Sunday 30 April 2017
Saturday 29 April 2017
Friday 28 April 2017
Wednesday 26 April 2017
Monday 24 April 2017
Sunday 23 April 2017
Friday 21 April 2017
Manipur Express | April 21, 2017
Police team in footpath tunga vanzuakte hawlkhia
Lamka, April-20: M. Kumarjit, MPS, Addl SP (Ops), SDPO/CCpur, OC CCpur PS leh OC Traffic Control Police makaih Police team te’n tuni sunnung in new bazar area ah traffic drive nei uh a, huai ah SDPO leh SI te’n kithuahpih uhi. Police team te’n Tedim Road, Red Cross Road leh Thangzam road dung a footpath tung a thil tuamtuam zuakte hawlkhia ua, New Bazar Bus Parking a gari tuamtuam kikoihdan enkai uhi. Traffic drive ahihleh Police te’n hun bangtanhiam paisa apat uh hi a, New Bazar bus parking a Lagao kimawlte hawlkhia in, Imphal leh Lamka kikal a passenger pua a taituah Bus leh Winger-te kidawh ding dan bikhiah sak uh a, thawveng mahmah in lampi leng awng tuan mahmah hi.
Lelte Award 2017 Hawmna | B Muan Ngaihte
April 19th. 2017 nitak in 20th. April 2017 tan daihdiing "Hotel Floria, Dawrpui, Aizawl" ah The 26th. Mizoram Music Award - Lelte Award 2017" hawmna omhi.
Lelte Award kichi pen Mizoram based Lelte Magazine in Zosuan telak a, Laasiam,Music Siam, leh Atuamtuam teltuam telak a apiak uh, 1984 a ana Pat uh ahihi. Atung in, Award hawmna pen kum 1 Hal in omzel mahleh, hun bangtanhiam paisa apan in Kumsim a neihtouh hi a, tukum pen a 26 na hita hi. Hiai Lelte Award hawmtu leh Lelte neitu (Editor) pen Pu. C.Dinthanga ahi hi.
Thursday 20 April 2017
Manipur Express | April 20, 2017
DC/CCpur in Zezaw, Singngat leh Behiang pha
Lamka, April-19: R. Sudhan, IAS, DC/CCpur in tuni zingsang dak 6:30vel a Lamka apan kipan khia in Zezaw PHSC, Singngat PHC, SDO office/Singngat leh Behiang PHC pha hi. DC bel Rakesh Balwal, IPS, SP/CCpur; Jameson Hangshing, SDO/Singngat; Dr Kimngaihching, CMO/CCpur makaih in Dr. VC Pau, DFWO, Dr T. Pumzathang, DTO, National Health Mission Staff-te banah DC’s office apan staff-te leh DRDA staff te’n zui uhi.
DC in Zezaw PHSC, Singngat PHC leh Behiang PHC building ban ah Mission Indradhanush 3rd round pailel nasep ban ah SDO office building leh staff-te nasep dan enkhia a, India leh Mynmar gamgi a Border Pillar leng enkhia uhi. DC leh ateam te’n khua 3 aphakna uah mipi’n vaidawn in official te pakkhi awksak uhi. DC’s team te nitak dak 6:30 in Lamka hongtung uh a, CMO team te bel gari siat ziak in nitak 8:00 in leng Lamka hongtung zoulou uhi.
Wednesday 19 April 2017
Manipur Express | April 19, 2017
Khawpi sung lampi keklet poimawh
Lamka, April-18: PWD/CCpur Division te’n April 16, 2017 apan IB road black topping nasep pan uh a, zan apan khawpi sung ah One Way Traffic lakkhiat phawt in om hi. Khawpi sung Lamka Police Station apan IB road-Nehru Marg junction kikal ah dawr/dukan thupi deuh ban ah UBI/CCpur, SBI/CCpur leh LIC office om ziak in Tedim road ah gari tamtak khawl (parking) gige hi. 4-wheeler gari-te tumlam pang ah parking uh a, 2-wheeler gari-te suahlam pang ah parking uhi. Tedim road liansim bangmah leh lampi siktuak ah gari parking, gari suktai leh toutai kihelhtuah hun ah lampi neugawp a, akal laklak in traffic jam zel a, Traffic Control Police te hahpanna ziak in hihveng in om zel hi. Maban kum 20/30 nung in Lamka ah gari tamtak kibehlap ding a, UBI leh SBI kimlak ah gari parking nang mun kidaihlouh lauhhuai ban ah gari taituah te ading in kawchik gawp ding a, khawpi sung lampi keklet poimawh hi. Kum 20/30 nung in Tedim road keklet hileh building tamtak siatbeh ding a, lampi keklet ahunlai hiding in kigen hi.
Tuesday 18 April 2017
Sunday 16 April 2017
Subscribe to:
Posts (Atom)