HEADLINES:
Sushma in Pak leh Terrorist-te kizopna puangkhia
 |
| http://i.ndtvimg.com/ |
New York, Sept-26: New York khawpi a UN General Assembly pailel ah tuni’n External Affairs Minister Sushma Swaraj in thugenna nei a, India hihsiat sawm terrorist te’n Pakistan apan galvan leh sum-le-pai ah huhna ngah uh chi hi. Terrorism kichi human rights bawhsiatna huaisepen ahihman in UN Assembly hunsung ngei a ‘Global Treaty on Terrorism’ bawl poimawh hi’n leng gen a, terrorist pawlte tawsawn leh panpihte zonkhiak a, akituahpih bang gawtna piak ding ahi, chi in makai paikhawmte kiangah ngetna bawl hi.
UN General Assembly a External Affairs Minister in agenzelna ah, India adia innveng (neighbour) khat in agamsung uah terrorist makaite zalentakin gamtang sak a, Mumbai attack omsaktu Jamaat-ud-Dawa chief Hafiz Saeed leng tua gam ah thunei mahmah chi in gen hi. Minautang hinna la nuam a kipeite United Nations in khauh zawsem a gawtna apiak poimawh hi’n Swaraj in gen a, UN nuaia kikhai khawm gamte’n terrorism panpih theilou ding chih ahihdungzui in, Terrorist leh Terrorism tawsawnte koihtuam ahih ua, khawvel gamte’n akithuahpihna nawnlouh ding uh ahi chi hi.
Pakistan Pakistan Prime Minister Nawaz Sharif in Assembly Hall a thugenna aneihlai in, Kashmir phaizang ah India sepaih te’n human rights tamveitak bawhsia uh hi’n ngawhna bawl a, huai tawh kisai Ms. Swaraj in hilhchian kawm in Balochistan province sunga Pakistan army gamtatnate kuapeuh in theivek uh chi a, Kashmir a thiltungte sang in Balochistan ah human rights bawhsiatna uangzaw hi’n leng gen hi.
Prime Minister Nawaz Sharif in gamnihte kala kihouna omtheilou tawh kisai India mawhsa a, kihouna omtheihna di’n India in thukhun(pre-condition) abawlte uh Pakistan in pomtheilou ahihdan leng gen hi. Swaraj in Pakistan PM thugen tungtang hilhchian kawm in, khawvel makaite ngetna bang in, Pakistan tawh India in kihouna neih a sawm chiang in thukhun bawl masak om ngei nailou a, gamnihte kala kituahna a om ding India in deih tawntung in, huai ding in zaidam taka panla tou ngitnget hi’n gen hi.
LOCAL NEWS:
Public Awareness & Spl Regd.Camp
Lamka, Sept-26: NYK/CCpur, NSS CCpur College leh Systematic Voters Education & Electoral Participation (SVEEP) Core Committee kithuah in tuni’n CCpur Govt College ah Special Summary Revision tawh kisai in Public awareness & Special Registration Camp om hi. Huai ah Lunminthang Haokip, IAS, DC/CCpur; Soiminlian Lengen, MCS, CEO ADC/CCpur & Chairman Core Committee, SVEEP banah lasiam Roseline Kimbuang, Remruotkim leh Jenny Thomte te’n uap uhi.
CEO, ADC/CCpur in leitung a democracy gam lianpen India himahleh kitelna (election)ah mi tamzaw in lungsim pelou in kihel tawm thei mahmah a, huai in vaihawmna naktak a sukha hi’n gen hi. Election ah kihel chiat deihna ziakin kum 2009 in Systematic Voters Education & Electoral Participation (SVEEP) patkhiak hi a, maban a MLA election ah 3rd phase zat hidin gen hi.
DC & DEO/CCpur in Jan. 25, 2017 in National Voters Day zat hiding a, election a vote khiaklouh in gam vaihawmna sukha ahihman in kuapeuh in a vote manphatak election ah siangthoutak a zang a ding in ngen hi. Sept. 27 & 28 in Rayburn College leh Young Pillars College ah sutzop hiding a, Oct 7, 2016 tan school tuamtuam ah sunzom ding uhi.
Zamkhothang Haokip khahkhia
Lamka, Sept-26: Zo People’s for Human Rights & Empowerment Forum, CCpur, Manipur panlakna in Malaysia jail a tang Zamkhothang Haokip (41) s/o (L) Ngamkholet Haokip of Moreh Ward No. 2 khahkhiak in om a, tuni sunnung in Lamka tut hi a, Khamchinpau Zou @ K. Zou tenna inn ah vaidawnna om hi.
Sesei Zou, Chairman, ADC/Chandel leh ZoPHE Convenor K. Zou banah member te’n Imphal Airport ah dawn uh a, huai apan Lamka tut in om hi. Zamkhothang in agendan in khawsak haksa ziakin Sept. 2014 in Myanmar tawn in Malaysia lut a, huai ah thautui zuakna (oil pump) ah kha 6 sung kilawh a, kha 6 lel sem man a, kha 1 in Malaysia sum 1,000/- lawh hi’n gen hi. Illegal (dan tawh kituaklou) a lut ahihman in visa leh lai poimawhte a neihlouh ziakin May 23, 2016 in mat hi a, Tanamehra Deportation Camp ah koih in om chi hi.
Huaithu Zo Peoples for Human Rights & Empowerment Forum in a theih phet un Convenor in panla a, Embassy tuamtuam thuzak in zan (Sept 25) in a tanna jail apan khahkhiak in om hi. Zan sun dak 12:00 in Kolkata Airport tung a, tuzing in Imphal Airport tung hi. Amah a tanna jail sung a damlousa a khahkhiak ahihman in Lamka a tun tawh kiton in hospital tut hi a, medicine ward ah admit in om hi.
MCTS tawh tungtang meeting om
Lamka, Sept-26: Block Prog. Management Unit leh ASHA facilitator te’n tuni’n CMO conference hall ah mother & child tracking system (MCTS) tawh kisai meeting uhi. Mother & Child Tracking System (MCTS) tawh kisai central in fund a piak 5% in kiamsak a, huai in semtute hihbuai hi’n kigen hi. CCpur dist ah immunization hoih in kilang mahleh record maintain dan fellouh ziakin govt. record ah ginalou a,maban a pilvan a poimawh ziakin kisinsak uh hi’n kigen hi. VC Pau Tonsing, DIO/CCpur leh Seiboi Mate, DPM/CCpur te’n record gelhdan leh Private clinic ah MCTS registration bawl theih dan gen uh a, ASHA Worker, ASHA Facilitator leh Block Data Manager leh HMIS Asst. te panlak ding dan sinsak uhi.
Financial literacy camp om
Lamka, Sept-26: Sim Veng a Simte Inn ah Khangthah Zuun Pawl (KZP) GHQ saina in financial literacy camp om a, Imphal akipan Mangta Shoute, Manager, RBI/Imphal leh KK Singh, Asst. Manager, RBI/Imphal te’n uap uhi. Huai ah Self Help Group-te an ah V/A member leh student tamtak tel uhi.
G. Thangchinkhup, AGM, DDM/NABARD, Pauneihthang Valte, Chief Manager, SBI/CCpur Branch, Lalchinhau, Dy. Manager, SBI/CCpur branch, Lulun, Manager, Vijaya Bank leh Mangkhum Tonsing, Grade II Officer, UBI/CCpur Branch te’n leng uap uh a, G. Thangchinkhup in student-te’n banking lam a career bawl dingdan leh saving poimawh dan sinsak a, Pauneihthang Valte in Loan leh Insurance Policy ban ah kikhemna tuamtuam apan pilvan dingdan sinsak hi. Huai programme bel RBI,Imphal apan huhna zanga sai hi’n kigen hi.
Antang lak dingdan bikhiah
Lamka, Sept-26: CCpur Dist. ah National Food Security Act. tungtawn in Rationing Agent te’n CAF & PD Godown ah antang lak khiat dingdan DSO/CCpur in bikhiah a, Agent te’n Identity Card tawi in Sept 28- Oct 15, 2016 sung in laktheih ding hi. Sept 28, 2016 in 56-Thanlon A/C; Sept 29 in 55- Parbung A/C; Oct 3 & 4, 2016 in 57-Henglep A/C; Oct 5-7, 2016 sung 58-CCpur A/C; Oct 10-13, 2016 sung 59-Saikot A/C leh Oct 14 & 15, 2016 in 60-Singngat A/C hiding hi.
SP’ office mai ah barricade kikoih
Lamka, Sept-26: CCpur Dist. ah SP kikhek chiang in thilthak patkhiat leh zat in om a, SP office ah barricade 10 kikoihte lak ah tuni’n SP office mai ah barricade 4 koih leh zat in om hi. Gari taituah-te nidang bang in hattai vevu thei nawnlou uh a, barricade ziak in awl tai ngai hi’n kigen hi. CCpur Dist. a zatding in April 20 in Imphal apan barricade hunkhop hongtung a, Traffic Police te’n mun tuamtuam ah zang uh a, SP office ah 10 vel koiha om hi’n kigen hi.
Officer 4 in Oct 1 in join ding
Lamka, Sept-26: Manipur State Power Distribution Company Ltd. (MSPDCL)/CCpur Divn. ah sem ding in Oct 1, 2016 in officer 4 in join ding uhi. Amaute- H. Thangchinlun, Dy Manager; P. Thongkholian, Asst. Manager, Ngailianniang, Asst. Manager leh D. Grace Lamneithiem Haokip, Asst. Manager hi uhi.
SMO makaih in khua 6 vel pha uh
Lamka, Sept-26: Dr. Gojendro Singh, State Malaria Officer, Manipur makaih in Gopakishore, Consultant, IEC, Dr. Liankhojam Guite, DMO/CCpur leh Staff te’n Vaingai leh Tipaimukh area Sept.20-23, 2016 kikal in pha uh a, Sept 24 in hongtung uhi. SMO makaih in Sibapurikhal, Ankhasuo, Tiulien, Patpuihmun, Kangrengdor leh Thingpuikuol khua pha uhi. Khua tuamtuam ah khawsik mi 200 val sisan test uh a, Kangrengdor khua ah positive 1 mukhia uh a, thousilen 200 val leng hawmkhia uhi. Patpuihmun khua ah Malaria Awareness nei uh a, khua tuamtuam a thousilen ahawmkhiat-te uh mipi’n phattuam pih uh hiam? chihleng enkhia uh hi’n thusuak kingah hi.
TWWA pawlin numei guta 1 man
Lamka, Sept-26: Lamneichin @ Chichin w/o Seilam Mate of S.Canaan veng in tuni sunnung dak 2:50 velin Themboi Khongsai’ dukan apan Rs.7,000/- a guk ziakin Tuibuong Women Welfare Assn. (TWWA) pawlin mankhia uhi. Lamneichin’ in aguk numei puanten hoihtak bangzah hiam ban ah WY tang (khamtheih) bangzah hiam leng mukhia uhi. TWWA thunei tute’n thuhilhna hoihtak a neih nung un S. Canaan Veng V/A-te pekhia uhi. Lamneichin kipuan dan in khawpi sung a dukan tuamtuam ah khedap leh puanten tamtak gukhia hi’n kipuang hi.
Dengue Awareness program
Lamka, Sept-26: CCpur Dist. ah vuahtui tamziak in maban ah Dengue natna omthei ding in patauh huai a, huai thu ah State leh Dist.National Vector Borne Disease Control Program/CCpur saina in Oct 1, 2016 zinglam dak 11:00 in CMO Mini Conference Hall ah Deptt tuamtuam tawh Dengue Awareness thu intecsectoral meeting omding hi.
New Bazar ah Dukan kiluh
Lamka, Sept-26: Muanhuaitak apan thutut kingahdan in zanhal nitakin New Bazar a om SS Electronics & mobile repairing centre guta pawlkhat in luh ua, tua ah Rs 30,000/ Rs 40,000 vel manding mobile phone leh vanzat tuamtuam kigumang chihthu kiza hi. Guta pawlte’n dawr kongkhak kalsia in a sungah repair a omlel touch screen mobile phone telin thil tamtak gukhia uh chih ahi.
Seikam Memo. Football Tourney kipan
Kholmun Youth Club (KYC) saina a Kholmun playground ah tuni in 8th Seikam Memorial Open Football Tournament-2016’ kipan a, donors Hemlal in hongkhia a, tua zawh in tournament kipan ngal hi. Tuni in match nih kimawlna om ngal a, match masa ah N. Boljang YC leh Henglep AYDA te kimawl ua, Henglep ten 4-1 in zou ua, tua zawh in Huilhi FC leh Koite YU te kimawl ua, kibei thei mahmah ua, a tawp in Huilhi FC ten 2-1 in zou uhi. Sept. 27, 2016 in match nih mah kimawlna om nawn ding a, match masa ah Kholmun YC leh Anpak FC te kimawl ding ua, tua zawh in Ebenezer YC leh Tuibuong Area YC te kimawl ding uhi.
Tukum Seikam Memorial Open Football Tournament ah club tuamtuam 45 vel ding kihel ua, club chih in kimawlna ground kim a mahni flag tak khiak chiat ding chih a om tamtak in tuni in tak ua, a tak khe nailouten Sept. 27, 2016 tan a tak dingin KYC in theisak hi.
SUUNNA:
Mrs. Soingaihkim (36) w/o Thongkhanlal Guite of Nghathal, tuzing dak 3:00 vel in cancer in si a, nitaklam in New Lamka Christ Saptuam hanmual ah kivui hi.
J. Thangzalian (58) s/o (late) T. Ginthang of Bungmual Laiveng tunitak dak 10:10 vel in sungna in si a, Sept. 27, 2016 in Bungmual hanmual ah kivui ding hi.
IMPHAL NEWS:
MLA 2-te disqualified lemsa lou
Imphal, Sept-26: Tuma a Congress MLA Dr. I. Ibohalbi Singh leh Th. Shyamkumar tungah Indian Constitution 10th Scheduled dungzui a disqualified ding in Kh. Joykishan, MLA; Th. Bishwajit, MLA; O. Lukhoi Singh, MLA; K. Sarat; MLA leh Kim Gangte in Speaker kiang a ngetna (petition) a piak lut uh Assembly Speaker’ Code of Tribunal a thupukna puankhiak hi a, Speaker in MLA 2-te disqualified ding lemsa lou chih ahi hi. MLA 2-te tungah disqualified ding a thusun MLA 4 leh Kim Gangte in a tuamtuam a bawl uh hi a, Dr. I. Ibohalbi tuma a disqualified ding thusun bel Kim Gangte in abawl ahi hi.
BJP te’n mipi adi'n nasemlou : CM
Imphal, Sept-26: BT Road a Congress Bhavan ah tuni’n 1st State Level Mahila Congress Campaign Committee-te saina in meeting om a, huai ah Chief Guest in CM O. Ibobi pang hi. Functional President in T.N. Haokip, President, MPCC pang a, Guest of Honour in AK. Mirabai, Minister (Social Welfare); O. Landhoni, MLA; Nemcha Kipgen, MLA; Sobha Oza, President, AIMCC; Jarjum, Gen. Secy, AIMCC; K. Ranjit, MLA; Loken, MLA; Victor Keishing, MLA banah mi tuamtuam te’n uap uhi.
Huai hun ah Chief Guest in BJP in Centre ah vaihawmna kum 2 ½ val len mahle uh Manipur mipite a ding in panlakna neilou uh a, BJP te’n khantouhna kia gen mahle uh a tak in semsuah lou uhi. Manipur ah khantouhna dia nasepna pailel-te Centre ah BJP ziak in dinkhawl a, state govt. in National Sports University bawlna dia gam thu tawh kisai suveng mahleh BJP ziak in nawngkaina tuamtuam om a, NIT leng kum 5 val ta mahleh institute puah hoihna dia fund pai omlou hi’n gen hi. BJP a Union Minister tuamtuam te’n Manipur hongphak uh tawh kisai a CM in a thugenna ah project tuamtuam sep ding omte tawh kisai a sum bei ding zah bikhiah lou in a gen thawh kia bawl uh a, hiai in Manipur ah nam tuamtuam kituak tak a om-te kalah kituahlouhna hi’n gen hi.
Gram Sabha tawh kisai in kal 2 sung ding hun behlap : CEO
Imphal, Sept-26: Vivek Kumar Dewangam, Chief Electoral Officer (CEO) in Old Secretariat a Conference Hall ah tuni’n press conference hun ah Gram Sabha Special Summary Revision kichi Sept 24, 2016 ni a bei khin himahleh kal 2 sung ding behlap in om a, Election dept. saina in Sept 10, 2016 in Gram Sabha tawh kisai in round masapen kipan a, Sept 24, 2016 in round 2na om hi. Electoral roll tawh kisai a diklouhna omte khit siangna ding in (purification) Gram Sabha sai ahih banah BLOs, Supervisor leh mipi palai-te tel vek uhi. Electors te’n claims & objective tawh kisai in form no. 6 zang thei ding uh a, form no. 7 ahihleh paikhiak (deletion) hiding a, form no. 8 ahihleh correction hiding in gen hi.
Election Commission of India (ECI) thupiak dungzui in Officer khat in Assembly Constituency a etkai theihna ding un Manipur ah Assembly Constituency 60-te ah ROs, EROs banah AEROs-te rationalization bawl hiding a, huai tawh kisai in ECI ah proposal piak lut ahihbanah CEO in stakeholder, political parties banah EROs telin election machinery te’n kithuahpih ding in gen hi. Akigendan in purification exercise tungtawn in election thuneite’n vote khat sang a tamzaw neite paihkhiak a sawm banuah Jan 2, 2017 ni a Electoral Roll tawh kisai in final publication hun ah diklou om louhna ding tupna hi’n gen uhi. CEO in a genzelna ah Manipur a DC leh SP teng tawh Sept 29, 2016 in maban election tawh kisai a kisakkholhna in Video conferencing nei ding uh hi’n taklang hi.
MNPF te’n handgrenade koih
Imphal, Sept-26: Manipur Naga People’s Front (MNPF) te’n Sept 25, 2016 ni in Phungreitang Poi village a Peter Shirmah tenna inn huangsung ah hand grenade khat koih uh hi’n kigen hi. Police thusuak in Peter tenna inn ah zan zingsang in hand grenade 1 muhkhiak hi a, Police bomb squad te’n vala khia in mun thawveng ah supuak uh hi’n kigen hi. Huai thu tawh kisai in MNPF te’n thusuah a bawlna uah Peter in MNPF member-te a kihoupih utlouh ziak a vauna dan in gen uh a, Ukhrul district a om teng in Peter Shimrah a theih banuah kum 10 paisa apan Ukhrul banah Dimapur telin mun tuamtuam ah heroin (no.4) zuak a kipei hi’n gen uh a, NSCN(IM)-te nungthuapna in Tangkhul tuailai tamtak-te puksia chi’n gen uhi.
Economic blockade 2 kipan
Imphal, Sept-26: Flood Victim Demand Committee (FVDC) Chandel te’n zan nitak zankim apan Manipur pumpi ah Economic blockade a puang uh tawh kiton in Senapati district a Contract Basis Appointed Teachers Association (CBATA) te’n state govt. in kum 2011 apan khalawh a piak louh banuah a sepna uh regularize sak ding ngetna a bawl uh ngaihsak lou chih ziak in in tunitak zankim apan NH-2 (Imphal-Dimapur) leh NH-102 ( Imphal-Jiribam) lampi-te ah Economic blockade puang uhi. Manipur ah Economic Blockade kipat tawh kiton in tuni zingsang in NH-102 in a tawt khak Thamlapokpi villlage leh Liwachangning mun-te ah gari tuamtuam-te tai ding kham in checking bawl banah van tuamtuam kaihkhiak nung in paisuak sak uh hi’n kigen hi. Huai tawh kisai a Bd. Betha, Convenor, FVDC Chandel in media-te tawh kimuhna hun ah state govt. in nikum a tuilian tuak-te panpihna dia compensation pai-te a hawmkhiak ding uh phutna chi a, kiphinna leh memorandum tuamtuam piak himahleh state govt. in ngaihsak lou a, state govt. in tuilian thuak-te panpihna dia relief fund a khahkhiak masiah uh economic blockade bawl hiding in gen hi. Huailou in CBATA te’n kum 6 paisa apan khalawh tunitan a amuh louh uh banah a sepna uh regularize sak ding ngetna a NH-te a Economic bawl uh hi’n kigen hi.
Sharmila in Delhi CM kimuhpih
Imphal, Sept-26: Manipur ah AFSPA lak khiak ding phutna a annngawl anuakna nei masapen Irom Chanu Sharmila in tuni’n Delhi Chief Minister A. Kejriwal kimuhpih hi. Akigendan in Sharmila leh Women Activist S. Wangkheimayum te’n tuni zingsang a Imphal nusia in Delhi zuan uhi. Thusuak in a gendan in Delhi Secretariat ah tunitaklam dak 2:30 vel a Sharmila in Delhi CM kimuhpih in minute 45 vel ding kihou uh a, bang thu gen uh hiam chih theih hilou a, Sharmila in tunitak in Chandigarh ah Sept 28-29, 2016 sung a International Youth Convention hun uap ding hi’n leng taklang uhi.
Transfer & Posting
(IAS/MCS officer)
1. Sh. O. Nabakishore Singh, IAS, Chief Sceretary (Works/ Cabinet) as Chief Secretary (Cabinet)
2. Dr J Suresh Babu, IAS, Addl. Chief Secretary (Finance/ Home) as Additional Chief Secretary (Home/ MAHUD)
3. Letkhogin Haokip, IAS, Pr. Secretary (IPR) as Pr. Secretary (CADA)
4. JC Ramthanga, IAS, Pr. Secretary (RD & PR/MI) as Pr. Secretary (SW/MI)
5. Vineet Joshi, IAS, Commissioner (Planning/Power/Hr & Tech Edn) and Resident Commissioner, Manipur Bhawan, New Delhi as Commissioner (Finance/ Planning Power) Hr & Tech Edn) and Resident Commissioner, Manipur Bhawan, New Delhi
6. B.B. Sharma, IAS, Commissioner (CAF & PD) as Commissioner (CAF & PD/Corporation)
7. H Deleep Singh, IAS, Commissioner (YAS) as Commissioner (YAS/Art & Culture)
8. M Lakhsmikumar Singh, IAS, Commissioner (Transport) Commissioner (Transport/Edn-S) & Chairman BOSEM.
9. K Radhakumar Singh, IAS, Commissioner (Revenue/Arts and Culture) as Commissioner (Revenue/Works/IPR)
10. Sumant Singh, IAS, Secretary (Edn. S) & Chairman, BOSEM as Secretary (RD&PR)
11. N Ashok Kumar, IAS, Secretary to CM & Special Secy. (Cab & Conf/DP/IT) as Secretary to CM & Special Secy. (Cab & Conf/ DP/IT/Tourism)
12. Th Chitra, IAS, Commissioner/DE & Joint Secy. (Hr & Tech Edn) as Joint Secy. (HR & Tech Edn) & Director (Edn-U) & Chairman, COHSEM.
13. Robert Singh Kshetrimayum, IAS, Joint Secretary (AR/Forest & Env) as Joint Secretary (RD & PR) & Mission Director/NRLM.
14. Shri A Subhash Singh, Deputy Secretary (DP) & OSD, Manipur University of Culture & Manipur Film Institute as Deputy Secretary (DP) & MD, MSCB in addition.
15. Ms. Valentina Arambam, MCS, Deputy Secretary (IT) & Addl. Mission Director, NRLM as Deputy Secretary (RD&PR) & Addl. Mission Director, NRLM.
16. Shri Ranjan Yumnam, MCS, JD, CAF & PD & MD, MSCB as Joint Director, CAD&PD.
17. Shri Rang Peter, MCS, Under transfer as ADC/Ukhrul & PD, DRDA, Ukhrul as CEO, Autonomous District Council, Senapati.
18. Shri Luckyson N Kasung, MCS, ADC/Senapati, PD/DRDA, Senapati & CEO ADC/Senapati as Deputy secretary (IT).
19. Shri Joel G Haokip, MCS, AO/IFC as SDO/BDO, Lungtin Sub-division, Senapati district.
20. Ms. Neena Sarangthem, MCS, AO/Sericulture as AO/IFC.
21. Ms. Leiyaphi Rita, MCS, AC to DC, Ukhrul (on promotion) as Sr. AO, Medical.
22. Ms. Polly Makan, MCS, AC to DC, Ukhrul as AC to DC, Imphal East.
23. Shri G Shantikumar Kabui, MCS, AC to DC, Tamenglong (on promotion) as ADC, Senapati & PD/DRDA, Senapati.
24. Shri L Radhakanta, MCS, AC to DC Bishnupur as under-secretary (SW).
25. Shri Ng Norenkumar Singh, MCS, i/c ADC/Pherzawl as under Secretary (Agri).
26. Shri ST Ritung Anal, MCS, AC to ADC, Moreh as AC to DC Ukhrul.
27. Shri K Shyamchandra Sharma, MCS, Sr. AO, Medical as ADC, Ukhrul & PD/DRDA, Ukhrul.
28. Shri AS Elias, MCS, Deputy Director (CAF & PD) as ADC/Pherzawl.
Transfer & Posting
(Lecturers of Govt. Hr. Sec. School)
1. Lujiklu Panmei, Lecturer (Hindi) from Lilong Hr. Sec. School to Lilong Hr. Sec. Madrassa
2. Ashihrii Athipro, Lecturer (Geology) from Moreh Hr. Sec. School to Ibotonsana Girls Hr. Sec. School
3. T. Thuamkhanson, Lecturer (Physics) from Chaoyaima Hr. Sec. School to C.C. Hr. Sec. School
4. Khaling Mikawlrawng, Lecturer (Botany) from Heirok Pt-1 Hr. Sec. School to Maha Union Hr. Sec. School
5. Jiyaur Rahman, Lecturer (Economics) from Lilong Hr. Sec. Madrassa to Heirok Pt.-1 Hr. Sec. School
6. Ruth Nemliankim, Lecturer (Chemistry) from Sugnu Hr. Sec. School to Vungzagen Hr. Sec. School
7. L.S. Mashunrin, Lecturer (Chemistry) from Heirok Pt.-1 Hr. Sec. School to Ukhrul Hr. Sec. School
8. Sabir Ahmed, Lecturer (Economic) Heirok Pt.-1 Hr. Sec. School to Lilong Hr. Sec. Madrassa
9. Sabanam, Lecturer (Manipuri) from Heirok Pt.-1 Hr. Sec. School to Lilong Hr. Sec. Madrassa
10. Khupnei Serto, Lecturer (History) from Khangsilung Hr. Sec. School to Rengkai Hr. Sec. School
LIST OF CANDIDATES QUALIFIED IN PHYSICAL EFFICIENCY TEST IN RESPECT OF CHURACHANDPUR DISTRICT FOR DIRECT RECRUITMENT OF POLICE CONSTABLE (MALE/CIVIL – 2013) IN MANIPUR POLICE HELD AT MPTC, PANGEI ON 25/09/2016
Chest No. Name
165 Thangminlun
227 Kh. Laldawnglian
231 Kh. Lemlun Vaiphei
236 Ngulkhohau Thangluai
242 Songthu Vangweiril Koireng
302 Paul Kom
628 H. Thangzamuan
632 Mark Lamzakai Haokip
703 Lien Lungmuong Gangte
705 I. Somorjit Singh
706 Minlun Singsit
707 Thangjamang Kipgen
710 Max Lamsuanpau
712 Golunthang Ngaihte
713 Hangluah Ginneithang
715 Khangza Lem
717 Lhunkhosiem Singson
719 Th. Paokhosiem Singson
720 Kamlalven Neihsiel
721 Paulunthang
723 Soiminlun Neihsial
726 Thangsuanlam Naulak
728 Solomon Lalnghatlien Sungte
729 Mangpithang Kipgen
730 L. Mimin Haokip
732 Lalgouzem Gangte
733 Ngamkhothang Haokip
734 L. Samuel
737 Wayne Thangvel P
738 Lunkholal Haokip
740 Phundreimayum Bakir Ahamed
741 Paolalson
TUNI THUPI:
“Tu damsung kia a Christ tunga lam-etna i neih in zaw mi tengteng laka mi hehpihhuaipen i hi ding hi.”
– I Korinth-te 15:19
EDITORIAL:
SP thak tung a kinepna
Rakesh Balwal, IPS in Sept 21, 2016 in Superintendent of Police, CCpur district adingin mawhpuakna la hi. Hun paisa in CCpur district in SP dingin MPS / IPS officer hunkhop i neita uh a, tu a district hon pawtkhiaksan i district mi mahmah L. Mangkhogin Haokip, IPS telin CCpur apan IPS officer bangzahhiam a piangkheta chih ithei hi.
Hun paisa a SP/CCpur te’ nasepna tawh kisai in mipi tamzawte lungkim mahmah hidanin genin om a, tu in SP thak Rakesh Balwal tungah kinepna liantak mipi’n nei hi’n muh theihin om hi. Vaigam apan kipante adingin Jammu and Kashmir hiam ahihkeileh India malsuahbial adiakin Manipur state a posting ding kichi uthuai pen hi khollou maithei a, huai cadre a om khak ding leng hu phulhhuai ngoihngoih in om kha thei hi. Niteng- hunteng in J&K state a buaina tuamtuam a om bangin Manipur ah leng buaina a om den chih haihvual ahikei! Himahleh agal apan etdan (observance) tungtawnin Manipur state leh Jammu and Kashmir state-te buai law vengvung hi khollou maithei hi.
India gamsung adia buaina khukpi banga ngaihsut Jammu & Kashmir a Udampur district apan hong kipan Rakesh Balwal IPS in a state sung ua thil omdan theichai (digest) mahmah dingin i gingta hi. Tua chauh hilou in, mi lehkhasiam mahmah banah, Jammu GCET akipan Bachelor of Engineering (BE) - Mechanics zou hi a, taksa upat dan inleng naupang chik lai hi a, Dec 24, 2012 in IPS mu hi. Amah dinmun i etchiang in Udampur akipan IPS ngah masapen hi’n theihtheih hi a, training a zawh nung sawtlou Aug 22, 2014 in SDPO/Moirang len a, March 2016 in Addl SP in kaisang hi. Addl SP/Thoubal lenlai SP/CCpur len dingin mawhpuakna piakin om hi.
CCpur district in Manipur state apan singtangmi leh phaijangmi SP dingin aneita a, tualou in state dang apan inleng SP dingin mi bangzahhiam i neita uhi. Kumnawn 2017 February/ March kha velin state assembly election om ding ziakin tulai in department tuamtuam ah transfer and posting hong om vengvung hi. District chih a Deputy Commissioner-te hiam ahihkeileh SP-te hi’n state sung a IGP/DGP te telin department poimawh tuamtuam a top official te’n ‘role play’ theiding uh chih ziakin Election Commission of India thupiak bangin kiheikualna nasatak om lel hi.
Huchi kawmkalah, dan leh thupiak enkoltute’ laka poimawh pen chih theih a om CCpur a SP thak Rakesh Balwal in bangchibang in district administration tawh pangkhawm in na honsem ding ua chih ithei naikei hi. Amasa in CCpur district sunga dan leh thupiak dinmun bang hihiam chih etzui mahmah ngai a, tulai in gari lian leh neu gukna uang law mahmah a, tualou in damdawi khamtheih (drugs) tawh kisai zalentaka zuakna tungtang leng hon etzui mahmah uh poimawh hi. SP lui L Mangkhogin Haokip in theihtawp suahin pan ana la a, amah thakhengkhe dingin Rakesh Balwal guan in om a, amah tungtawn in traffic dinmun, law & order, gari mang tungtang leh anti- social activities tuamtuamte etkai ahih lam-en hang. SP lui tuamtuamte’ nasepna ikipahpih kawmin SP thak tungtawnin Lamka khawpi ah lemna leh muanna pichingsem a hongtun i lam-en hi.
CCpur district ah communal feeling hatpet mah a, sapte’n secret open a chihsek uh, ‘Sielmat lei’ pen akua kua adingin boundary himawk hi. A taktak in im ding a om kei a, atheilou leng i om kei uh a, hibanga unau khat kala kikhenna leh kideinna a om nawn ding leh deihhuai lou hi. Hun paisa a DC te hi’n SP omsate i mawhsa ahikei a, himahleh, bangchileh suangtu kibang kalah kigawmna leh ki-unauna detdoutak a om theiding hiam chih civil society tuamtuamte’ bangah district administration lamte’n hon ngaihsut uh poimawh mahmah hi. Mipi zaw kituak mah ve aw, himahleh, buaina bawlveu heutute ahi a chih thukup i ngah tamluat chiangin nuamlou sek hi. SP thakin thil omdan hoihtak a hon study vengveng kawmin dan leh thupiak dinmun telin CCpur district a hun azatsung a thil manpha tamtak hon bawlsuah mipi’ kinepna leng ahi hi.
No comments:
Post a Comment