ESC nuai a Central Kristien Khanglai Pawl CKKP in kum non January 19 apan 22 sung Phaijang BHQ Tuilangkual Bial ah Khanglaite krista a di’n chih thupi zang a a 60 veina Synod Youth Conference aneih ding uh toh kiton in mun tuamtuam aom te kithu zaktuahna nuam zaw ding gelna in tuni zingkal dak 7:30 in Lamsong Inn, Chiengkawnpang Bazar ah Khanglai -17 Information Centre honkhiakna nei uhi. Khanglai -17 Information Centre ahihleh Rev. Thangkhosiem, Executive director ESC in hongkhia in pathian kiang ah latna nei a, Evan Paukhomang Coordinator khanglai 17 in information centre hongkhiak aom toh kisai genna nei in, Upa Lamkhodem, Vice chairman CKKP in thumna in hunkhakna nei hi. a 60 veina Synod Youth Conference
Khanglai 2017 zatna ding toh kisai in kisakkholna paitouzel in, khanglai 2017 zat hun a nek leh tak ding zan November 30 in khuga dam aom 6 Sikh light infantry ten thoh ua, hiai hun a zat ding sum leh pai ban ah khanglai pawl in 2017 a project aneih uh Tuilangkuol BS Quarter cum Guest house lamna ding ban ah khanglai 2014 kum a project aneih uh synod library sutzopna ding leh khanglai pawl panpihna ding in T Shirt, Calendar leh lukhu chihte zuak ding in bawl uhi. CKKP in ahihleh 2014 kum a project a aneih uh, ESC Secretariat Chiengkawn ah Synod library khat ana bawl khia uhi. Khanglai 17 zatna ding toh kisai in finance and commercials subcommittee in mimal leh pawl tuamtuam sponsor bawl nuam te ading in Diamond sponsor ah sing thum tunglam, emerald Sponsor ah sing 2 leh sang 2, sang 9, za 9 leh 99 kikal, Ruby sponsor ah sing khat leh sang 9, za 9 leh 99 kikal, Sapphire sponsor ah sing 5,sang 9 za 9 leh 99 kikal ban ah pearl sponsor ah sing 3 leh sang 4 za 9 leh 99 kikal sponsor thei ding uhi.
Khanglai 2017 zatna ding toh kisai in kisakkholna paitouzel in, khanglai 2017 zat hun a nek leh tak ding zan November 30 in khuga dam aom 6 Sikh light infantry ten thoh ua, hiai hun a zat ding sum leh pai ban ah khanglai pawl in 2017 a project aneih uh Tuilangkuol BS Quarter cum Guest house lamna ding ban ah khanglai 2014 kum a project aneih uh synod library sutzopna ding leh khanglai pawl panpihna ding in T Shirt, Calendar leh lukhu chihte zuak ding in bawl uhi. CKKP in ahihleh 2014 kum a project a aneih uh, ESC Secretariat Chiengkawn ah Synod library khat ana bawl khia uhi. Khanglai 17 zatna ding toh kisai in finance and commercials subcommittee in mimal leh pawl tuamtuam sponsor bawl nuam te ading in Diamond sponsor ah sing thum tunglam, emerald Sponsor ah sing 2 leh sang 2, sang 9, za 9 leh 99 kikal, Ruby sponsor ah sing khat leh sang 9, za 9 leh 99 kikal, Sapphire sponsor ah sing 5,sang 9 za 9 leh 99 kikal ban ah pearl sponsor ah sing 3 leh sang 4 za 9 leh 99 kikal sponsor thei ding uhi.
XXX
The singtangmite in hongtung ding December 3, 2016 nitak dak 5:30 in New Lamka YPA Hall, College Veng ah Tribal movement motivational program cum the singtangmite marathon awareness disc opening ceremony event hunzatna nei ding uhi. Hiai hun V Chinkhenpau in makaih ding a, Vunggoulian in thumna in hun zat ding hong in suanmang hauhsing in vaidawnna thu gen ding hi. D Suanhau president lamka barbar association leh Ningta local cobbler ten disc hongkhia ding ua, thangboi valte in candle lighting leh one minute silence hun pi in, martyrs sungkuan leh alawm te ban ah innpi te leh a ut peuhmah in candle detna nei ding uhi. Hiai hun ah JAC AATB, YPA GHQ, Tribal right vigil manipur TRVM leh YPA New Lamka block ten thugenna nei ding ua, ATML Core committee leh member te makaihna in slogan saamna om ding a sangmuan tangpua in momento piakkhiakna hun la in, kaihlam helo ten momento pekhia ding uhi. David goulian in vote of thanks gen in Kimzaching Secretary ATWU GHQ in thumna in hun khak ding hi. Hiai hun zat sung in biaksang, thiansong ngaihte, senti mawi, veven tombing leh lianmuan munluah ten lasa ding uhi.
Xxxxx
SSPP GHQ in Convention English Junior High School LUNGTHUL DAIJANG FAREWELL -cum- Prize Hawmkhiatna PROG UAP IN ONE DAY SIAMSIN ZODAWN LEGAL AWARENESS SAI:
Nisim 30th November, 2016 zinglam dak 11 in Lungthul Daijang khua a CONVENTION ENGLISH JUNIOR HIGH SCHOOL-te Farewell-cum-Prize Hawmkhiatna 2016 program ah Functional President Pi Vungching, Chief of Lungthul D leh Guest of Honour hihna toh SSPPGHQ President Lianzapau Samte banah Jt. Secy. Pu Pausuanlian, VP leh Secy, Sports Dept, SSPP JOINT HQ- Liansiam Ngaihte leh Biakmuan leh Advocate M Vumlianmang ten va uap uhi. Hiai hun zatna ah CEJHS Lungthul D Local School Comtt Vice Chairman Pu M. Thanglianmung in vaidawnna thu gen in, Headmaster H Thanglianding in pulaakna leh introductory speech nei hi. Hiai program ah Chief Guest dia Chial a om Pu Paukhenkhup Guite in apianna pa taksa damlouhna ziak a prog ah ki hel utlua hina pi a kiheltheilou ahihdan a Message khak simkhiakna nei hi. Siamsinpawlpi GHQ in Siamsin Education Initiative nuai a Zodawn school-te Siamsinna tundinthakna leh dopkangna ding toh kisai a pan alaknate uah Lungthul taang dung ah CEJHS Lungthul D teel khak a a om ziak in kipahthu gen hi. Hiai bang a chi-leh-sa leh siamsinte itna toh awlmohna lianpi tak toh pan latou ngiatngiat heutu neih khak, school a dia hamphat huai ahihdan gen hi. Aban agel zeelna CEJHS Lungthul D liuliau adia tulai khovel toh kituak a vanzat poimoh tuamtuam Computer set, Printer, Solar panel battery aneih theihna ding ua SSPPGHQ leh Pu Siamnunlian Valte ten pan ana laakpih uh ahihdan taklang hi. Banah SSPP GHQ panlaakna tungtawn in siamsinten school fee tamlou pia in kaithei ua, nu-le-pa' haksatna tamtak dawn zaangkhai mahmah ahi dan taaklang hi. Guest of Honor Pu Lianzapau Samte in athugenna ah Lungthul taang dung ah siamsinte, nu-le-pate, Local school Commtt-te khosung upate, Saptuam, School ah sinsaktute, pawl tuamtuam banah ah Hon'ble MDC Pu G Suanchinpau leh mipite i vek ua ipankhopna zaal in tuni in i khua ah Class-VIII tan sintheihna om theita chi hi. Mabanah Class-X tan beek kho pua kanlou a i khosung mahmah a zil theihna i neih theihna ding un ki siit omlou in kalsuan khawm touzel ni chiin chialna bawl hi. SSPP in Zodawn khua 20 val ah Siamsinna inn omte tunding thakna leh dopkangna nna sep ahihziak in achang bang in inn om chihte vang thei mahmah a haksatna tamtak maituah zel ahidan uh gen a himahleh hiai bang a ipankhopnate uh zaalzou thei leh i kalsuan khopna chiangchiangte uh a thawn hihetlou ahi chih muh theih ahihziak in SSPP a heutu'te khamuang in kipak petmah ka hi uh chi hi. Aban a genzelna ah Siamsinna i chih hunsawttak la leh awlawl a a bul a kipat ngai teitei ahihziak in tuni in siamsinte ihah pan ding uh, leitungah i pian khiak in purpose nei chiat ihi uhi. Tua ahihman in michih in khovel a i damsungin i innkuante ading chauh hilou in i chi pih isapihte a ding a mi manpha hiding in siamsin a kuhkaltak a pang dingin hasuan hi. Michih in Destiny- tunna ding sehkholhsa mun a tunna- ding in, a kibul patna ahihleh Siamsinna ahi chi hi, tua ahihman in siamsinten hiai bang hunhoih leh manpha ineih khasuah theih ahihziak in, tu ahunlai tak ah i theihtawp isuah chiat ding uh ahi chi hi. Tuabanah Siamsinte i tunung hun hong paitou zel dingte ah i nam i gam ki ngak ding, khotang leh saptuam a i makai dingte ahihziak un nu-le-pa, saptuam leh pawl tuamtuam ten leng i tu i tate siamsinna i ngaih poimohpih mahmah uh kisam lua ihi uh, khut kilen in lungsim mun khat pu in tununga i nam i gam a ding a khuam poimoh mahmah i SIAMSIN naupangte ei tunpihna chiangchiang ah din khawl mai hi zawlou a a sang zaw a hoih zaw gam a tun theihna ding un lei(bridge) bawl/doh saktu hi chiat din hanchiam thak ni chiin siamsinte leh mipi hong paikhawmte haanthawn hi. Functional President Pi Vungching in a thugenna ah EBC Saptuam in Lungthul D ah school a koihna tungah kipahthu gen in, SSPP in apoimoh hunteng in khua-leh-tuite hoihna ding masawnna ding itna tak leh awlmohna lianpi tak toh pan alaakpihna kipahthu gen hi. SIAMSIN Zodawn Legal Awareness toh kisai in resource person Advocate M. Vumlianmang in Dan toh kisai Domestic voilence, juvenile, gam leh gua humbitna toh kisai omte banah Manipur State leh District Legal Sevices Authority nuai ah mi zawng leh gentheite a ding biik a, Dan toh kisai a buaina tuakte ading a kibawl leh hamphatna omte nounel takin sinsakna nei a, mipi paikhawmte lunglut mahmah ua, navaak huai mahmah asak ban uah DAN toh kisai ahleng ki sinsakna tamseem neih touzel poimoh sa mahmah uhi. Pastor H Thangbiaklal Area Pastor in SSPP heutute, Sinsaktute leh siamsinte a ding biik in vualzawlna thuumsakna nei in, Local School Comtt Chairman Pu H. Chinzamuan in Kipahthu genna nei a, TBSUC Secretary Upa T. Lamsuan in thuumna in program khakna nei hi. Program zatsung in Student-te apat in lasakna, choreography-te siamtak leh nalhtaktak sakna leh lahna nei in om a, Annual Sports & literary kitaitehna tuamtuam ah Prize -te hawmkhiakna leh Kumtawp Examna ah Class Topper-te, Section Topper-te leh School topper-te kiangah kipahman kilawm huntawk piakkhiakna om hi. Banah SSPP Lungthul Daijang Unit heutute'n leng Examna a topper-te tengteng kiangah kipahman pechiat uhi. Program zoh in mipi paikhawm tengteng in ann nekkhawmna nei ngal uhi
Xxxxx
December 1 International World AIDS Day ahihtoh kiton in mun tuamtuam ah day zatna om a, hiai toh kiton in Churachandpur Distric ah District AIDS Prevention and Control Unit (DAPCU) saina in tuni sunma dak 10:30 in CMO Conference Hall ah "Hands up for HIV Prevention" chih thupi zang in a 28 veina World AIDS Day zatna om hi. hiai hun a telding te amau office chiat apan in World Aids day toh kisai a thu kigelh tuamtuam tawi in lampi zui in, CMO Conference hall ah kisu tuah ua, hiai mun ah a lompi in world AIDS day zatna nei uhi. Hiai hun zatna Rosie leh Baby Saithangpui ten makaih ua, T. Benjamin, DIS, DAPCU in welcome address gen in, Dr. Phirthanglien Buhril, DACO in district adia thu kipah huia genna nei hi. Dr. Phirthanglien in State Level ading in Imphal ah World Aids Day zatna om a, hiai hun ah district chih a nasem hoih Best Employee Award paik khiak a om in, churachandpur district a ding in T. Benjamin, DIS, DAPCU in award sang a, district adia kipah huai ban ah kisaktheih pih huai khat ahi chi hi. Dr. Kim Simte, CMO in chief guest hihna toh uap in People living with HIV PLHIV te ading i-card hong khia hi. Tuni a I-card hongkhiak aom ahihleh Manipur State ading in Churachandpur District anihna in pang kha a, Ukhrul District in I-Card State ading in hong khia masa pen hi. Chief Guest Dr. Kim Simte in I-Card hongkhiak zoh in thugenna nei hi. programme hun sung in line department DRDA, leh DSWO apan thugenna om a, World AIDS day toh kisai a DAPCU in zan a CMO Conference hall ah spot painting aneih hun a kipahman te khawmkhiakna om a, hiai hun M. Liandonmang, PA, DAPCU makaih a, painting competition ah M Nitrajit MSF in khatna la in kipahman in Rs. 1000 sang a, Enty Emmanuel LRRC in nihna la in kipahman in Rs. 700 sang in, John LRRC in thumna la in kipahman in Rs. 500 asang ban ah hiai hun a tel mi 3 kiang ah kipahman in Rs. 100 chiat sang uhi. Huntawpna ding in Dr. Phirthanglien Buhril, DACO in thugenna leh vote of thanks gen in hun zang zou uhi.
XXXX
Lamka leh Imphal kawmtuah a tai passenger pua, Churachandpur District Mini bus Transport association leh Kiran makaihna nuai a pawl nih Joint tedim road bus owner association Manipur leh Tidem road bus owner transport cooperative society limited Churachandpur ten Keisampat a bus parking na a buaina aneih uh toh kisai in tuni in ADC Office, Tuibong ah kihouna nei uhi. Kihouna ahihleh ADC Chairman office chamber ah neih hi a, hiai hun Langkhanpau Guite Chairman ADC CCpur in makaih a, Imphal apan leh lamka apan bus owner association a makai te, Soiminlian lengen, MCS CEO ADC ban ah ADC nuai a Town Officer leh MDC member te tel uhi. Keisampat a bus parking toh kisai a Churachandpur District Mini bus Transport association leh Kiran makaihna nuai a pawl nih ten kitheihsiam louhna aneih te uh genkhawmna hun sawt tak aneih nung un, Imphal bus parking muntoh kisai in kilemna bawl ua, huai dungzui in, Imphal apan hong kipan Kiran makaihna nuai a pawl nih ten parking mun nih aluah uh mun khat ah gawm khawm in parking mun khat luah ding ua, huai ban ah Churachandpur District Mini bus Transport association in mun khat luah ding hi. parking nih te kal ah kigam giina bawl hi ding a, huai ding in Soiminlian lengen, MCS CEO ADC leh Town officer makaih in tuni mah in pawl nih apan member te imphal zuan in gamgii bawlna ding mun etna nei uhi. Pawl nih te kihoulem toh kiton in zingchiang in pawl nih nuai a bus te lamka leh Imphal kikal ah passenger paw in ngeina bang in tai nawn ta ding uhi.
xxx
All Tribal Women Union (ATWU) General Headquarter, Churachandpur in Bill thumte ziak a pawl tuamtuam in Singtangmi MLA leh MP-te Boycott apuan uh gum uh ahih dan thusuah bawl uhi. Thusuak dungzui in ATWU, General Headquarter in November 11, 2016 ni a Meeting thupukna dungzui a Pawl tuamtuam in Singtangmi MLA leh MP-te Boycott apuan uh gum uh leh kumnawn a MLA Election diktat leh siangthou tak a neih ahih ding deihna a pawl tuamtuam in thupuan abawl uh nungthuap uh ahih dan taklat in om hi. Pawl tuamtuam in MLA leh MP-te Boycott apuan uh toh kisai theihsak thakna bawl in huai dungzui in ATSUM in September 3, 2015 ni a MLA te’n Bill 3-te deihlouh latsakna a, a dinmun ua kipan a ki-awngsutma uh Singtang Gam a siklouh ding uh leh Joint Action Committee Against Anti Tribal Bills (JAC-AATB) in September 12, 2016 ni a Boycott puang in, YPA General Headquarter in October 8, 2016 ni a Etsan apuan ban uah, July 18, 2016 ni a Outer Manipur Tribal’s Forum (OMTF) leh JAC-AATB in July 18, 2016 ni a Boycott puan aom pomkip thakna bawl uh ahi dan in thu suak in taklang hi.
xxxx
Grace Bible College, GBC in hongtungding December ni 7, in EBC Gospel Centenary Hall, New Lamka ah a 37veina Commencement Service nei ding uhi. Tukum GBC Commencement service hun ah, Bachelor of Theology, BTh ah mi 20, Master of Divinity, MDiv ah mi 23, Diploma in Theology DTh ah mi 10 leh Ministerial Training Course, MTC ah mi 60 te graduate khe ding ua, amau te Rev. Dr. G.Ginsianthang, Principal, GBC in degree piakna nei in Rev. S. Vungminthang, General Secretary, EBC in amaute a ding in thumsak ding hi. Huai ban ah Dr. Paige Patterson, President, Southwestern Baptist Theological Seminary, Fort Worth, Texas, USA in Pathian thutak gen ding a, Paukhankhup, Dean of Student leh Elder T. Khaithang. Chairman, Board of Governors (BOG)te makaih in graduate te thilpiak piakna nei ding uhi.
xxxx
Evangelical Baptist Convention, EBC in hongtung ding December ni 8 apan ni 11 kikal sung Gospel Centenary Hall, New Lamka ah EBC kumsim khawmpi a 68veina nei ding uhi. Huai hun ah Khawmpi thupi, 'Diktatna a kilam thakna' chih thupi zang in Dr. Paige Patterson, President, Southwestern Baptist Theological Seminary, Fort Worth, Texas, USA leh Rev. Dr. Solomon Rongpi, General Secretary, Council of Baptist Churches in North East India ten Pathian thutak gen ding ua, Rev. Kumam Suresh Singh, Asia Co-ordinator of Partners in Discipleship International in Bible Study makaih ding hi. December ni 8, nitak in Upa M. Ginzalian, khawmpi chairman in khawmpi hong ding a, khawmpi hun sung in Mi 50 te Upa ding in ordain ding ua, Midang 6 te Pastor ding in ordain ding uhi. Huai ban ah mi 31 kiang ah Upa Pension (Pahtakna lai) piak hi ding ua, EBC a semtu pension mi 6 kiang ah Meritorious Award piak hi ding ua, kum nawn budget ding in Rs 16.5crore lui khe ding uhi. Khawmpi ahihleh December ni 11, nitak in Upa Lalthanghlun Guite, khawmpi vice chairman in khaak ding hi.
xxxxxxx
District Social Welfare Department (DSWO), Churachandpur makaih in Centre for Community Initiative (CCI), Churachandpur District Legal Service Authority (CDLSA), Churachandpur District Disabled Union (CDDU), JVS-LF/FCC Mercy Home, SEO/SSA, Nehru Yuva Kendra (NYK) leh Parents Association kithuahkhawm in hong tung ding December 3, 2016 sunma dak 10:30 apan Synod Hall, IB Road ah International Day of Persons with Disabilities zat ding sawm uhi. Hiai hun zatna Lunminthang Haokip, IAS, DC Churachandpur in Chief Guest hihna toh uap ding a, Rakesh Balwal, IPS, SP Churachandpur in Functional President hihna toh uap in, Umarani Devi, District Social Welfare Officer, Churachandpur, Goukhomang, ZEO Churachandpur leh Henkholun Doungel, Youth Coordinator, NYK Churachandpur te’n Chief Host hihna toh uap ding uhi. Chief Guest, Functional President ban ah CDDU, TMI-CCI leh SSA apan palai te’n meisel de in hun honna nei ding ua, T. Sianmuanthang, President, CDDU in vaidawnna thu gen in hun zatna toh kisai putlakna hun la ding a, Chief Host-te apan apan thugenna saulou om in, Functional President leh Chief Guest apan thugenna om ding hi. DC Office apan EVM zatding dan toh kisai sinsakna om ding a, hunzat ahih sung in Home tuamtuam a Student te’n Special Item lahna nei in, Letkho Kipgen, Secretary, CDLSA in hun tawpna bawl ding hi.
xxxxx
Zingchiang December ni 2 suunnung dak 1 apan dak 4 sung New Lamka power house ah meter bulh ding ziak power house total shutdown bawl dek uhi. Huai hun sung new lamka power house in mei a piak khiak khak na teng mei pailou ding a. Nasep zoh baih leh zoh hak dungzui in shutdown hun kikheng thei hiin department apan thu suak in tak lang hi.
No comments:
Post a Comment