Lamka,
17 December 2016: Tunitak dak 5:30pm apat in VENUS saina in " Public
Meeting and Open Discussion of Policies with Intending MLA Candidates 58/AC
CCPur" hun zat in om hi.
Hiai
hun a intending cadidate Pu CT Lian, Pu DK Mang leh PU Thangbiaklian Hangzo te
kihel uhi. Programme pat na ding in Pastor
M. Ginzatun EBC V.Munhoih in thumna toh lan a, Vaidawnna leh thugenna Pu
Lalmuanlian Phaipi, President VENUS in nei zom hi. Discussion hun ah Pu Jamsuanlian Anchor in pang a, Intending Candidates ten
maban 2017 MLA Election atuh sawm na ziak te uleh huai ding a a panlak dante uh
mipi te theih ding in dotna bawl a, huaite mah Intending Candidates ten dawnna
pia ngal uhi. Hiai hunsung mah in mipi lam apat a dotna omte leng Intending
Candidates ten dawnna pia ngal uhi. Discussion hun zoh in Pastor T.
Songkhanthang,EBC Vengnuam in Maban Election a Candidates ding te thumsak na
nei hi. Kipah thu genna hun Pu T Nangbiaksang, General Secretary VENUS in nei
a, huaizoh in Pu Lalmuanlian Phaipi, President VENUS inleng thugenna hun saulou
zang hi.
President,
VENUS in a thugenna ah Maban 2017 MLA Election omhun Chiang a mipi leh
Candidates ten Diktatna leh Siangthouna mah a paipih uh a deihthu taklang hi.
Maban ah nomination file hun zoh ahihciang inleng Candidates a paisuak teng
VENUS saina mah a Open Debate neihsak sawm ahihdan leng taklang ngal hi.
Programme zohna ding in Pastor Dr. M. Gousuan, EBC Khominthang in thuumna in
Programme khakna bawl hi.
Video
------------
No comments:
Post a Comment