai ah Rs 51.65 manding chihthu kiza hi.
TUNI THUPI:
“Huchiin na hoihna thupina in nang hondou dia thoute a zouta: na thangpaihna na sawlkhia a, huai in amaute buhpawl bangin a kang hi.”
– Eksodas 15:7
EDITORIAL:
Pathian thupina mah!
India in tuni in British-te apan zalenna a ngah kum 70 chinna zan(Aug 15) in lopna om a, huai hun ah India gamsung mun tuamtuam akipan mi poimawh tuamtuam banah mipi tamtak tel uhi. India ah sahkhaw zalenna thupi mahmah a, huai pe’n alehlam a genin mipi adia hamphatna thupitak suak hi. India gama namniam Dalit leh namniam tuamtuamte soisak leh thahin omsek mah leleng Dalit namniam mi tamzawte tununga a bitna ding uh central govt in ngaihtuah phak in nei panta hi’n kigen hi. Hibang soiselna leh thahna tanpha thuak i om nunga hing leh dam a omlaite adin vangphat huai hi. Kum zabi bangzahhiam paisa akipan leitung a teng nam tengin biak ding zongin dawi leh kau, sing leh suangbul, mihing leh ganhingte ana bia uhi. Himahleh amaute siamtu in mihingte a itna a let luat ziakin nam niampente tanpha leng Pathian in humbit in mangthang khinvek tuanlou hihang. India kivaipuakna ding constitution bawltu makai poimawhpen Baba Ambedkar leng Hindu namsang leh mi lung-et akipan hilou in Daluit nam niampente akipan hi maimah hi.
Hibang kalah lei leh van kia hilou in mihing bawltu Pathian phawklou leitung ah tam mahmah lai a,tuate’n khawvel a ngei bang ahiding mah sa ding uhi. Hong siamtu thupina ngaihtuah thil poimawh khat ahi. Ngaihtuah zekin gen dek lehang koipen tak a pat ding hiam chih bang, buaina khat hiding hi.Pathian’ thupina zong dingin kisa lehang vanzat dang a ngai kei a, niteng a laisiangthou sim gige lehang Pa thupina mu pah ihi dia, kipahna khat i neiding uhi. Mimal ah Pathian thupina Psalm 139:13-16 ah muhtheih ding a, Amah muanga laute ah aman ompih gige a, a thumna uh dawng a,a panpih gige dia, akhe ataal ding a phalkei dia, amaute chingpa a lusu kei ding hi.
Zan in India in Bristiah-te akipan zalenna i ngah uh a kum 70 chinna i zang ua, huai pen suahtakna thupi: suahtakna lamdang leng ahihim hi.Huai kawm in Pathian thupina tawh kisai a a theitel ut tamtak om dingin gintak huai hi. Pathian thupina tungtang ah thilsiam kipat hun a kigelhte sim in ngaihtuah zek lehang i lung khoihlou a om kei ding, huai ban ah i lawm-le-gual, nu-leh-pa, tu-le-tate en lehang, vualphalou a om ngeidia, tuate simmawh sehtuam kei ni hang in itzaw lehang thilhoih hih ihi ding hi. Amaute ahi Pathian thupina langsakte. Pathian in Amah thilhihtheihna i mangngilh louh a i muh theihna dinga ahon piak te ahi ua, huai theihsiam ding ahi hi. Ei hilehang amaute bang in i hat diam?
Zingkal a ni hong suak, ni hongtum, nitak hong hi, khua hong mial a vanlai zawl a aksite leh khapi i muh in Pathian thupilua ahihdan a kichian semsem a, Pathian in khawvel pumpi a khutpek in ahum zou hi. Hun leh nite ahun bangbang a khensiam Amah ahi hi. Vuahzuk khit chianga sakhi tuihup hong lang etlawm mahmah a, tua nungin Pathian thupina nasem in hong kilangtou nawnzel hi.
Pathian thupina gen vual ahikei a, a thupina thupi sem a hong omlai ding hi. Pathian in atapa tang neihsun Toupa Jesu’n ’ eite tan dia a hinna a piak ahi thil thupi penpen. Huai in bang gen beh hiam? I sih chiang a van-gam Jerusalem thak ah khantawn a om ding mah hilou hiam gingtute adia ngaklah huaipen. Tuni chiangin JE natna telin natna hileng tuamtuam tam deuhdeuhin kilang a, nuamloulua hi. Natna hiipi chituamtuam bangzah hong lenglai ding hiam chih theihbut hilou hi.
Natna hiileng tuamtuam i tuahte leh ituah lelte banah i tuahtouh zel dingte uh hong nasa deuhdeuh dingin kilang a, amah Pathian in thil bangkim mihingte hoihna dinga a bawl hiding eive chi’n leng ngaihtheih hi. Aziak bel Ama mi siam mihingte ikhial gawpta a, Amah thupi ngaihna himhim om nawnlou bangin kilang hi. La khatin “Pathian hon itna, vualzawlna lian in thupina maizen e, genseng vual kei, gelh seng vual kei, van aksi sangpen tung ah om, gawtmun nuainungpen tan pha’n om. Ngou-tui suah giat laitui tang hen, tung a vanpi laipek tang hen. Sing leh louteng laikung tang hen, lei mi zata’n gelh chiat hen aw, Pathian itna gelh seng lou ding. Tua ngou tuipi kang zong, Pathian itna gelh senglou ding. Tua teng vanpi bei zong” ana chi hial hi. Gen gen in sasa lehang zong, salam leh khalam ah suahtakna thupi, suahtakna lamdang hihsak sawm teitei lai ni.
No comments:
Post a Comment