Lelte Award 2017 Hawmna | B Muan Ngaihte

April 19th. 2017 nitak in 20th. April 2017 tan daihdiing "Hotel Floria, Dawrpui, Aizawl" ah The 26th. Mizoram Music Award - Lelte Award 2017" hawmna omhi. 

Lelte Award kichi pen Mizoram based Lelte Magazine in Zosuan telak a, Laasiam,Music Siam, leh Atuamtuam teltuam telak a apiak uh, 1984 a ana Pat uh ahihi. Atung in, Award hawmna pen kum 1 Hal in omzel mahleh, hun bangtanhiam paisa apan in Kumsim a neihtouh hi a, tukum pen a 26 na hita hi. Hiai Lelte Award hawmtu leh Lelte neitu (Editor) pen Pu. C.Dinthanga ahi hi.

Kum paisa a ana hih uh mahbang in tukum in leng Mizoram kia hilo in Zosuan Tribe tuamtuam Laasiam teltuam telak ahleng select in om hi.

Award late :

1. ALBUM OF THE YEAR-Lei leh Van Siamtu (Lalnunmawii @ Bitei)

2. ALBUM OF THE YEAR (CHOIR)-Lal Ini (Synod Choir)

3. SONG COMPOSER OF THE YEAR-Ramengmawia (Triau Traxx)

4. TRADITIONAL SINGER OF THE YEAR

-Thangromawia Thomte

5. ALBUM OF THE YEAR (LENGZEM / LENGLAWNG)-Phek 35 na (T-Melody)

6. ARTICLE OF THE YEAR- R.Zomawia

CHIBIL AWARD LATUTE :

1. Miss. April JKT (Mara)

2. N.Hmangaihropuii (Lai)

3. Vincent H.Hmar (Hmar)

4. B.Muan Ngaihte (Paite)

Hiai hun ah, Khuallian in Robert Romawia Royte pang hi. Ama'n agenna ah, Zosuan te kikhen in, munuam tuam ah iten uhhang, Chikhat Sakhat ihi hi. Tuni in Pu Dinthanga in, Hiai Lelte Award ahon bawlkhiak tungtawn in Zosuan Laasiam leh talent nei tamtak in Dinmun hoih neihlawh uh a, Zosuan te kinaizawksemna ahihman in, mailam ah lunglellou a ahongpang kadeih sak chi hi.

Huai ban ah, Award latu tenleng kipahthu Genna neichiat uh a, Lamka a kipan B.Muan Ngaihte mAh in leng kipahthu Genna hun ah hichin gen hi -

"A masapen in kei leltak, hiai Lelte Award la ding a hinna damna honpia Pasian min ka phat masa hi.

A nihna ah, Deihsakna leh iitna tawh hiai Award honpia Lelte Family tung ah ka kipak hi. Zosuan te a khualna uh lian kasa hi.

A Thumna ah, Zosuan telak a Music Huang a Rap Genre a hon makaih, Sir Michael M.Sailo ka suun mahmah a, tuni in Amah om hileh ka chi a, ka uut mahmah hi. Himahleh Aman ahon paisan tak man in Azi ata te Pasian in ompih leh kachi ahi.  (Chi in ZOMI MUSIC MINISTRIES a kipan Suunpihna Lai simkhiakna nei hi.)

Aban ah, hiai Award kalak pen kei mimal award in kakoih kei a, ka Nam  pumpi , Ka Minam te a ahi Kaci a, hiaibang lathei ding a ka omna ah mi kuapeuh kiang ah leh Makai kuapeuh tung ah kipahthu kagen hi.

Lelte Award damsawt hen....

Hiai Award hawmzawh ahih in, Nekkhawm-Dawnkhawmna nei in nitak masa zou uhhi. 20th. April 2017 nitak 7:30pm in hun nihna CHANMARI YMA HALL ah neinawn diing uhhi.