National program for control of Blindness NPCB, District health society churachandpur saina in tuni zingkal dak 7:30 in Synod Hall, IB Road ah Universal Eye Health and Call To Action Prevention and control of emerging eye diseases chih thupi zang in a 17-veina world sight day 2016 zatna om hi. hiai hun Churachandpur district a vualphalou kepna leh etkolna Home leh school tuamtuam ban ah Nurse, ASHA leh NYK te’n World sight toh kisai a thu gelh tuamtuam te tawi in, amau omna Office/home apan lampi zuihna nei in dak 7:20 in main program zatna ding Synod hall, IB road ah kisutuah in hiai mun ah hunpi zatna nei uhi. Hiai hun Churachadpur adia numei CMO masas pen Dr. Kim Simte in chief guest hihna toh uap a, H. Doungel District youth Coordiantor NYK churachandpur leh Dr. T. Pumzathang, District TB Officer te’n special guest hihna toh uap uhi. Hiai hun ah Dr. VC Pau Tongsing, DFWO. District Nodal Officer DNO, District health Society NPCB Churachandpur in keynote address gen in, hiai hun a tel te mellahna nei hi.
Dr. VC Pau in tuni a world sight day zatna hun a tel pawl tuatuam tung ah kipah thugen in, tuni a chief guest Dr. Kim Simte Churcahndpur adia CMO numei masa pen ahih ban ah CMO dia charge alak nung a Chief Guest dia apang masakna pen ahihna ah tuni a tel te hampha huai asak thu gen hi. Hiai hun ah Dr. VC Pau in Glaucoma, diabetic retinopathy, cataract, trachoma leh upat ziak te in kho muh na lam ah buaina om in mit del thei a, naupang lak a bel Vitamin A kitaaksap ziak in khomuhna lam buai deuh a, khovel a mitdel te a taangpi in mit lai mu ngou (cataract) ziak ahi chi in gen hi. Huai ban ah, vitamin A kitaaksap ziak in naupang 1.5 million phial ten khua mu thei lou ua, naupang te diet hoih tak a bawl ahihkeileh kum teng a naupang 5 lakh vel in khomuhna lam a buaina nei gige thei ding dinmun a om ahi chi a gen in naupang te khovel mu sak ni chi in gen hi. Dr. V. C. Pau Tonsing, DNO (NPCB)/ CCpur in a genzelna ah World Health Organisation, WHO in a sui dan in, naupang mitdel te lak a 75 percent te Asia leh Africa apan hi a, huai ziak mah a WHO in Khovak om hen, Let there be light chih thupi a nei a Vision 2020 nei uh ahihdan gen in khovel in a buaipih blindness leh vision impairment tih kisai mipi lak a awareness neih poimoh a ban ah national blindness prevention programme a ding toh kisai a fund kiningching tak bikhiah ding a government a diak a health minister te thuzoh poimoh ahi chi in gen hi. Chief Guest Dr. Kim Simte CMO in a 17-veina world sight day 2016 hongkhiakna nei in, official ten meisel detna nei uhi. Hiai hun ah India phualpi solkar in kum teng in panla in, khomuhtheihna toh kisai in, mi tam pi kho mutheihlou ding lai tamtak hunkhia aom ahihdan gen a, mit kichi pathian in hongpiak taksa kahiang te lak ah apoimoh pen ahihna ah elkol dan leh kepsaim poimoh mahamah ahi chi hi. Aban agenna ah mit mialsak tu lian pen ahihleh mitlai muvom Cataract hi a, a hun tak a etkol a hihdam theih ahihna ah mit lam toh kisai in, avang kim in check-up bawl thei gige le mit mial apan kivenna vanzat hoihtak khat ahi chi a, kikepdam sang a, kiven hoih manpha zaw ahihdan thei gige ding ahihdan gen hi. Tuni a a 17-veina world sight day 2016 zatna hun ah Centre Coommunity initiative CCI/The Malsawm Initiative TMI Pearsonmun, Mercy Home FCC kamdou veng, Bethesda College of Nursing, Bliss Island Centre/PASS, Churachandpur District Disabled Union (CDDU), Medicine Sans Frontier (MSF), India, Churachandpur, Nehru Yuva Kendra Churachandpur, ASHA Facilitaitor leh DFWO Staff te apan mi 271 hiai hun zatna ah tel ua, avangkim in special items lahna leng nei uhi.
Dr. VC Pau in tuni a world sight day zatna hun a tel pawl tuatuam tung ah kipah thugen in, tuni a chief guest Dr. Kim Simte Churcahndpur adia CMO numei masa pen ahih ban ah CMO dia charge alak nung a Chief Guest dia apang masakna pen ahihna ah tuni a tel te hampha huai asak thu gen hi. Hiai hun ah Dr. VC Pau in Glaucoma, diabetic retinopathy, cataract, trachoma leh upat ziak te in kho muh na lam ah buaina om in mit del thei a, naupang lak a bel Vitamin A kitaaksap ziak in khomuhna lam buai deuh a, khovel a mitdel te a taangpi in mit lai mu ngou (cataract) ziak ahi chi in gen hi. Huai ban ah, vitamin A kitaaksap ziak in naupang 1.5 million phial ten khua mu thei lou ua, naupang te diet hoih tak a bawl ahihkeileh kum teng a naupang 5 lakh vel in khomuhna lam a buaina nei gige thei ding dinmun a om ahi chi a gen in naupang te khovel mu sak ni chi in gen hi. Dr. V. C. Pau Tonsing, DNO (NPCB)/ CCpur in a genzelna ah World Health Organisation, WHO in a sui dan in, naupang mitdel te lak a 75 percent te Asia leh Africa apan hi a, huai ziak mah a WHO in Khovak om hen, Let there be light chih thupi a nei a Vision 2020 nei uh ahihdan gen in khovel in a buaipih blindness leh vision impairment tih kisai mipi lak a awareness neih poimoh a ban ah national blindness prevention programme a ding toh kisai a fund kiningching tak bikhiah ding a government a diak a health minister te thuzoh poimoh ahi chi in gen hi. Chief Guest Dr. Kim Simte CMO in a 17-veina world sight day 2016 hongkhiakna nei in, official ten meisel detna nei uhi. Hiai hun ah India phualpi solkar in kum teng in panla in, khomuhtheihna toh kisai in, mi tam pi kho mutheihlou ding lai tamtak hunkhia aom ahihdan gen a, mit kichi pathian in hongpiak taksa kahiang te lak ah apoimoh pen ahihna ah elkol dan leh kepsaim poimoh mahamah ahi chi hi. Aban agenna ah mit mialsak tu lian pen ahihleh mitlai muvom Cataract hi a, a hun tak a etkol a hihdam theih ahihna ah mit lam toh kisai in, avang kim in check-up bawl thei gige le mit mial apan kivenna vanzat hoihtak khat ahi chi a, kikepdam sang a, kiven hoih manpha zaw ahihdan thei gige ding ahihdan gen hi. Tuni a a 17-veina world sight day 2016 zatna hun ah Centre Coommunity initiative CCI/The Malsawm Initiative TMI Pearsonmun, Mercy Home FCC kamdou veng, Bethesda College of Nursing, Bliss Island Centre/PASS, Churachandpur District Disabled Union (CDDU), Medicine Sans Frontier (MSF), India, Churachandpur, Nehru Yuva Kendra Churachandpur, ASHA Facilitaitor leh DFWO Staff te apan mi 271 hiai hun zatna ah tel ua, avangkim in special items lahna leng nei uhi.
XXXX
Manipur University a tribal seat reservation toh kisai a, MU a academic council ten UGC paidan zuilou a, singtang mi te adia seat bikhiah 31 percent lak ah precent 7 kia tribal seat adia apiakna tung ah, All tribal student union Manipur ATSUM leh Manipur university Tribal Student Union MUTSU te’n hun hun paisa pan in Tribal student body tuamtuam toh MU campus ban ah mun mun tuamtuam ah kiphinna aneih uh, tuni tan gahsuah muh theihding omlouh ziak in kiphinna paizom zel in, ATSUM leh MUTSU te kiphinna nungthuapna leh tawsawnna in tuni sunma dak 10 apan in Churachandpur District sung a school leh college student ten lampi zuihna nei uhi. Lampi zui ding te Churachandpur Government College ah kingak khawm ua, hiai hun ah Rev. Jerry Zoliansanga, MPCS in thumna in khakhia hi. Student te’n ahihleh Churachandpur apan Tipaimukh Road tawm in Thangzam Road ah koi suk in, Tidem road man ua, Tedim road apan Mary kom road tawm in DC office tuibong tan lampi zuihna nei uhi. Lampi zuihhun sung in student te’n tribal seat toh kisai a Maninpur university thunei tute nialsehna deihlouhna leh tribal seat ahiding bangtak a zat ahihtheihna ding in Slogan tuamtuam sam ua, hiai toh kisai in thugelh tuamtuam leng muhtheih leh simtheih ding in tawi uhi. DC office ah Student bodies heutute makaih in slogan samna om in, Student khat in President of India ading Memorundum simkhiakna nei in, Josheph R. Hmar President, ATWUM in DC Lunminthang Haokip, IAS khut ah pia khia hi. Hiai hun ah DC in leng amah hihtheihna tan suah a panla ding ahihdan gen in, memorandum President of India kiang ah khaksak ding ahihdan gen hi. Memorundum ah ahihleh Manipur university MU in Central educational institution Reservation in admission amendment ACT 1012 dungzui a singtang mite’n seat a tang ding zah uh 31 percent a ngahtheihna ding a phualpi solkar in kitak a panla ding in President of India kiang ah ngetna abawl uh hi a, India president kiang tung ding a DC tungtawn a piak khiak aom ahi. Paul lalchhanchima president mizo zirlai pawl MZP Headquarter churachandpur in kipahthu gen in, hun zang zou uhi. Lampi zuihna ahihleh ATSUM leh MUTSU te nungthuapna leh singtang mite ten seat reservation ahi bangbang a angahna ding uh deihna a Churachandpur District sung a student bodies tuamtuam ZSF, HSA MZP KSO ban ah ATSUM leh MUTSU student lamka ah omte toh asai khawm uh ahi. Lampi zuihna ahihleh Manipur singtang bial Hill district ah apaisa October 21 in Chandel District ah neih pat in om a, October 24 in Tamenglong ah neih a om nawn in, tuni in Senapati, Ukhrul leh Churachandpur ah neih aom ahi.
XXXX
Nehru Yuva Kendar NYK, Churachandpur office, tuibong ah tuni sun dak 12:30 in NYK Churachandpur District nuai a Youth club tuamtuam kiang ah sports material piakkhiakna om hi. Hiai hun ah Block 10 nuai a NYK a kigelhlut Youth Club tuamtuam a makai te tel ua, Kamjakap chongloi NYK in hun zatna makaih in, Khupmang Kipgen, member DAYCP in welcome address gen hi. H. Doungel District Youth Coordinator, NYK churachandpur in thugenna nei in, chialtuam T. Thangzalian Editor, lamka post daily newspaper, LAlmalsawm sellate, editor Hmasawnna thar daily newpaper, S. Nengkhanlun editor Zogram today daily newspaper leh Vicky edidtor nisin thuhilhtu te’n Youth makai te ading in hasotna thu gen in, sport material piakkhiakna nei ua, Lalvullien Joute, President churachandpur district sport association CDSA in vote of thak ten in hun zang zou uhi. Nehru Yuva Kendar NYK, Churachandpur in ahihleh kumteng in amau nuai a om Youth club te kiang ah sport hawmkhia zel ua, tuni in ahihleh Block 10 sung a youth club 45 kiang ah piakhia ua, hun paisa in youth club 15 kiang ah leng ana pia khinta uhi. Hiai hun a Youth te adia piak sport material te ahihleh football, volleyball leh net hi a, sport material ahihleh Ministry of youth Affair and sport tungtawn a hong pia ahi. Nehru Yuva Kendar NYK ahihleh kum paisa 1972 in phualpi solkar in pasal ading kia in dinkha a, huai hun ah Yuva Kendra chih aom in, mun 150 ah hongkhiak in om a, 1975-76 vel apan in numei te telsak ahihtoh kiton in Nehru Yuva Kendra a khek in om hi. Manipur ah ahihleh 1981 kum vel in NYK dinkhiak in om a, 2000 apan in Ministry of youth Affair and sport tungtawn in youth club te ading sport material hongpai gige hi.
XXX
Young Paite Association YPA new Lamka block leh anuai a unit 12 te’n Lanva lei New lamka lampang ah Welcome gate takkhiak sawm in panla lel ua, tuni sunma dak 10 apan in hiai mun ah Welcome gate koihna ding khuampi phutna nei uhi. Tuni a khuamphutna hun ah YPA New lamka block leh anuai a unit tea pan mi tamtak paikhawm in, welcome plate kitakna ding khuam phut uhi. Hiai hun ah YPA New Lamka Block in agenna ah YPA New lamka block leh unit ten hun sawtpi apan welcome gate bawl hoihsa in sum omsa omkei mahleh phatuam ngai te apan sum muhte zang a, bawl aom ahihgen in, welcome to new lamka chihtakna ding a tuni a khuam phutpat aom ahi chi a, hiai khuam nih te deihbang a akip hunhun a welcome to new lamka chih kigelhna plate takkhiak pat hi ding in gen a, tuni a sum Rs. Sing 8 val lut in, zoh siang ahihchiang in lakh val lut zaw ding hidan in gen hi.
XX
Chavang kut 2016 celebration committee in chavang khut T-Shirt, size leh color chi tuamtuam a bawl uh zoh ahihtoh kiton in mipi lei theih ding in zuak khiak ta ua, T-Shirt deihten Sumkong kaimun, thibang ah lei thei ding uhi. Churachandpur district mipi ban ah adiak a Manipur mipi te’n chavang kut 2016 toh kisai a kithuahpihna hoihtak pia ding in chialna bawl ua, panpihna leh nungthuapna a T-Shirt kibawl Rs. 300 man chavang kut lohching tak a zat ahihtheihna ding a leisak chiat in news tungtawn in ngetna bawl uhi.
Chavang kut 2016 zat ding toh kisai in celebration committee in news tungtawn in mipi te kiang ah ngetna leh theihsakna bawl uhi. Huaidung zui in chavang kut 2016 october 30 apan November 31 sung thupi leh lohching tak a peace ground, tuibong ah zat ahihtheihna dia churachandpur a teng sim leh mar, sak leh khang a saptuam mipi ten hunzat dia kiguan te hoihtak a apia theihna ding a thumna a, kuki manaseeh sung a tribe 70 te ki-itna leh kipumkhatna apung beh sem theihna ding a thumna phokchiat ding in leng ngetna leh theihsakna ah taklang uhi.
xxxxxxxxxxxx
National Food Security Act, NFSA toh kisai rationing agent ten release order te laak theih ding hi. M. Ginzasuan, District Supply Officer, Churachandpur in thusuah a bawl kimu dan in, hongtung ding October 28, 2016 in Parbung Assembly Constituency, Thanlon AC leh Henglep AC sung a NFSA toh kisai Rationing Agent ten release order laak theih ding a, October 29, 2016 in Saikot AC, Singngat AC leh Churachandpur AC sung a ten laak theih ding hidan a taklang in, Assembly Constituency wise a hun kipia te ah a kisai pih agent te la chiat ding in theihsakna bawl hi.
Xxxxx
Indian Oil Corporation (IOC) in SK Oil toh kisai State quota ding ahih kiam dungzui in District quota leng kiam hi. Lunminthang Haokip, IAS, Deputy Commissioner, Churachandpur in thusuah a bawl kimu dan in, Churachandpur Distirct a ding October, 2016 quota, Kilo Litre 152 ding pen percent 53 vel kiam a Kilo Litre 72 kia tung ahihna ah, a concern dealer ten October quota pen stock a koih chait a, November quota hongpai hun chiang a huai toh hawm khawm ding in theisak a, himahleh , IOC te norms te hih buchin na ding a kha teng a Utilization Certificate bel piak ngai ding hidan in taklang hi. Huai lou in SK Oil man a khan dungzui a October, 2016 quota apan SK Oil man leng litre khat ah Rs. 18/- zel hi ta ding chi in taklang ngal hi.
Xxxxx
Rayburn High School leh National Institute of Electronics & Information Technology, NIELIT, Churachandpur Extension Centre in kitheihsiamna bawl a, Rayburn a kai, Class IX apan Class XII kikal, ST student te, free computer training piak ding a chih uh dungzui in apaisa October 17, 2016 in Rayburn High School ah Free Computer training course kipan hi. Rayburn High School lam apan thu kimu dan in, NIELIT toh March 2017 tan a ding in kitheihsiamna bawl ua, hiai hun sung in Course on Computer Concept, CCC kichi Free Computer training, kha 2 course neih ding a chih uh dugnzui in 1st batch ten training pan ta uh hidan in gen uhi. 1st Batch ah student 90 om ua, amau te shift 3 a kikhen in, zingkal lam leh nitaklam in computer training nei zel uhi. Training course a zoh chiang un Online examination nei ding ua, huai a lohchinna ngah te kiang ah certificate leng piak hingalding uhi. Free Computer training course hun ah, Ginlun Valte in theory hi in practical hitaleh sinsakna pia a, study material leh text book te NIELIT lam in a thawn in pe zel ding uhi. Rayburn High School leh NIELIT in hiai bang a pangkhawm a free computer training a neih pen uh, Rayburn a kai student ten phattuampih mahmah ua,lohching tak a azoh uleh, class 12 pass certificate toh lohching na ngahkhom ding ua, maban a government sepna deihte adin phatuam mahmah ding hin thutut kingah hi.
Xxxxx
"Your use of the PhualvaTimes is for your own personal only. You may read or share the link, but not copy or use any PhualvaTimes Content for any other purpose, you may not violate our 'terms of use'.
No comments:
Post a Comment