Paite Tribe Council, PTC, General Headquarters, Central Working Committee in tuni zingkal dak 7:00 in PTC/GHQ office, Hiangtam Lamka ah emergency meeting nei uhi. Meeting hun ah, John K. Ngaihte, General Secretary, PTC/GHQ in Mrs. Pamsialching sihna thu a aseppih te kuamah donglou a TO WHOM IT MAY CONCERN chih certificate DC/CCPUR a apiak thu, Moral ground a hihkhial chi a kitopna lai a piak toh kisai genkhawm uhi. PTC lam a pan thu kimu dan in, General secretary kitawp na thu toh kisai hun sawt kuamtak gen khawm ahihnung a a kitopna lai a pomsak ban uah, To Whom It May Concern note a suah pen leng CWC in bangmahlou (null and void) a koih in, District Magistrate kiang ah leng hiai certificate cancellled ahi chih tanpha lai pia uhi. Huai lou in, general secretary kitawpna a pom u toh kiton in Paite Tribe Council ki-ukna dan (11vei puahphatna, 2013) Bung 5, Article XII Clause 48 (vi) pansan in H. Pauzalal, Secretary (internal) in General Secretary mohpuakna len ding chi in nam kip ngal uhi.
Xxxxx
Zan sunnung dak 1:30 PM in Grace Bible college a Jeshyam Chapel ah Rev V. Thangkhangin, Director of Missions, EBC in Paite-English Parallel New Testament with Psalms and Proverbs kichi hong khia in Pathian kiangah latna leng nei ngal hi. Hiai hun in Rev Dr. V. Ginsianthang, Principal, GBC in hunte a makaih banah programe Pathian kiangah latna nei hi. Rev Ginmalsawm, Director of Social Development, EBC in hiai hun a tel mipite vaidawnna thu gen a, Dr. Lalrimawi Pudaite, Global Ambassador and Co-founder, Bible for the World in leng thugenna nei hi. Rev Dr. B. Luaichinthang, Translator in hiai Bible honna a uaptu mipite tungah kipahthu a gen zoh in Rev Dr. Malcolm Eberhard, Australia, Part-time Lecturer, GBC in kipahthu genna leh hunte khakna nei hi.
Rev Dr. B. Luaichinthang in a genna ah hiai Bible proof reading deih bang a bawl man hilou a I zat hun leh I sim hun chiang in hiai mun hichi zo deuh leh ichih a om leh a munte hoihtaka chiamteh in amah kianga theihsak ding in leng ngen hi. Aban agenna ah, hiai Bible ahihleh kum 2011 apan a a naleh hi a, a chang in haksatna tuamtuam te tuak mah leh Pathian ompihna leh Pathian vualzawlna toh kum 2016, April kha in zou siang hi. Hiai Bible a leh na ziak ahihleh ei Paite kampauten Paite-English Bible I neih nai louh ziak ua poimoh ngaih in saptuam apan a pension khit in hiai hon khiak a om Paite-English Parallel New Testament with Psalms and Proverbs bawl ding in panla ngal hi. Hon khiak a om Bible ahihleh New Kings James Version akipan hi in leng gen hi. Huai banah, Rev V. Thangkhangin, Director of Missions, EBC in a genna ah mi tampiten hichi bang a Bible a thuah a aneih louh lai un, ei Paite ten tuni a honkhiak a om Bible I neih theih uh hamphat huai a sak dan gen in hiai bang a hamphatna leh vualzawlna I tante uh mangngilh lou a, Pathian phawk sem ding leh amah naih sem ding ahi chi in, aban agenna ah tuni a Laisiangthou honkhiak a om ahihleh bang mah toh hellouh hi a, a se lam a zang lou a, taksa leh khalam a bah hun in hiai Laisiangthou sim in pi bawl leng I taksa leh khalam hihhattu hong hi ding hi.Tuni a Bible hon khiak na hun ah, EBC nuai a makai poimoh ten a uap banuah Hindi Worship Service, EFCI, Langkhanpau Guite, Chairman, MDC banah Go Grace Missions ten uap uhi. Hiai hun zat na ah, Rev Dr. (L) Rochhung Pudaite zi Dr. Lalrimawi Pudaite, Global Ambassador and Co-founder, Bible for the World in a pasal theih gigena ding in tuni a hon khiak a om Laisiangthou lettu Rev Dr. B. Luaichinthang kiang ah hon khiak a om Laisiangthou leh Hmar puandum piakna nei hi.
Xxxx
Young Paite Association, General Headquarters in Nam sung chidamna ding ngaipoimoh a panla gige ahih uh dungzui in kum nawn Manipur Legislative Assembly Election ~ 2017 ding toh kisai thusuah bawl uhi. Thusuak in a taklat dan in maban a MLA election ding toh kisai Siangthoutak (Free and Fair Election ) deih a thupuan bawl, pawl tuamtuam Churachandpur District Christian Goodwill Council, Tribal Youth Council Manipur, Manipur Tribal Lawyers Forum, Hmar Students’ Association, Kuki lnpi Manipur, Evangelical Baptist Convention, All Manipur Christian Organization, Manipur Baptist Convention leh JACAATB te tungah kipak mahmah uh ahihdan taklang uhi. Huai ban ah, Zomi Council in Free and Fair Election deih a thupuan, October 15, 2016 leh November ni 7, 2016 a abawl uh Nungthuap uh ahihdan puang in, kuapeuh in, Election Commission of India in Model Code of Conduct a bawl thei kawm a hiai Thupuan zahtak siausiau dingin leng ngetna bawl ngal uhi. Huailou in, YPA sunga Unit, Block, Joint Headquarters leh General Headquarters a hihna/panna nei peuhmah in election hun a guptuam nei a kipeilou dingin leng theihsakna bawl ngal uhi.
Xxxxx
Manipur University a seat reservation thubuai toh kisai a ngeina bang a paithei a aom toh kiton in Manipur University Tribal Students’ Union (MUTSU) in thusuah bawl uhi. Hekai Lhouvum, secretary, information and publicity, MUTSU in thusuah abawl kimu dan in, kha nih sung hiiai bang haksatna/buaina a tuah lai ua ana support tu tribal mite, CSOs, students' organization tuamtuam leh mimal tuamtuam, ATSUM te panlaakna nuai a hahpang a pang a admission ding toh kisai a tribal te constitutional rights kepbit na ding a pan ana la te tung ah kipak mahmah uh ahihdan taklang hi. Hiai bang a ipan khawmna te uh ziak a hiaitan kitung thei hi a, hiai in tribal mite lak ah ki iitsemna, ki tanau sem na hon tun ahi chi hi. Huaiban ah, i pankhawmna te uh ziak a MU Authority te toh kihouthei a, tribal te tanvou ding tuamtuam te hih buchin ding chi a Vice Chancellor in assuarance a piak dungzui a hongtung ding November 15, 2016 a university lutkiik ding chi a thupukna la uh hidan in taklang hi. MUTSU te lai in a taklatzelna ah, tribal student, MU ana potkhiaksan sa teng, zingchiang, november 15 a campus sung a lom a lut theihna ding a tuni a Adimjati Hostel Complex a pai khawm chiat ding a cih dungzui in student te paikhawm in kimukhawm ua, Thupukna dungzui in zingchiang in a lom in university campus lut nawn ding uhi. Huai lou in, ATSUM/MUTSU te thupiak zui lou a university hostel ana lut leh class ana la, student te, hongtung ding November 20, 2016 zinglam dak 11:00 a ATSUM office a ki report ding a theisak ahihban uah, hostel ana lut a class ana la, student a ki report lou a om leh a tung ah direct a action laak hiding chi in taklang ngal hi.
Xxxxx
Autonomous District Council Churachandpur, ADCC a Animal Husbandary department te saina in tunin ADCC office, Tuibuang ah, Rural Backyard Poultry Farming Scheme-2015-16 nuai a Low Input Technology Birds hawm uhi. Tuni a aknou kihawnte ahihleh, teelkhiak a om beneficiary mi 125 te kiang ah 23 zel in hawm uhi. Aaknou te ahihleh Langkhanpau Guite, Chairman, ADCC in pe khia hi.
Xxxxx
State Bank of India, Rural Self Employment Training Institute, SBI-RSETI in tuailai sepna nei lou kum 18 apan kum 45 kikal te a ding biik in tunung sawt lou in short-term course tuamtuam pan nawn ding uhi. SBI-RSETI Director apan lai kimu dan in a lemtang’ leh November 14 in ni 21 sung daih ding Basic photography leh videography pat hi ding a, November 28 in ni 6 sung daih ding vok khoi ding dan Piggery training leh November 30 in numei te a ding in dress designing training pat hiding in taklang hi. Training programme tuamtuam 3 te ah mi 25 zel training piak hi ding ua, course pat ni ding kichi pen bel, registration dan a zil a kheng theih ding hi dan a taklang in lunglutna nei ten Office ah thuchiang zaw leh registration bawl theih ding hidan in taklang hi.
xxx
rayburn high school, new lamka a om in tuni nov 14 in a school campus uah school exhibition a khatveina hun zang uhi. nov 14 ahih leh india prime minister masapen Jawaharlal Nehru pianchampha hi a, hiai toh kiton in rayburn high school in exhibition hun in zang uhi. hiai hun ah a theme ding un, discover, develop, decorate cih zangua, naupang te talent leh hihtheihna te lah khiak sak nadin exhibition chi 4 sai ua, huaite ahihleh science, arts and crafts, photography leh flower category om in, naupangten amau khutsuak thilbol te toikhom in lahkhiakna nei uhi, exhibition prog zing dak 10;30 in kipan a,elder langkhanpau guite, vice chairman, managing board,rayburn high school in exhibition honna leh ribbon cutting nei a, hiai zoh in chief guest leh inviteees ten stall tuam tuam te etkhiakna nei uhi. chief guest in a gennna ah ,naupangte khut nasep te kipah pih mahmah ahihdan gen a, maban ah leng amau a hihtheihna ompen semkhe touxel ding a achial ban ah, nu leh pa hici bang a tanu tapa talented mah mah neitute hampha asakdan gen in, teacher ten leng naupang te hihtheih na tamsem maban a muhsuah sawm ding in deihsakthu gen hi. Hiai exhibition te inspection zoh ahih in, cief guest leh invitees ten school library leh naupang te reading room teleng etna nei uhi. hiai exhibition hun ah nu leh pa tamtak leng va kihel in naupangte thilbawl te etna va nei uhi.
xxx
Xxxx
Siamsinpawlpi general Headquarter in tuni zingkal dak 6:45 in SSPP Complex Siloam Veng, bungmual ah a 10 veina North East Tamchon memorial football tournament 2016 a tel ding Siamsinpawlpi Football club SSPP FC te Thumsakna leh khaakkhiakna nei uhi. Hiai hun ah player te ban ah SSPP ngaina leh SSPP a mohpuakna len mi poimoh tuamtuam tel ua, hiai hun zatna Pausuanlian, Joint Secretary, Human Relations, SSPP GHQ in makaih a, Lainzapau samte, president, SSPP GHQ in vaidawnna leh pulaakna nei in, Rev. S Vungminthang, General Secretary, EBC in SSPP FC te ading in hasotna leh thumsakna nei hi. Liansang Munsong, Evergreen SSPP FC Cheerleader in SSPP FC lapi sakna makaih in amah makaihna nuai mah ah slogan saam na nei ua, Langkhanpau guite, Chairman, ADC CCpur in SSPP FC te ding in thugenna nei in, SSPP FC te khakhia hi. SSPP FC te ahihleh Delhi a November 19 apan December 2 sung Dr. Ambedkar Stadium, new delhi a, a 10 veina North East Tamchon memorial football tournament 2016 neih hun ah va tel ding uhi.The 10th North East Tamchon Memorial Football Tournament- atel ding SSPP FC 2016 Squad te ahihleh _1. G Hausonpau (Captain) makaihna nuai ah Ginminlun, Khualsanglian Ngaihte, Khammin Tonsing, G. Ngulkhosiam, Thangtinpao Khongsai, Priyo Kumar, Robert Lunminthang, M Lamthianmuan Guite, Khammuansang Tombing, Emmanuel, Gormei, L. Jonathan, Ginthianlal, H. Singh, Zamtinkhup, Thangminlun, Haokhosei, A. Pauli, Thonzathang, ,Siam Hanghal, Songliansiam, leh Sonlian Nunthuk te hi uhi.
XXXXX
November 14 World Diabetes day ahihtoh kiton in tuni in Churachandpur District Hospital ah Diabetes Day zatna om hi. World Diabetes day zatna ahihleh Eyes on Diabetes chih thupi a zang in District Non communicable disease NCD cell & Diabetes clinic district hospital CCPur saina nuai ah District hospital a casualty building ah kum 30 tungtamte ading in free diabeter and hypertension secreening camp nei uhi. Hihai hun ah district sung apan mi tamtak in diabetes a thawn in kitest sak ua, diabetes vei te athawm in damdawi pia ua, diabeter vei thei ding dinmun aom te ading in hongtung ding November 16 in district hospital ah diet control ding dan toh kisai in sinsakna om ding hi.
XXX
Tuni November 14 Children Day ahihtoh kiton in India gamsung a school chih in amau school chiat ah Children day zatna nei ua, New Lamka aom Ebenezer Academy in leng amau school huang sung ah Children Day thupitak in zatna nei uhi. Hun zatna Nam RB leh Miss CN ten makaih ua, Mam KC in hunpatna nei in, Sir Ginzalian Vice Principal in children day kizatna ziak pulakna nei hi. Student tea pan UniqueTalent Show Competition om in, Sir H.Iiankhanlal, Principal in children day message gen a, Arts and Literary Department saina in kidemna tuamtuam a kipahman te khawmkhiakna om hi. Student siamna ngaih tungtawn te kaing ah Awards tuamtuam Academic Awards ah Student 5, Best Personality Categories 4, Confined Section, Middle Section, High School leh Higher secondary apan student khat chiat in award sang ua, Excellent Class Teachers , Class Teachers Full Attendance Awards ban ah Special award ah Best Sportperson of the year student 2, Most Responsible Leader, Inspiring Student of the Year ah student leh Exceptional Achievements award piakkhiakna om in, Mam KN Dean, high secondary in vote of thanks gen in Sir PC in thumna in hunkhakna nei hi. Hiai hunsung in school naupangte apan Talent tuam tuam lahkhiakna thupitak a neih ban uah, Teacher te apan in leng item tuamtuam lahkhiakna leh kithuahkhawmna nuamtak in zang uhi. Hiai hun ah Sir H liankhanlal principal Ebenezer Academy in school naupangte’n Children Home te panpihna cling a Donation Box a akoih apan student ten amau bangbang nuapang home a om te panpihna ding a sum aneih bangbang a thoh khawm uh Sing nih, Sangkhat, za-sagih leh sawmnih akim tuak a hawm aom, Rs. Sing khat za 8 leh sawm guk tuak student te tungtawn in Amazing Grace leh Only Grace Children home te piakkhiakna neisak hi. Ebenezer Academy in hun paisa in leng Evangelistic Week a refreshment taang ding uh naupangte'n Children home te panpihna dingin ana pe ngeita uhi.D. Phailian a om Royal Academy ah leng tuni zinglam apan School Campus ah Childrens Day leh Annual Sharing Day zang ua, student leh teacher ten Solo, Skit, Choreography, Dance leh item chi tuamtuam nei in, Class-X board exam ding te khakna in leng nei uhi. ROYAL ACADEMY in Kumnawn session ah Pre-Nursery leh Nursery adin Free admission leh uniform, December 20 tan in offer bawl ua, huai hun tan mah in Old leh New student te adin admission discount 20% puang ua, lunglutna leh dot nop nei ten mobile no. 8974368642 ah kan chet theih ding hin gen uhi.
XXXX
Belam veng, HQ. Veng aom The Excel Foundation Academy in tuni sunma dak 10 apan in amau school campus ah Children’s Day cum Maiden Anniversary Celebration of the School hunzatna nei uhi. Hiai hun ah student te ban ah nu leh pa ten uap ua, hiai hun CT Lian Guite, MDC New lamka west in Chief Guest hihna toh a uap ban ah S Thienlaljoy Gangte MCS, AC to DC in guest of honour hihna toh uap hi. Hiai hun zatna Kamminlal Singson in makaih a, Mam nembiakmuang in thum a hun pan in, Principal TEFA in student sihna tuakte sunna hun leh welcome address hun la in, Rev. .T. Doukap Phaibiel Superintendent, ESC in student, teacher leh school ading in pathian kiang ah vualzawlna ngetsak hi. Khuallian tea pan thugenna om in, S Mangboi Gangte manager TEFA in vote of thanks gen in, Sir Jim Lamlawmsang Gangte in thumna in hunkhakna ei hi. children day zat hun sung in student ten item tuamtuam lahna nei uhi.
XXXXXX
Central Lamka Nehru Marg aom Gentheih, lengvai leh innsung kuan khosakna naupang te etkolna leh kepna Destitute Children Home Mercy Society ah tuni sunma dak 11 in District social welfare office DSWO, Churachandpur District saina in Universal Children’s Day zatna om hi. Hiai hun K. Vungzalian, Ex MP & Chairman Mercy Society in chief guest hihna toh a uap ban ah A Umarani Devi DSWO CCpur in chief host hihna toh uap hi. Hiai hun ah Donzachin Extension officer in welcome address gen in khuallian K. Vungzalian, Ex MP & Chairman Mercy Society leh A Umarani Devi DSWO CCpur te apan thugenna om in, K. Lalviaksang, Superintendent Destitute Children Home Mercy Society in vote of thanks gen in hun zangzou uhi. Tuni a children day zatna hun ah Destitute Children Home aom student te apan la, action song ban ah talent tuamtuam lahna om a, Children day toh a District social welfare office DSWO, Churachandpur District saina nuai a painting competition aneih hun ua, kipahman te hawmkhiakna aom a, painting competition ah Destitute children home aom student te category nih Nursery apan Class 5 ban ah class 6 apan class 8 ten lim gelh kidemna nei ua, kipahman te khuallian ten piakkhiakna aneih ban auh, home aom student te kiang ah children day gift in color box leh book khat chiat present uhi. Destitute Children Home Mercy Society ah tulel in staff 14 etkolna nuai ah naupang 32 om lel uhi.
XXXX
Churachandpur District Legal Services Authority in tuni November 14 children day ahihtoh kiton in sunnung dak 1 in district sung a vualpha loute etkolna leh kepna The Malsawm Initiative TMI pearsonmun ah TMI staff leh student te children day zatpihna va nei uhi. Hiai hun ah TMI a student, Staff ban ah student nu le pa te kimtak a tel in, children day nuam tak in zangkhawm uhi. Hiai hun zatna Ashely Lhaineiphal, project coordinator, VBC CCI in makaih a, Kaylei lalrokim school administrator TMI in welcome address gen in, Churachandpur District Legal Services Authority apan N Ginsianlal Advocate in children day message gen in, Letkho Kipgen, Secretary Churachandpur District Legal Services Authority in vote of thank gen in hun zang zou uhi. Hiai hun sung in TMI a kai student ten item chi tuamtuam lahna aneih ban ah TMI teacher ten leng activity tuamtuam lahna nei in, hun nuam tak leh thupitak in children day zang ua, Churachandpur District Legal Services Authority in children day gift in TMI student te kiang ah itna thilpiak apiak ban uah Pauzagin Tonsing, Executive Director, CCI kiang ah TMI a zat ding vanzat chi tuamtuam piakna leng nei uhi.
XXX
Zenhang lamka aom Young Learners School in kum teng a children day ni a, ahih zel bang in tukum in leng District sung a naupang kepna mun te pha in naupang te itna leh khothuahna latsakna in children day gift in van piakna nei uhi. Tuni sunnung dak 1 vel in Young learners school neitu ban ah teacher leh student te kituah in district sung aom naupang etkolna leh kepna mun nih Destitute Children Home Mercy Society Nehru marg leh ABC Home Lhajangphai te vehna nei in, hiai hun ah naupang te kiang ah YLS in student te tungtawn in itna thilpiak piakna nei uhi. Hiai hun te ah YSL teacher ten itna thilpiak piak aom na ziak genna ua, YLS student te’n genthei, lengvai leh insung kuan khosakna haksa diak te panpihna, huhna leh itna lungsim apuak theihna ding ua, kum teng a home leh mun tuamtuam ah itna thilpiak pia uh ahihdan gen in, itna thilpiakna dia mel leh puam, sum leh pai, nei leh lam, pilan siamna ngai sese lou a, lungsim tak a itna pen thupi ten ahihdan gen in, YLS Principal R. Tusing in memento a kigelh itna thilpiak toh kisai simkhiakna nei in Student leader te tungtawn in home neitute kiang ah piakkhia uhi. Student te’n itna thilpiak home aom student te kiang ah piakna nei ua, home aom student te leng kipak theih mahmah uhi. Young learners school YLS in ahihleh school kiphutkhiak nung 2003 apan in Children day zatna ding toh kisai in “Reach Out and Touch” chih project a neih in, Children Day November 14 tungma khalkhat sung in amau school ah donation box khoih ua, student ten amau bangbang naupang te panpihna ding in aneih dandan uh sum thoh kham ua, hiai sum te zang in district sung a home, rehabilitation centre ban ah mun tuamtuam ah itna thilpiak pe zel ua, tukum in ahihleh YLS Silver Jubilee year ahih toh kiton in Young Learners Student Organization YLSO, School tu neitu leh teacher te pangkhawm in sum thoh khawm ua, naupang langvai, gentheih leh inkuan khosakna hakna student te etkolna leh kepna Destitute Children Home Mercy Society Nehru marg leh ABC Home vehna nei in, itna thilpiak in Blanket leh Bible home aom student te kiang ah YLS student te khat chiat pia uhi. YLS in ahihleh kumteng in home leh centre ah itna thilpiak piazel ua, tu toh sim in a 14 vei itna thil apiak uh hi ta a, tuni in home aom student te kiang ah blanket 50 leh bible 50 pia khia uhi.
XXXX
Siamsinpawlpi SSPP Joint Headquarter lamka in tuni in amau office hiangtam lamka ah department tuamtuam ading in nnagotna nei uhi. Hiai hun SSPP GHQ President Lianzapau Samte leh a executive member te tel ua, SSPP lamka Joint Headquarter a department tuamtuam a mohpuakna len ding gotna nei uhi. Hiai hun Joint Headquareter lamka a president, T Tuanzakhup in nnagotna aneih dungzui in, Zamminlian, information and publicity secretary, mangbiakmuan, secretary sport department, Jon Joseph joint secretary sport deparment, zamgoumang leh thangkhanmuan Joint secretary information and publicity, Thangminlun hangsing, joint secretary sport, Haungaihnem joint secretary social and cultute, lamthianmung tonsing secretary education, chingbiakhoih Joint secretary information and publicity, leh niangmuankim joint secretary sport te hi ua, mohpuakna lendia na got thak aom te Joint Headquareter lamka a president, T Tuanzakhup in kichiamna nei sak in, Pastor D kamchinmang Local pastor, EBCC hiangtam lamka in thumsakna nei hi.
XXXX
United Naga Council UNC in Manipur hihna lampi national highway hihte hun chiam omlou a economic blockage abawl ziak un, Manipur phaizang ban ah singtang bial teng ah nek leh tak haksatna tamtuam atut ban ah phaizang mipi in UNC in economic blockage a bawl thuk kikna in counter economic blockage bawl khum ziak in phaizang apan nek leh tak singtang bial lut ding te kham in om hi. Phaizang bial in counter economic blockage abawl ziak in singtang bial in haksatna namai lou thuak in, churachandpur district leng naktak a koihkha in, vanman apung ban ah petrol leh diesel man leng naktak a khang in, petrol liter khat ah 200 val bang in lei ngai a, vanman khangthu toh kisai mipi in haksatna atuah te uh ZRA kiang ah enkai dia ngetna bawl ziak un, ZRA in leng mipi te khualna in panla ngal hi. Hiai toh kisai in dawr kai ban ah district mipi te theih ding in ZRA Town commander in theihsakna bawl hi. ZRA town commander in economic blockage blockage ziak a vanman akhang pen poisa mahmah in, phaizang apan district ah nek leh tak honglut kei mah leh hiai bang hun lemtang kuamah la lou a, nek leh tak ban ah van chi tuamtuam te ngeina sang a tamzaw a zuak lou ding ban ah petrol liter khat ah 100 leh diesel liter khat ah 70 val a zuak lou ding in thupiak bawl in, tulai a sum 500 leh 1000 note ziak a kuanman dawr khak lou ding ban ah, dawr teng hongvek ding in theihsakna bawl a, theihsakna kibawl ngeingaih lou a, gamtang teitei aom leh ZRA in kithuahpih bang gotna pia ding uh ahihdan gen uhi.
XXXXXX
Zan sunnung dak 1:30 PM in Grace Bible college a Jeshyam Chapel ah Rev V. Thangkhangin, Director of Missions, EBC in Paite-English Parallel New Testament with Psalms and Proverbs kichi hong khia in Pathian kiangah latna leng nei ngal hi. Hiai hun in Rev Dr. V. Ginsianthang, Principal, GBC in hunte a makaih mabanah hunte Pathian kiangah latna nei hi. Rev Ginmalsawm, Director of Social Development, EBC in hiai hun a tel mipite vaidawnna thu gen a, Dr. Lalrimawi Pudaite, Global Ambassador and Co-founder, Bible for the World in leng thugenna nei hi. Rev Dr. B. Luaichinthang, Translator in hiai Bible honna a uaptu mipite tungah kipahthu a gen zoh in Rev Dr. Malcolm Eberhard, Australia, Part-time Lecturer, GBC in kipahthu genna leh hunte khakna nei hi.
Rev Dr. B. Luaichinthang in a genna ah hiai Bible deih bang a proof reading deih bang a bawl man hilou a I zat hun leh I sim hun chiang in hiai mun hichi zo deuh leh ichih a om leh a munte hoihtaka chiamteh in amah kianga theihsak ding in leng ngen hi. Aban agenna ah, hiai Bible ahihleh kum 2011 apan a a naleh hi a, a chang in haksatna tuamtuam te tuak mah leh Pathian ompihna leh Pathian vualzawlna toh kum 2016, April kha in zou siang hi. Hiai Bible a leh na ziak ahihleh ei Paite kampauten Paite-English Bible I neih nai louh ziak ua poimoh ngaih in saptuam apan a pension khit in hiai hon khiak a om Paite-English Parallel News Testament with Psalms and Proverbs bawl ding in panla ngal hi. Hon khiak a om Bible ahihleh New Kings James Version akipan hi in gen hi. Huai banah, Rev V. Thangkhangin, Director of Missions, EBC in a genna ah mi tampiten hichi bang a Bible a thuah a aneih louh lai un, ei Paite ten tuni a honkhiak a om Bible I neih theih uh hamphat huai a sak dan gen in hiai bang a hamphatna leh vualzawlna I tante uh mangngilh louh a, Pathian phawk sem ding leh amah naih sem ding ahi chi in, aban agenna ah tuni a Laisiangthou honkhiak a om ahihleh bang mah toh hellouh hi a, a sem lam a zang lou a taksa leh khalam a bah hun in hiai Laisiangthou sim in pi bawl leng I taksa leh khalam hihhattu hong hi ding hi. Tuni a Bible hon khiak na hun ah, EBC nuai a makai poimoh ten a uap banuah Hindi Worship Service, EFCI, Langkhanpau Guite, Chairman, MDC banah Go Grace Missions ten uap uhi. Hiai hun zat na ah, Rev Dr. (L) Rochhung Pudaite zi Dr. Lalrimawi Pudaite, Global Ambassador and Co-founder, Bible for the World in a pasal theih gigena ding in tuni a hon khiak a om Laisiangthou lettu Rev Dr. B. Luaichinthang kiang ah hon khiak a Laisiangthou leh Hmar puandum piakna nei hi.
Xxxx
Young Paite Association, General Headquarters in Nam sung chidamna ding ngaipoimoh a panla gige ahih uh dungzui in kum nawn Manipur Legislative Assembly Election ~ 2017 ding toh kisai thusuah bawl uhi. Thusuak in a taklat dan in maban a MLA election ding toh kisai Siangthoutak (Free and Fair Election ) deih a thupuan bawl, pawl tuamtuam Churachandpur District Christian Goodwill Council, Tribal Youth Council Manipur, Manipur Tribal Lawyers Forum, Hmar Students’ Association, Kuki lnpi Manipur, Evangelical Baptist Convention, All Manipur Christian Organization, Manipur Baptist Convention leh JACAATB te tungah kipak mahmah uh ahihdan taklang uhi. Huai ban ah, Zomi Council in Free and Fair Election deih a thupuan, 15th October, 2016 leh 7th November, 2016 a abawl uh Nungthuap uh ahihdan puang in, kuapeuh in, Election Commission of India in Model Code of Conduct a bawl thei kawm a hiai Thupuan zahtak siausiau dingin leng ngetna bawl ngal uhi. Huailou in, YPA sunga Unit, Block, Joint Headquarters leh General Headquarters a hihna/panna nei peuhmah in election hun a guptuam nei a kipeilou dingin leng theihsakna bawl ngal uhi.
Xxxxx
Manipur University a seat reservation thubuai thoh kisai a ngeina bang a paithei a aom toh kiton in Manipur University Tribal Students’ Union (MUTSU) in thusuah bawl uhi. Hekai Lhouvum, secretary, information and publicity, MUTSU in thusuah abawl kimu dan in, kha nih sung hiiai bang haksatna/buaina a tuah lai ua ana support tu tribal mite, CSOs, students' organization tuamtuam leh mimal tuamtuam, ATSUM te panlaakna nuai a hahpang a pang a admission ding toh kisai a tribal te constitutional rights kepbit na ding a pan ana la te tung ah kipak mahmah uh ahihdan taklang hi. Hiai bang a ipan khawmna te uh ziak a hiaitan kitung thei hi a, hiai in tribal mite lak ah ki iitsemna, ki tanau sem na hun tun ahi chi hi. Huaiban ah, i pankhawmna te uh ziak MU Authority te toh kihouthei a, tribal te tanvou ding tuamtuam te hih buchin ding chi a Vice Chancellor assuarance a piak dungzui a hongtung ding November 15, 2016 a university lutkiik ding chi a thupukna la uh hidan in taklang hi. MUTSU te lai in a taklatzelna ah, tribal student, MU ana potkhiaksan sa teng, zingchiang, november 15 a campus sung a lom a lut theihna ding a tuni a Adimjati Hostel Complex a pai khawm chiat ding a cih dungzui in student te paikhawm in kimukhawm ua, Thupukna dungzui in zingchiang in a lom university campus lut nawn ding uhi. Huai lou in, ATSUM/MUTSU te thupiak zui lou a university hostel ana lut leh class ana la, student te, hongtung ding November 20, 2016 zinglam dak 11:00 a ATSUM office a ki report ding a theisak ahihbam uah, hostel ana lut a class ana la, student a ki report lou a om leh a tung ah direct a action laak hiding chi in taklang ngal hi.
Xxxxx
No comments:
Post a Comment