Vengnuam
United Soccer (VENUS) saina in Public Meeting and Open Discussion of
Policies with Intending Candidates 58/AC Churachandpur 17th December, 2016 dak 5:30pm in PT Sports
Complex ah om ding.
VENUS
in maban ah MLA election hong om ding pen ah Vengsung chidam zawk na ding
leh Siangthou taka election a pai theih nang in Intending candidate te Platform
khat ah kimuh pih a, thu tuam2 kikupna leh gen khopna neipih ding uhi.
Election
Process a sianthou ding leh Diktat taka apai theih nang a pan na sa tak la uhi.
Tua Event pen ah mipi Vengnuam area sung a hitaleh Lamka sung a alunglut
peuhmah in uap ding in VENUS makaite'n chialna leng bawl ngal uhi. Hiai pen
kuamah vawk kai tumna leh suk niam tumna hi zawlou in, election paidan a
siangthou ding ngimna ahi. Mipite'n candidate dia kisa te theihchet sem nang
leh atup leh ngim uh chet zawk sem nang ahi. Mipite leng lungsim kihong taka om
a, a thugen te uh ngaikhia ding leh a thil gente uh tungtawn a mahni deihpen
vote di'n ngen uhi. Intending Candidate te apan leng sum leh pai bangmah lak
sawmlou uh ahih dan leng taklang ngal uhi.
Banah,
VENUS in hiai diktatna leh Sianthouna atangkou pihna leh Kalsuan pihna uah
vengsung mipi hi in mundang apan hitaleh kei leng hong tel tei ning ci i om
zenzen leh chiklai peuh in VENUS makaite kimuh pih a sponsor piak theih ahi.
VENUS
ahih leh Vengnuam Area (Vengnuam, Vengnuam South, Khominthang, V. Munhoih leh
Kanaan) sung ah function ua, himahleh tua event ah mipi veng tuamtuam apan a
tel ut tel ding in chial ngal uhi.
“DIKTATNA LEH SIANTHOUNA KA DEIH UA, HUAITE
MAH TOH HONG LUT IN AW!" -VENUS
No comments:
Post a Comment