Lamka
15th November 2016
A nai-gamla a om PhualvaTimes simtute leh entute na vek uh chibai !
Kum 2012 a patkhiak a om PhualvaTimes in hun bangtan hiam Online
News Service akibawl nung in tukum bullam apan Website www.phualvatimes.com hongbuai a,
huainung in news khahkhiakna ding neilou in ki om a, google blog zang in hihtheih
dandan in hiai nasep ki sunzom hamham hi.
Tu in website thak kibawl lel a, tunung sawtlou in khahkhiak
theih di’n lam-et huai hi. Website kibawlthak hun ah Mobile Apps leng ngaihtuah
kisawm a, deihbang a hong paitheih leh Website,
Youtube, Mobile Apps, Facebook
leh WhatsApp telin Platform 5 ah News
Service ngah theih ta ding hi.
Hiai project sepsuahna ding in sum tamtak kigolh a, website
apan muhna kichian omlou ahihman in sum lam ah buaina liantak om hi.
Tuma kum 3 vel paisa in T-Shirt kibawl ngei a, huai hunah
Camera khat kilei zou hi. Tu in camera kizang lel pen kise sim ta a, maban ah
website thak zat hun in media coverage bawlna di’n camera hoihdeuh ki poimawh
ding hi.
Maban kalsuan zelna ding a tup-le-ngim omte sepsuah
ahihtheihna di’n, ngainatute apan in ngetna tamlou hong kibawl hi.
Website, Apps leh Camera ngaihtuahna di’n atawmpen in Rs. 75,000/-
bei zou ding a, simtu lam apan mahni kiphal
zahzah- a tam, a tawm chih omlou in a lemthei liai te’n thawh(donate) khawm
ding in i ka hon ngen uh a, phutluih hikei mahleh hiai nasep poimawhtak
khawlsan ahihlouhna di’n noute kithuahpihna ka hon ngen uhi.
Bank Transfer tungtawn a pe nuam te’n hiai anuai ah piak
theih ding a, sumtang (cash) a pe nuam te’n Joy Ngaihte ( 8119 040 614) leh
Admin khatpeuh tungtawn in piak theih ding hi.
Bank Account:
- A/c Name: PHUALVATIMES
- A/c No: 33848941723
- IFSC Code: SBIN0015428
- Bank: State Bank of India
- Branch: Pearsonmun Branch
Kipak ung
PhualvaTimes Team
No comments:
Post a Comment