Evangelical Baptist Convention EBC nuai a Division Baptist Dorcas Fellowship DBDF Lamka South Division in tuni sunma dak 10 apan in New Lamka Baptist Church NLBC Elim Veng ah lamka south division sung a Pastor leh upa ordain zite’n A pasal lungtang in mah a muang mahmah a chih thupi a zang in fellowship nei uhi. Hiai hun hunpi nih in kikhen a hunpi masa ah sunma dak 10 in Rev. V. Nenglian Divisional Superintendent, DS Lamka south division in thumna in fellowship hongkhia in, hunzatna nu ngaikhanvung member DBDF in makaih hi. Nu Jamkhanvung, vice president DBDF Lamka south division in vaidawNna thu gen in, Evan T. Dmkhothang in pathian thutak gen in, Pastor K. Ginkhanthang, Lamjang Area Pastor in hunpi masa thumna in khak hi. Hunpi nihna Nu Thanmawi, member DBDF in makaih a, Evan T. Damkhothang in pathian thutak genna nei non a, Nu Manching, member DBDF in kipahthu gen in, Pastor G Sanglian, Local pastor NLBC in thumna in fellowship khak hi. Tuni a fellowship hun ah EBC lamka south division sung a biakinn tuamtuam apan Pastor leh Upa ordainzi te mi 250 val kihel uhi.
XXX
Tuni sunnung dak 1:00 in BRGF Resource Centre DC office, Tuibong ah National Health Mission nuai a District Level Committee on Adolescent Health ten first conversant meeting nei uhi. Meeting hun ah District Level Committee for Adolescent Health (DCAH) a member Chief Executive Officer (ADCC), Zonal Education 0fficer(ZEO), District Program Officer (lCDS), District Program Manager (NHM), District Nodal Officer (RKSK) te kimtak in tel ngai ding a, Medical Superintendent, District Hospital, District Programe Management Unit Staffs leh District Adolescence Program Manager tel ua, State apan Dr. Ibemcha Hemam, State Nodal Officer, RBSK, RKSK, Tarshi elangbam, State Consultant RBSK leh Philazan Sangh, State Consultant RKSK te leng tel in, Lunminthang Haokip, IAS DC CCpur in makaih a, hiai hun ah paikhawm member ten maban panlak ding dan toh kisai in thu tuamtuam gen khawm uhi.
XXXX
Siamsinpawlpi in Zodawn leh Phaizaang ah siamsinna puahphat thakna ding leh tunding thakna ding a ana patkhiak “Siamsin Education Initiative- an initiative of Siamsinpawlpi” nuai a Singngat leh Suangdoh Sub-division huamsung ah Lungthul (D), Suangdai, Lungchin leh Suangdoh khuate ah School Farewell/Annual Day leh Prize Hawmkhiakna prog uap ding leh Kum nawn 13th January, 2017 a SSPP Plntinum Jubilee zatna ding toh kisai a Chialpi bawl ngal ding in SSPP GHQ President Lianzapau Samte' makaih in team khat tuni zingkal dak 6:30 in SSPP Complex Siloam Veng Bungmual ah kipan khia uhi. Hiai hun ah SSPP team te Pastor H. Ginkhochin, Local Pastor EBC Bethany in thumsakna nei in, Ginsianlal Naulak Advocate, Secretary CCpur bar association in zin khe ding te khak khiak na nei hi. Hiai hun sung in Manipur State Legal Services Authority & District Legal Services Authority-te huhna toh Zodawn Legal Awareness leng sai ngal ding ua, resource person in Advocate M. Vumlianmang Paite LLB in sinsakna nei ding hi. huaiBanah, SSPP Suangdoh leh Singngat Block Presidential Election leng sai ding ua, kumnawn 2017 a SSPP Tuivai Block huamsung a om Mualnuam khua ah Class-X ziltheihna dinga pan ana laak dan te uh khosung heutu tuamtuam leh mipite toh kimuhkhawmna leh kikupkhawmna leng nei ngal ding uh ahihdan thutut kingah hi. Tuni a zodawm vehdia kuan SSPP Team te ahihleh December 2 a lamka hongtunkik uh gintak hi a, December 6 apan 10 sung in SSPP Thanlon leh Sinzawl Block-te ah Presidential Election banah Siamsin Education Initiative nuai a etkai a omte vehna, maban panlaak touh ding dang gel khawm ding leh Zodawn Legal Awareness sai ding in Team khat zinkhe nawn ding uhi.
XXXXX
District AIDS Prevention and Control Unit (DAPCU) saina in tunin CMO Conference Hall ah World AIDS Day ding toh kisai in drawing competition neih in om hi. Drawing competition ah, tukum World AIDS Day theme "Hands up for HIV Prevention" chihmah thupi a zang in milem gelh kidem ua, DAPCU nuai a NGO te' client te tamtak tel uhi. Tuni a kidemna a siampen te kipahman ahihleh zingchiang WAD zatna hun ah hawm hi ding hi. Zingchiang December 1, 2016 in khovel pumpi in World AIDS Day a 28veina zang ding a. Churachandpur district ah leng, District AIDS Prevention and Control Unit (DAPCU) makaih in CMO Conference Hall zat hi ding hi. Tutung in World AIDS Day zatna ah, " Hands up for HIV Prevention" chih thupi zat hi ding a. Programme ahihleh zinglam dak 10:30 a kipan in, T. Benjamin, DIS, DAPCU in welcome address gen in Dr. Kim Simte, CMO in chief guest hihna toh uap in icard honna leh thugenna nei ding hi. Huai ban ah programme hun sung mah in line department (NYK, DRDA, DIC, DSWO) ten thugenna saulou nei chiat ding ua, M. Liandonmang, PA, DAPCU makaih in painting competition a result puanna leh kipahman hawmna om ding a, Dr. Phirthanglien Buhril, DACO in thugenna leh vote of thanks gen in programme zou ding uhi. World AIDS Day zatna ding toh kisai in Churachandpur Royal Riders ten Kangvai apan Mata tan rally nei ding ua, hall programme dak 10:30 ding kichi himahleh rally te tung hunhun in pat hi ding hi.
Xxxxx
Evangelical Baptist Convention,EBC Pensioners Prayer Fellowship saina in tuni zinglam dak 11:00 apan sunnung dak 3:00 kikal sung, Chhungi Prayer Hall, GBC Campus, New Lamka ah thumkhawm a 4veina nei uhi. Programme ahihleh Upa G. Vialzalian in pii a, Rev. H. Vungzalian, gelhlut tu a pang in Rev. T. Kaikhotuan in thumna masa pii hi. Huai ban ah, Evan. G. Thangkhanpau, Rev. V. Thangsuan leh Rev. T. Kamzakham ten minute 25 chiat sharing nei ua Nu Niankhoching in thumna nanung pii in EBC Worker Pensioner tamkhoptak tel uhi.
Xxxx
xYoung Paite Association, General Headquarters makaih in tuni sun dak 12:00 in YPA GHQs Hall, hiangtam Lamka ah YPA GHQs, CEC GHQs, Advisory Board GHQs, YPA New Lamka Block leh a sung a Unit vaipawte leh Val Upate, YPA Singngat Block leh a sung a Unit vaipawte leh Val Upate, YPA lmphal Block leh a sung a Unit vaipawte leh Val Upate, YPA Lamka Block sung a Unit vaipawte leh Val Upate ban ah joint Headquarters a vaipaw ten JOINT MEETING nei uhi. Meeting hun ah YPA GHQ a makai ten meeting sapna ziak leh member te theihding thu tuamtuam genna nei ua, hiai hun apaikhawm member ten YPA HQ THUPUAN leh Phungzathang Tonsing MLA 58 Ccpur Assembly leh Vungzagin Valte MLA 56 Thanlon Assembly apan lai amuh uh toh kisai a YPA maban panlakna ding dan gen khawmna nei uhi. Hiai hun ah Young Paite Association, YPA General Headquarters in Manipur cabinet a bill 3 a pass na uh toh kisai a ei singtangmi MLA ten gen le sak a neihlouh leh bill gum a suai akaih ban uah ami asa te uh a zuak na utoh kisai apaisa october 8, 2015 in MLA te lak a YPA mi le sa, Phungzathang tonsing leh Vungzagin Valte te Etsan ana puankhum uh, Phungzathang Tongsing leh Vungzagin Valte te’n November 12, 2016 ni a YPA GHQ kiang ah etsan omna phelsak ding a ngetna uh toh kisai gen khawmna nei uhi. Hiai hun ah YPA GHQ in October 8, 2015 ni a thupukna alak dan uh genna nei ua, Phungzathang tonsing leh Vungzagin Valte ten etsan puan nung a masa pen ding in YPA GHQ kiang ah apaisa September 21, 2016 ni a etsan puan ahihna ua pan zuukkik Revoke dia ngetna abawl hun ua, YPA GHQ in dawn kikna te uh genna nei ua, tu November 12, 2016 a ngetna apiak uh simkhiakna nei uhi. Hiai toh kisai a YPA GHQ in adin pih Bill 3te toh kisai thu kichiantak aom ma leh i Salphate luang in vaihawmna/thutanna kichian a hontut masiah leh a luang uh vuiliam ahihma teng MLAte tungtang ngaihtuah ahi kei a chih uh toh kisai a, member paikhawm te’n YPA GHQ in etsan apuan uh lakkhiak ding leh lakhiak louh ding thu ah ballet paper tungtawn in vote khiakna nei uhi. Hiai hun ah joint meeting ah mi 344 paikhawm lak ah mi 328 in vote khia ua, huailak ah vote 3 si in, mi 157 ten etsan lakkhiak ding hoihsa in vote khia ua, mi 168 in etsan aom na uh paisuak pih lai ding in vote khia uhi. Huai toh kiton in Etsan puan aom paipih suak dia vote 11 a, atam zawk ziak in YPA GHQ in vote kkikhia bangbang in thupukna la in, etsan puan aom pen a ngeina bang inn YPA GHQ in paipih lai ding hi.
XXXX
BRGF Resource centre DC office tuibong ah tuni sunnung dak 2 in Lunminthang Haokip IAS DC ban ah District election officer DEO CCpur makaih in kum nawn 2017 a a 11 veina Manipur state assembly lelection ding toh kisai a nodal officer seh aom ten meeting nei uhi. Meeting hun ah Thienlaljoy Gangte, Official on Special Duty OSD, Seiminthang LEngthang, MCS SDO AERO CCpur ban ah churachandpur district sung a Election department tuamtuam 16 a District Level Nodal Officer len ding a mohpuakna piak a om tel ua, Systematic votes education and electoral participation (SVEEP) phase khatna a nnasep khiak te etkikna nei in, maban a SVEEP phase nihna ding toh kisai a panlak ding dan kikum khawm uhi. Hiai hun ah Department tuamtuam a nodal officer te’n amau level a kisak kholh nate report piakna nei ua, kisak kholna tamzaw man siangta ahihdan report uhi.
XX
Tunii sunnung dak 12:00 vel'in Churachandpur District Disabled Union (CDDU) in Dr. Kim Simte, CMO/Ccpur thak ahong hih kipakpihna in singpi dawn khawm pihna leh houlimpihna vanei uhi. Dr. Kim Simte CMO/Ccpur ahihkia hilo a District Medical Board (Disability) a Chairperson leng ahih na ah amah tungtawn a Persons with Disabilities (PwDs) te'n Disability field a atan di ua lawm hamphatna e.g. Disability Certificates, etc. te ahi di bangtak a angah di ua akilam et thu uh CMO kiah gen uhi.
No comments:
Post a Comment