Tuni zinglam dak 10:30 in Zomi Student Federation ZSF GHQ in lamka khopi sunga niteng a nek d poimoh tuamtuam zuak te lak ah, adiak in vai mahajon te lak etkhiak na va nei uhi,ZSF GHQ in atak lat na ah UNC in economic blockade ziak a nek leh tak ban ah van man bang zah hiam khang ahi chih atheih phet un dawr kai mahajon te lak et khiak na pan ngal ua mahajon ten agen na uah van man te akheng val a pelou uh hiin gen uhi,
hiai bang a etkhiak na a neih na jiak uh ahih leh adiak in singpi man akhep a ahong pung ziak in patauh na lian tak nei ua, hiai hun in ZSF GHQ in etkhiak na aneih na uah lamka khopi sung ah kha khat hoih tak daih ding nek leh tak kining ching om na ahi chih mahajon te lak ban ah akudam te ua pan mukhia ua ZSF in mipi te kiang ah patauh na ding omlou ahi chiin gen uhi, ZSF GHQ in Vanman te amok na a khang saklou ding in leng mahajon te lak ah ngetna abol ban uah dawr kai ten leng van man amok a khang sak lou ding in leng ngetna bol in hiai bang a van man khang sak a om leh ZSF GHQ te thei sak ding in leng nget na bawl uhi.Tuni a ZSF GHQ in dawr tuamtuam etkhiakna aneihna lam ua, dawr khat apan nektheih chituamtuam bana sathau hun beisa kizuak man khia in, matkhiak aom van leh Dawr license office ah kem uhi.xx
Zonal Educational Officer, ZEO/ Churachandpur saina in zing chiang apan November 20, 2016 tan, Phungkhothang govt high school ah a 37vei na Disteict Level Science Exhibition for Children-2016 kipan ding hi. Tutung exhibition hun ah, Science, Technology and Mathematics for building nation chih thupi zang in student ten exiibition nei ding uhi. Zingchiang November 18, 2016 zinglan dak 11 apan in registration kipan ding a, November 19 zinglam dak 11 in Science quiz a ding written test nei masa ding ua, huai zoh in T. Goukhomang, ZEO/CCPur in exhibition hong ding hi. November 20 in exhibition hun a kipahman te hawmna om ding a ZEO/CCPur mah in kipahman te pekhe ding hi.
Xxxxx
State Bank of India-Rural Self Employment Training Institute (SBI-RSETI), Bijang ah a thawn a course tuamtuam ading training aneih uh pai touzel in tuni apan ni 21 sung daih ding Basic Photography and Videography pannawn uhi. Hiai course ahihleh S. Mangboi Vaiphei MBA RSETI Guest Faculty in theory ni 5 sung sinsak ding a, November 21, 2016 apan in practical nei ding ua, practical hun ah Lalboi Samte, photographer in basic photography ni 12 sung sinsakna pia ding a, Lelthang Doungel, videographer in basic videography ni 4 sung sinsakna pia ding hi. Basic Photography and Videography ah ahihleh tuailai lehkha sim leh gelh theih mi 16 tel uhi. Huai lou in REDP training zohsiang ahihtoh kiton ni 30 daihding Beauty Parlour management apaisa November 10 in pan nawn ngal ua, training hun ah S. Mangboi Vaiphei MBA RSETI Guest Faculty in ni 6 sung theory sinsakna nei in, November 14, 2016 apan ni 24 sung Lhainunnem Beautician in Practical sinsak ding hi. Beauty Parlour management training ah mi 21 tel ua, Beauty Parlour management training, Basic Photography leh Basic videography training zoh siang ahih chiang in November 28 apan mi 25 ading in ni 6 sung daihding Piggery training om nawn ding hi.
XXXXX
District Malaria Department in kha teng a report nih vei a bawl uh dungzui in tukha November a ding report masa bawl zou nawn ta uhi. Malaria department lam apan thu kimu dan in, 1st fortnite of November, November 1-15 kikal sung in damlou sisan 583 test ua huai teng lak ah malaria positive 9 leh malaria PF 3 mukhia ua, himahleh hiai hun sung a malaria,ziak a si, official record om lou hidan in gen uhi.
Xxxxx
Male Health Worker MHW Chuchachandpur in tuni nitaklam dak 5 in CCpur adia numei Chief medical officer CMO len masa pen Dr Kim Simte kipahpihna amah tenna inn Salem veng ah nei uhi. hiai hun Upa D Biakmuanthang in makaih in, hunpatna leh mellahna nei hi. Male health worker a Finance makaih in CMO thak Dr. Kim simte kipahpihna thil piak piakna nei ua, Rev E Paukhanlian Divisional Superintendent DS Lamka North Division EBC in Dr Kim Simte, CMO CCpur ading in pathian kaing ah thumsakna nei in, CMO apan thugenna om hi. MHW Member tuamtuam in thugenna saulou nei ua ,Upa Paukhothang in hunkhak na nei hi.
XXX
58 Churachanpdur Assembly Constituency a intending candidate DK Mang in tuni sunnung dak 2 vel in BJP CCpur Office ah press leh media te kimuhpih in tuni tan a BJP ah apanlak dan leh kumnawn 2017 MLA election hun adia BJP ticket anget dan mipi theih ding in puankhiakna nei hi. Hiai hun ah DK Mang in kum 2014 in BJP ah lut in, vice president, incharge of all morcha hihna len ding a mohpuakna piak aom kahi chi a, march 2015 in vice president,, organization churachandpur district ah mohpuakna kana len nawn a, huai hun in maban MLA election adia Candidate khat hidai a kisakholhna na a 2015 kum a MDC election ding ahidan gen hi. aban agenna ah bill thum ziak salpha 9 te sihna kumkhat bang chingta in, tribal movement toh kisai a pan naktak a kila ahihna ah publicfunction chi tuamtuam kibawl thei nailou ahihna toh kei mah hihtheih dandan in 58 churachandur assembly constituency sung ah inn-inn ah vakkual in hehpihna nei in, vote khia tute mah MLA hisak ta ni chi a hehpihna ngen a vak ahihdan gen in, tuni tan inn 400 bang phakhual ta ahihdan gen hi. MAban MLA election ding toh kisai a tup leh ngim, menisfesto te local leh imphal based newpaper te ah suah ahihdan gen in, hiai toh kisai a BJP ticket ngahtheihna dia State leh District a BJP heutute tungtawn a ngetna leng pai ahihdan gen hi. aban agenna ah BJP a hihna len khat ahihna toh heutute deihsakna tang a 58 churachandpur AC adia BJP ticket a muh ngei leng akilam et thu gen in, BJP ticket muh louh tawp aleng 58 churachandpur AC adia candidate khat dia ding ding ahihdan gen hi.
XXX
Kum nawn a 11th Manipur State Legislative Election ding toh kisai District Level Nodal Officer ding mohpuakna piak a om ten, zingchiang November 18, 2016 sunnung dak 1:00 in DC Office BRGF Hall ah Nodal Officer te' mohpuakna toh kisai leh a hih ding dawl u toh kisai "BRIEFING & TRAINING SESSION" nei ding uhi. Lunminthang Haokip, IAS, District Election Officer, churachandpur apan lai kimu dan in, tutung MLA election ding toh kisai Nodal Officer ding in mi 16 guan in om ua, amau te hiai Briefing & Training session hun a tel kim ngai ding hidan in taklang hi.
XXXX
No comments:
Post a Comment