Agape mission cooperative credit society limited AMCOSS, a multi state cooperative society limited in tuni sunma dak 10:30 in Upa H Jelshyam Chapel GBC Campus, Dorcas Veng New lamka ah a 10-veina annual conference-cum-business session nei uhi. Hiai hun ah AMCOCS a share holder te tel ua, Rev. E Paukhanlian Divisional Superintendent, LAmka North Division in hun zatna makaih in, sihna tuak heutute zahna leh suunna hun pi hi. Upa T Paukhasiam Chairman, BOD AMCOCS in hun patna leh vaidawmna thugen in, Pumkhogin Guite, Secretary & CEM AMCOCS in annual report pia a, paikhawm member ten annual report toh kisai houlimna nei uhi. Chairman BOD leh auditor pina nuai ah audit note velna leh pomna nei ua, budget leh plan etkhawmna nei in, hiai hun ah paikhawm palai ten budget ding in Crore 9 leh lakh 17 pom kipna nei in, Rev. V Nenglian, BOD AMCOCS in thumna in hun khakna nei hi. Agape mission cooperative credit society limited AMCOCS ahihleh EBC saptuam sung a mission worker mi 20 in 2003 in pan ua, aloh ching touhzel toh kiton in Hebron Veng tedim road new lamka ah office hong in churachandpur ading in nominal member hih theihna ding in pankhia ua, tulel in AMCOCS ah share holder mi 184 om in, Nominal member 4000 val om a, office ah staff 7 leh agent 10 in nasem uhi. Tuni a AMCOCS in a 10 veina conference cum business session aneih hun uah share holder mi 184 lak ah mi 90 tel uhi.
XXXXXX
Good Samaritan Foundation Churachanpdur saina in tuni sunma dak 11 in CFC Campus, District Headquarter, Tuibong ah Phula-Len Festival 2016 cum advent Christmas zatna om hi. Hiai hun ah lamka khopi sung a khosakna haksa diak nuapang tel khiak aom te leh a sung kuan te uh kihel ua, Thangneisang leh Vahboi GSF ten hun zatna makaih ua, Rev. P. Soilian NTBC in thumna in hun hong a, Thangjalun Haokip, Convenor, Phula-len Fest 2016 in welcome leh keynote address gen in, H. Doungel, President, GSF in presentation hun la hi. Lunkholien secretary, GSF leh Lhingvei te makaih in naupang tel tuam te kiang ah Christmas gift piakna nei ua, Rev. Dr. N Lungdim, Literacy Secretary, KCCA in christmass message gen a, Kamboi Haokip, Co Convenor, Phula-len Festival in vote of thanks gen in, Pastor Hemkholam touthang CBCA in thumna in hun khakna nei hi. tuni a Phula-Len Festival 2016 cum advent Christmas zat hun sung in CFC Sunday School group, district headquarter tuibong leh Women society B vengnom ten choreography lahna nei ua, Kitchen Dance Matijang in Skit show in, Tinneihat GSF le CFC Church choir, district headquarter tuibong ten la sa uhi. Phula-Len Festival ahihleh Thienkhogin Haokip in ana patkhiak hi a, aman innkuan khosak haksa leh enkoltu ding neilou naupangte Christmas hongtun ding kuan chiang in Christmas Thilpiak ana pesek a, amah’ nasephoih sunzom a tutung Good Samaritan Foundation (GSF) te’n asai uh hi a, tukum in ahihleh khopi sung mun tuamtuam apan naupang mi 71 kiang ah Christmas gift pia uhi.
XXXXX
New Lamka College Veng aom Priscilla Home Counseling and care centre in tuni zingkal dak 7 in amau home mun ah office leh training centre mun ding ground breaking nei uhi. Hiai hun ah Rev S Vungminthang General Secretary EBC ban ah home a sem staff, naupang te leh CCpur Christian women fellowship CCWF apan adviser leh member te tel ua, hun zatna Kimkhonei Vice president CCWF in makaih in home paidan, ki vaipuak Dan leh office leh training center kihon thakna ding ziak genna nei in, Rev S Vungminthang general secretary EBC in thugenna nei hi. Hiai hun ah Rev S Vungminthang in numei kemtu ding om nonlou te maban ding khual sak a, awlmohna Lian tak toh home enkol tute phathuai asak dan gen in, kipum piakna ziak a loh bei a sem, pawl tuamtuam ban ah NGO te apan award piak hikeimah leh uh, pathian gamna sepna a naupang te panpihna khut a zaak uh I Biak pathian a dia thil thupi mahmah hi a, pathian apan sepna gah mu ding te na hi uh chi in maban nasep touhzelna ding ah pathian ompihna tang a naupang te kha lam leh salam ah hon kep uh adeihsak thu khak in, Priscilla Home leh naupang kep aomte phattuam pih hiding in office leh training centre bawlna mun ding Pathian min in ground breaking in, pathian kiang ah latna nei hi. Ground breaking program zoh in office leh trianing lamna ding in maicham nei UA hiai Hun a paikhom ten athoh khawm uh sum te CCpur Christian women Fellowship a advisor Upa Tualthang a latna nei hi. Priscilla Home ahihleh naupang numei kemthu ding kichian neilou ban ah hinkhua haksatna tuamtuam tuakte kepna hiding in 2011 in CCpur Christian women Fellowship CCWF in Zenhang Lamka ah ana dinkhia in, 2003 kum in Missionary Cindy L Perry in home leh training centre mun ding New Lamka College veng ah Lakh 8 a leisak in, huai kum in Priscilla Home Zenhang Lamka apan new Lamka ah suan touh in om hi. Priscilla Home in ahihleh mun dang leh pawl tuamtuam apan huhna, panpihna, fund leh adang dang muhna neilou in amau khe in ding UA, gamsung a awlmoh, phatuam ngai, mimal leh pawl tuamtuam ban ah saptuam tuamtuam ten avang kim in huhna leh panpihna pezel UA huai te zang in kitoudelh uhi. Priscilla home in kumteng in numei mi 10 enkol in amau a kitoudelh leh nek amuh theihna ding un Siamgat, puankhui ban ah sum zek ding dan kumkhat sung sinsak ua, kumkhat zoh chiang amau nek kizong uhi. Tulel in home ah staff full-time mi 3 leh part time mi 3 etkolna nuai ah numei mi 11 om hi. Tuni a office leh training center honna ziak ahihleh Tata Trust in Priscilla centre guwahati tungtawn a Precilla home ading puankhui-na khol 10 athawn a apiak ding uh ziak ua, Precilla home in sum neihsa omlou a, pathian muanna leh home aom numei te maban ding khualna a lam a sawm uh hi a, kum nawn January 15 2017 a training pat man dia zoh a sawm uh hi a, zoh ahihchiang in Priscilla home ah numei mi 20 om theita ding hi. Priscilla home office leh training centre lamna ding toh kisai a mi phatuam ngai, alwmohtu, deihsaktu mimal leh pawl tuamtuam in huhna leh panpihna sum thoh thei gige ding uh ahihdan CCpur Christian women fellowship ten news tungtawn in ngetna leh chialna bawl uhi.
Xxxxccc
Kumteng a kizang zel bang in tukum 2016 in leng hmar Nam te kithuahkhawmna lianpen Sikpui Ruoi kichi Saikot ah a nihvei na Manipur state level Sikpui Ruoi zatna om hi. Sikpui Ruoi zatna ahihleh Zan December 12 Nitak in kipan a, Hiai hun Lungminthang Haokip IAS DC Ccpur in special guest hihna toh uap in, lasiam tuamtuam apan lasakna om hi. Tuni december 13 in sikpui ruoi nipi ni zat in om a, sunma dak 11 in hun masa kipan a, Hiai hun Lalbiakzuala, President, Central Young Mizo Association in chief guest hihna toh uap a, Lalsangzuala, President, Mizo Zirlai Pawl, GHQ leh Verieyo Shatsang General Secretary All Tribal Students’ Union Manipur (ATSUM) ten guest of honour hihna toh uap ua, Joseph Lalrothang, President, Hmar Inpui, GHQ in functional president hihna toh uap in H.K.Joute, 1st President, Hmar Inpui GHQ in sikpui pa hihna toh uap hi. Hiai hun zatna Joseph R Joute leh Rebek Darneimawi ten makaih ua, Rev. Rohminglien Pakhuongte, Chairman, Hmar Christian Leaders‘ Forum (HCLF) in thumna a hun hong in, Pu Lalhrillien, Co-Convenor, MSLSROC in Welcome Address leh khuallian te mellahna nei hi. Khuallian te apan thugenna om in, Rev. Lalramlawm Inbuon, Presbytery Secretary tuithaphai presbytery ICI in thumna in hun khakna nei hi. tuni a hun zat sung in Cultural Troupe ten Sikpui Lam lahna nei ua,mi 1000 in laskna nei ua, Group YMA, Manipur ten zaangta lam lahna aneih ban uah, Hmar women association HWA Manipur in traditional beauty pageant lahna nei uhi. Sikpui Ruoi nitak program dak 5 in kipan nawn a, hiai hun Laltlansang Hmar, Executive Member, North Cachar Hills Autonomous Council, Assam in Chief Guest hihna toh uap a, Dr. Seilen Haokip Spokesperson, KNO leh Calvin H Convenor, JMG-UPF ten guest of honor hihna toh a uap ban uah, L.T Hmar (Working Chairman HPC-D) in functional president hihna toh uap hi. Hiai hun zatna Lalhuolhim F.Tusing leh Lawmnakim Hrangate ten makaih ua, Rev. Dr V. Lalnghakthang, Secretary, Hmar Christian Leaders’ Forum HCLF in hunpatna nei in, Joseph R. Hmar, Convenor, MSLSROC in welcome address leh khuallian te mellahna nei hi. Khuallian te apan thugenna om a, Rev. Jessai Neitham, Presbytery Officer, Saikawt EFCI in thumna in hun khak hi. Nitak main program zoh in CULTURAL & MUSICAL ENTERTAINMENT hun zang ngal uhi.
XXXX
Kuki Students Organisation, KSO Churachandpur makaih in tunin B.Vengnuom Community Hall ah Public COnsultation on Changing Trend of Education neih in om hi. Programme hun ah, school naupang te nu le pa te tamtak tel in student te zuih ding tuamtuam leh, school in a hih ding ua a deih uh thu tuamtuam genkhawmna nei uhi. KSO lam apan thu kimu dan in, tuni a programme hun ah, agenda tuamtuam te Study camp/Boarding toh kisai, Parents/Guardians Association bawl ding toh kisai, Admission rate toh kisai banah, a lou thei lou a study camp neih a om sek toh kisai leh KSO in government school te check a bawl u toh kisai, school fee khang, teacher te kha loh leh student-teacher ratio toh kisai ban ah, Uniform admission leh tution fee toh kisai gen khawm tangpi uh hidanin gen uhi. Huai lou in KSO in kum teng a hih ding a a gen uh, Class X exam ding te kha 2 sung free coaching sai din, Class X leh Class XII te carrier seminar neih pih ding, student ten a siamsinna u toh kisai banghiam a hih teng ua nungthuap ding leh a tuamtuam hi a, huaiban ah, student ten a zuih ding te uh, nu le pa te thu mang ding leh a hoih lou thil hih louh ding ban ah, school uniform silh kawm a mawk pawt louh ding chih te hi a, nu le pa ten leng, a ta te uh hoih tak a a et kai ding u leh school chih a parents/ guardians association bawl ding chi in gen khawm uhi. Huai lou in school lam in ahihleh, class X exam ding te kiang a study camp a sai sek pen uh, sai u hen la, himahleh, hiai pen a lou thei lou hi kei hen chih leh, thu tuamuam bangzah hiam ban ah, class khat a section khat ah a tam pen a student 45 tan chiang om sak ding chi in gen uhi. School Admission toh kisai ahihleh, school ten a kibang in admission fee la uh hen la, admission hun a medical fee, games fee leh a tuamtuam a laak sek te uh la nawn kei u hen chi a gen khawm in hiai pen ahi thei tan a kua peuhin zuih poimoh a sak thu uh gen ngal uhi.
xxxxx
KUm tamtak puahlouh leh zuunlouha om Manipur Singtangmi te Lifeline Guite Road, kha bangzah hiam paisa in private company in la in puah tou uhi. Guite road puah na ding toh kisai in tuma in BRTF te ban ah, PWD ten la sek mah le uh, a nna uh deih banglou leh nnasem lou tuk a aom lai un, tua hiai lampi bawl dia kisalel, Bhartia INfra Company ten ahihleh, ahoih thei pen a bawl sawm a pan la in, a final stage tan tungnai kei mahleh, suang a sun zoh na tan chiang te u bel nuam tuan mahmah hi. Guite road puah na ding in a kuak na diak te bawl in suang sung ma sa ua, singngat apan Mualnuam gam tan suangsung zou ta uhi. Tu in G.Bualzang leh LUngthul kikal leisan leh suang sung in nnasem lel uhi. Bhartia Infra company in lampi a bawl uh, a kuak na diak a suang sung in a lopi zou ta ua, nidang a dakkal 5/6 lut na sek pen tu in dakkal 3 lel khawng lut ta hi. Bhartia company in a lampi bawl uh zou siang nai kei mah le uh, khopi lai zang a lampi poimoh mahmah, IB Road, Rengkai Road leh Nehru Marg te sang mah in leng gari tai nuam zo tham ta hi.
xxxx
Nagaland State a Dimapur Town Hall ah North East Idol Grand Finale neih hun a Churachandpur district apan vatel Jenny Zawnkhanhoih Thomte vaidawnna, tuni in Zogam Artist Association ZAA GHQ intekna in nei uhi. Hiai hun a tel ding te sunnung dak 1 in Hebron Veng, New lamka ah kingak khawm ua, huai apat kizui in kangvai khua zuan ua, kangvai ah Jenny Zawnkhanhoih Thomte vaidawnna hun saulou zang in, tidem road tawm in lamka lut in, mun tuamtuam ah taikual pih in, YPA GHQ Hall, Hiangtam lamka ah vaidawnna hun pi zang uhi. Jenny Zawnkhanhoih Thomte in ahihleh North East Idol Grand Finale ah first runner la in, kipahman in dangka lakh khat sang hi.
XX
No comments:
Post a Comment