Zingchiang November 12/2016 (Saturday) nitaklam in Joint Artistes Fellowship in, Chengkon leh, Bungmual ah Campaign For Unity Through Music chih thupi a nei in UNITY CAMPAIGN-CUM-ROAD SHOW sunzom nonding uhi.
Chengkon ah 3.00pm apan 5.00pm tan YMA Chengkon te host na nuai ah neih hi ding a,
Bungmual ah 6.00pm apan 8.00pm tan Bungmual ah neih hi nawn ding a, physical arrangement leh publicity leh a poimoh bangkim YPA Bungmual in mohpuakna len ding uhi.
Hiai toh kisai in Lengtonghoih Recording Studio ah laa zirna leh Recording thuah in buai san mahmah uhi.
Hiai nasepna hattak leh lamzang taka apaizom zel a, i gam adia gah manpha tak asuah theihna dingin U leh Nau kuapeuh a vengsung mi hi in apua lam apan hita leh hiai mun ah hongtel ding leh hong kithuahpih siausiau ding in leng ngetna bawl uhi.
Hiai hunzatna ah Pau tuamtuam kigawmkhawm Gamngaihla, U leh Nau ki itna laa te Group Song in sa khawm ding uh a, huai banah I Gamsung a dia laa lam ah dinmun poimoh taktak ana luahta te leh, laa sa siam minthang taktak ten leng Solo a sakna nei ding uhi.
I gam in kipumkhatna apoimoh a, kipumkhatna lou in igam a dingsuah zou himhim kei ding hi.
No comments:
Post a Comment