Lamka, Sept-27 (PhualvaTimes.com): M. Gouzamang Guite, EM/ADCC panlakna in tuzing in Kolkata akipan long (boat) 4 Lamka puaktung hi a, Siktui mun, Vengnuam ah test ride neih hingal hi. Thukiza danin, hiai longte ahihleh Lamjang(Khuga Dam) a om Siktui Farms and Resorts honkhiak ahihchiang a zat ding hi'n kigen hi. Long 4te lakah mi 2 tuan theihna khat, mi 4 tuan theihna nih leh mi 6 tuantheihna khat hi a, huai banah atuangte bitna dingin Life Jacket 16 leh life buoy 5 leng hong tung hi'n kigen hi. Resort a basic facility-te zawh ahih chiangin long service pat hiding chih thu kiza hi.
EM/ADCC in agenna ah, tunung sawtlou in Resort mun kilkhat ah District Science Centre bawl hiding a, huai banah ICAR, NABARD leh Siktui Farms and Resorts pangkhawng in Dam tung ah len zang a nga khoina (Fish Caging) leng bawl hiding chi'n gen hi. Aman a genzelna ah i gam in state dang leh gam dang a zuak theih ding product kiningching kinei tadihlou a, huai ziakin tourism puah hileh sum muhna suak thei pen ding a, mundang a touristte i lailut zoh chiang un i gam ah income leh employment tampi piang sak ding chi hi.
Tourism hatsak lehang gari service-te, giahna leh annekna hotel neite leh dawr bawlte a dingin summuhna liantuan mahmah ding a, customer leng tamzaw sem om ding chi hi.
Aman agen zelna ah, Global Village a teng ihih dung zui un mite taeh kidawr tuahlou in economic development tatak om zoulou ding ahihna ah Lamka miten i lungsim uh liansak a nam dangte tawh kithuah theih poimawh kha ding hi chi'n gen hi.
No comments:
Post a Comment