Nisim 20th August 2016 ni in
JNU convention centre mun ah siamsin dia Delhi zuan thak te vai donna
program ki nei hi. Huai hun ah melthak 118 laka 70 val te tel thei un Piangrouthang(pyr
t) leh Margret Goulun, te compere na toh mi tamtak in su thathou mah mah hi.
Program honna din Upa Khamkhansuan in hunpatna thumna nei in
Delhi Siamsin Pawlpi te trowback video etna neih in awm a Siamsinpawlpi anthem
sakna in zui hi.Program ki patna din Delhi SSPP President hih na len lel
Khammuanlal in mipi te vai donna thu gen in hiai program subuching dia hong pai
te tung ah kipah thu gen hi. Hiai hun in lasiam siam taktak Melody Varte, Mary
Naulak leh Siamsin tulmoh ten laa sak na toh mipi te tai sak mah mah uhi. Thugen manpha taktak te ngaih khiak in om a,
amasa pen ding in Dr. Rose Nembiakkim in 'Failure is not an option' chi thupi
zang in melthak leh mipi hong pai khomte chouna nasatak hong nei hi. Tua zom in
Pi Nemlianching heu in 'Shakti
Foundation' kichi Naupang tagah te etna a om ten eimi laa thum sa un mipi te
tai sak mah mah hi.Tukum a graduate thak Bliss Ningnem leh K. Lalthang in a zom
in "Do's and Don'ts" for freshers in Delhi cih thupi zang in thu
manpha tak Delhi khotual a omding dan leh college a azil khiak leh hih tuak a
sak te uh hong share uhi.
Pi Nangkhannem Guite in tua zoh in Govt. and Private jobs
ahoih na leh a hoih louna te buk kak in thu hong gen hi. Aman a genna ah Govt.
ahih keh private job(MNC's, BPOetc) a hoih le hoih lou zo hong thukhen dia hong
pai hilou in govt kam a hoih na leh ahoihlouh na te leh private na le a hoih le
hoih louna te lunglutna tuam chiat nei te kiang ah hilh hi.Tuakhit in lunch om
hi.
Session 2 ki patna din ah K-pop dance 'Zoflami' girl band
ten lahna hong nei uhi. Pa Vumlunmang IAS in program a ban ah la in Freshers te
hiai tan a hong tun uh akipah pih na thu leh Delhi ah haksatna leh hong subuai
thei om tuam tuam te thei sak hi.Huai banah hun a apam maih dan leh hun tawm
chik laisim nang nei uh ahih dan gen a a hun te uh aman pha thei pen a zang din
hasot hi. Aman Delhi a siamsim dia hong
Pai thak te 'Be honest with yourself ' chih chah hi.
Pa Chinsum in Pathian in a dik guma ana panna te a vuakzawl
dan mipi te hilh in hanthawn hi.
Pi Grace Siamlianvung in 'Teachers perspective' apan thu gen
in student te lai hah sim sem ding, time management siam ding leh class kai
hoih din ngen hi. Pi Hoihnu Hauzel in Mass communication line a broad dan
freshers te hilh chian in amah dot nop nei te adai mansa gige ahih dan leng tak
lak hi. Aman mi lohching hihna dia qualities hoih teng laka integrity(diktatna,
mah ni thugin a dinkipna) phamoh sa pen
ahih dan gen hi. Nungak Biaklun Thomte in Law tohkisa hoih taka hilh chetna nei
hi. Aman law zil ut te ading in kong tampi ki hong a maban ah siamain te hiai
field ah tamzo sem a muh ut thu gen hi. Pa G. Sanglian in Architecture lunglut
te ading in thu zaknop tampi hon tut hi. Aman architecture aspirants te kiang a
carreer track a zuih ding dan uh hilh in Architecture kichi building bawl kia in beilou chi hi.
Hiai hun ah social media lampang ahleng hashtag #SSPPFM16 kichi kizang in Instagram leh
Twitter ah handle nei ten hiai hashtag
zanga apost te uh leng live ahi ki khak khia hi. Hiai hun ah Ben Guite in 'Best tweet' la in Best Instagram post ahih
leh Aldyx muan in la hi.
Tua kia leng hilou in Freshers te Questionnaire ki fill up
sak in Mr. and Miss Fresher 2016 telna leng om a hiai hun ah Mr. Fresher din
Suanlaumuan telching in om a Miss Fresher din Chiinsianzou Guite telching in om
hi.Tua kialeng hilou in Mr and Miss well dressed tel na leng om a hiai hun ah
melthak Mr. Paumuanding leh Nangmuanlal pasal ah, Thanglunkim leh Nianglunkim
ten hiai pahtoina sang uhi.Mr and Miss Photogenic ahih leh
Nangmuanlal leh Mimi Chingbiakhoih kiang ah piak in om uhi.
Tuate zoh in Muan Vualnam Jt. secretary SSPP Delhi in Vote
of thanks gen a Upa Khatchin Langel in thumna in hunkhak na bawl hi.
No comments:
Post a Comment