Khaijamang Touthang

Lamka, Rape Case

JAC Against Anti Tribal Bills - Lamka, Churachandpur, Manipur

Republic Day 2017 Churachandpur

Manipur Tribals Martyrs Tribute Programme | Lamka | 514 Days of Tribal Movement

68th Republic Day 2017 | Churachandpur, Manipur

Thupitakin L. Ginlalven Ngaihte’ kivui

Siamsinpawlpi General Headquarters in Election a kihellou di'n theisak

Rajnath assures all help to remove Manipur blockade

Exam Routine HSLC & HSE 2017 | Manipur

Board Of Secondary Education Manipur

Programme For HSLC Examination 2017

( For Regular And External Candidate )

Time : ( i ) 3hours for 80marks ( ii ) 2hours for 48 marks

Date/Day   

17/03/2017 ( Friday )

= English ( 9am-12noon ) 

Manipur Express | January 15, 2017

Thil poimawh tuamtuam kanchian kawmin amun vapha uh 

ADC Chairman leh Editor in India leh Myanmar gamgijul vapha 

Lamka, Jan-14: Langkhanpau Guite, Chairman, ADC/CCpur leh Manipur Express Editor in tuni in Lamka akipan Myanmar tawh gamgijul a om Behiang khua vapha uhi. Amau India-Myanmar gamgi, Behiang khua ah Myanmar tawh kisumdawn tuahna ding (Border Haat) leh UNC in economic blockade a puan ziaka CCpur district mipi’n haksatna a tuah tungtang uah gamgi jula om army te’n thautui leh van poimawh tuamtuam Myanmar adiakin Chin state akipante ahithei tana khahkol ding in genpih uhi. Manipur Express Editor in Myanmar tawh gamgijul dinmun leh thil poimawh khenkhat amun mahmah a vamu a kanchet poimawh ahihdan gen in ADC Chairman/CCpur a chial ziakin tuni’n Chairman tawh vazin ahi uhi.

Manipur Express | January 14, 2017

HEADLINES:

SC in Budget luikhiak zekaisak dia ngetna ah document ngiat: 

31-Thoubal Assembly seat ah numei 2 leh CM Ibobi kibei ding

Imphal,Jan-13: Manipur Assembly seat 60 ah March 4 & 8, 2017 a phase 2 a Assembly election om ding ah Chief Minister Ibobi Singh bial 31-Thoubal Assembly constituency ah numei 2 in tuh sawm in Chief Minister Ibobi Singh tawh kibei ding uh hi’n thusuak in taklang hi. Numei 2-te lak a khat ahihleh Manipur a Armed Forces Special Power Act (AFSPA) lakkhiak ding phu a kum 15 vingveng angawl a kiphin Irom Sharmila hi a, amah phuhkhiak mah ‘Peoples Resurgence & Justice Alliance ( PRJA)’ kichi party ticket in tuh ding hi. Numei dang khat ahihleh BJP ticket a tuh ding Oinam Indira hi a, campaign leng nei touzel hidan in kigen hi.

Irom Sharmila in tutung Assembly election adia campaign a neihna ah nekguk-takgukna hihbei ding leh Manipur a sepaih thahatna zang a kivaihawmna (draconian law) hihbeina ding a panla ding hi’n gen a, Oinam Indira in ahihleh Thoubal bialsung tawh kisai deuh issue omte tangkoupih hi’n kigen hi. Chief Minister Okram Ibobi kipatna Khangabok Assembly constituency sung a Athokpam hi a gen in Thoubal Assembly constituency mi hilou chi’n Oinam Indira in CM Ibobi soisel chih ahi hi.

Manipur Express | January 13, 2017

Tribal Movement ni 500 chinna zat in om

Lamka, Jan-12: Manipur govt. in ‘Anti Tribal Bill’ 3 a passed ziaka Tribal Movement kipankhia tuni in ni 500 chingta a, huai movement makaihtu Joint Action Committee Against Anti-Tribal Bills (JACAATB) saina in YPA GHQ Hall, Hiangtam Lamka ah tunitak in Mass Prayer Program zat in om hi. Huai hunah Rev. Stephen Chinzathang, Exe Secy,  ZPCS in hunpatna thumna nei in, H. Mangchinkhup, Chief Convenor, JACAATB) in Martyr 9-te suunna hun makaih hi. JAC Chief Convenor in huai huna agenna ah, Tribal Movement pen singtangmite gam-leitang humbitna dia patkhiak ahihdungzui in ‘electoral politics’ tunglam pek a thil hi a, tualsuakmite suahtakna ding in pangkhawm a kalsuan hunta chi hi. G. Liana Vaiphei, President, Manipur Tribals Union Bengaluru & President, Zomi Youth Association Bengaluru Region in hasotna thu gen in Tribal Movement hattak a sunzom ding in mipi kiangah chial hi. Rev. Dr. Sut Khan Thang, Exe. Secy, Chin Baptist Association in 500th Day Message gen in, Tuailai 1434PRO Team in Mass Prayer  makaih uh a, Paunakte 14:34 (Diktatna in Nam a Tawisang) chih pansan in, nekgukna leh Christian society sunga diktatlouhna omte paihkhiak hunta hi’n gen uhi.

Siamsinpawlpi Foundation Day zat in om

Phualvatimes 13 Jan: Siamsinpawlpi in tuni tarik 13, Jan 2017 in a 70veina Siamsinpawlpi Foundation Day cum Siamsin Award Hawmna leh MPSC a lohchinna ngahte kipahpihna programme, Angel's Place, Bungmual ah zatna nei uhi. SSPP Lapi sakkhawmna neih zoh toh kiton in Pastor V. Khamvum in Opening Prayer nei hi.

500th day of the Tribal Movement | Press Release

JOINT ACTION COMMITTEE

Against Anti-Tribal Bills

jac.tribals@gmail.com

Press Release

Lamka, January 12, 2017

Today marks the 500th day of the Tribal Movement, a movement for tribal land, rights and identity that began with the simultaneous reactions against the passing of the three infamous anti-tribal bills by the Manipur Legislative Assembly on August 31, 2015.

Manipur Express | January 12, 2017

HEADLINES:

Ibobi’ tapa Okram Surjakumar in election ah tuh ding:

Congress party candidate dingte hihfel di’n Manipur CM Ibobi in zan in New Delhi zuan

Imphal, Jan-11: Manipur a March 4 & 8, 2017 a Assembly election phase 2 a om ding tawh kisai in Congress High Command tawh kimu ding leh party candidate dingte hihfel di’n Chief Minister Ibobi Singh in zan in New Delhi zuan hi. CM in a zinkhiakma in party candidate ding a lunglut mi 80 val in party office apan application form la ahihdan leh submit theih huntawp January 25, 2017 hi’n gen hi. Huchihlai in Chief Minister Ibobi Singh’ tapa neihsun Okram Surjakumar in term pailel a CM’zi Landhoni Devi’ bial 35-Khangabok Assembly constituency (Thoubal district) apan candidate ding hi’n leng kigen hi. 

NXT Digital Cable News | January 11, 2017

District Governor Lion MJF Roman Bordoloi in zingchiang in lamka hong pha ding a, District Council Chairman Chamber ah Lion Club of CCpur, Greater Lion club international, District-322D te toh hun zang khawm ding uhi.  Hiai hun Lion T Gouzadou in makaih ding a, Lion T Goukhomang, Treasurer in flag salutation, hun patna leh khovel pumpi ah muanna leh lemna om theihna ding in dai dide a minute 1 sung hun zatna pi ding hi.  President Lion Langkhanpau Guite in welcome address gen in, Secretary Lion James Doungel in Annual report piakna nei ding a, Lion Dr, Kim Simte in presentation hun la ding hi.  District Governor Lion MJF Roman Bordoloi apan thugenna om ding a, Lion N Lhungdim IRS Retired in vote of thanks gen in, India lapi sa in hun zang zou ding uhi.

Manipur Express | January 11, 2017

Thautui deih mi tam mahmah

Lamka, Jan-10: United Naga Council (UNC) in hunchiam omlou national highway 2-te ah November 1, 2016 akipan economic blockade abawl ziakun CCpur district mipi’n niteng poimawh tuamtuam ah haksatna tuak uh a, adiak in thautui ah naktak in haksatna tuak hi. Huai dungzui in ADC/CCpur leh philanthropic organization tuamtuam panlakna tungtawn in CCpur district ading Central YMA theihpihna tawh zan in petrol leh diesel tanker khat tuak (litre 12,000 tuak) hongtung a, tuni’n ADC (Town Office) ah mipi lakah zuakin om hi.

 Petrol litre 1 ah Rs. 90 leh Diesel litre 1 ah Rs. 80 zelin leisak hi uh a, diesel ahihleh heavy vehicle-te litre 100, light vehicle-te litre 40 leh 3-wheeler-te litre 10 tan apiak banuah Petrol bel light vehicle-te litre 30, 3-wheeler-te litre 10 leh 2-wheeler-te litre 5 tan pia ua, bazaar a zuaksawnte kiang ah bel piak hilou hi’n kigen hi. Thautui deih mi tam mahleh a hawh teng tangkim uh hi’n kiza hi.

Manipur Express | January 10, 2017

HEADLINES:

ECI in February 7 in ‘Election Notification’ suahkhe maithei: CEO

UNC blockade tawh kisai in ECI in Manipur dinmun enzui touzel

Imphal, Jan-9: Election Commission of India (ECI) in Manipur tel a India state 5 a Assembly election ni ding a puankhiak dungzui in Manipur ah phase 2 in election om ding hi. Phase masa March 4, 2017 in seat 38 ah election om ding a, phase 2na  March 8, 2017 in seat 22 ah om ding hi.Huchihlai in Manipur a Congress government in ki vaihawmna lemtangzaw ding tupna a district 7 a bawlkhiak deihlouh ziak a United Naga Council (UNC) in state sung a national highway-te a economic blockade a bawl ni 69 chingta hi. January 7, 2017 a UNC makaite’n meeting a neihna uah blockade sutzop touhzel sawm uh chih hi a, UNC General Secretary S Milan in blockade khawlsan hilou ding leh Manipur a government office-te ah kiphinna khauhtak pat hiding in gen chihthu om hi. UNC blockade ziakin ECI in Manipur state dinmun enzui touzel hi’n Vivek Kumar Dewangan, Chief Electoral Officer (CEO), Manipur in gen hi. Manipur a Assembly seat 60 a election om ding tawh kisai in ECI in February 7, 2017 in ‘Notification’ suahkhe maithei hi’n leng CEO in gen hi. Huaithu ah election ni ding kha 2 omlai ahihna ah tuhun a thutawp genpah poimawh nailou ahi chi hi. Manipur a highway-2te ah economic blockade a paizom touh zel leh free & fair election neih lemtanlouhna om thei ahihdan leng gen-le-sak tamtak om hi’n leng kigen hi. 

Manipur Express | January 9, 2017

HEADLINES:

Aadhaar nei nailoute’n Aadhaar enrollment slip/application copy neih ngai ding

MGNREGS ah ‘Aadhaar’ aloutheilou (mandatory) hiding

Source: http://images.indianexpress.com/

New Delhi, Jan-8: India gamsung rural bial a tengte adia kumkhat sung a ni 100 sepna muhtheihna Mahatma Gandhi National Rural Employment Guarantee Scheme (MGNREGS) ah April 1, 2017 apan in Aadhaar (12-digit unique identification number) alou-theilou (mandatory) hiding chih Cabinet Secretariat thusuak om hi. Huai thusuak dan in MGNREGS scheme nuai a register kibawlsa kuapeuh in Aadhaar a neih ngai ding a, anei nailoute’n leng March 31, 2017 tan adia enrollment process pailel chih a kilat theihna enrollment slip/ application copy a om poimawh ding hi.   

MGNREGS scheme beneficiary-te’n April 1, 2017 mateng ration card, driving licence, voter identity card, Kisan passbook + photo, job card zangthei lai ding uh hi’n leng a, Aadhaar nei nailoute’n Aadhaar enrollment slip hiam a kisaipih thuneitute kiang a Aadhaar application piak a omsa copy a show theih uh ngai ding hi. Aadhaar/enrollment slip/application copy pen India gamsung pumpi adia identity leh address chetna (proof) a zat hiding chih ahi.  

'Policysiam' Hileng 'Politician' Ka Ut! | Written by K. Lianthansang

Phalbi khovot thuak di lel a va thohkhiat pah di lah hilou, va lup lai di lah hisamlou - laklohtakin ka om kha geigui. Ka mit bel hak kei mahleng, thohkhiat a, ' Zoukhual Hotel' khawng a zing singpi va dawn di'n ka lungsim in suangtauhna ka bawlkhin diamta. Ka lungsim in thoukhe khin mahleng ka taksa bel blanket kawm ah a omlai.

Ka lunggeldan bang ngei in, 'Zoukhual Hotel' lam naih in, papi hon houlimte lak ah ka va tu teei hi. A thugen uh zaw, insung vai leh tate kep didan lam a hikei. Gamsung hoihna di mah kikum tiptip uh a hizaw. Mi pautamlou(paunuamlou hilou) ka hihman in, akiang uah Local Newspaper ka na sim lel a, hong sousan' sim chiang un ka daakkhe kiau lel.

Manipur Express | January 8, 2017

UNC in economic Blockade sunzom ding

Picture source: http://timesofindia.indiatimes.com/

Imphal, Jan-7: United Naga Council (UNC) pawlin March 4 leh 8 a Manipur Assembly Election om hun tan ah economic blockade sutzop hiding in puang uhi. Manipur Naga-te kikhaikhawmna UNC in November 1, 2016 apan National Highway nih ah hunchiam omlou Economic Blockade puang uh a,  tuni in Senapati ah Naga Tribe 16 apan makai-te’n Economic Blockade sutzop ding in thupuk uhi. UNC General Secretary Milan Shimray in tuni a gendan in Manipur Election hunah Blockade lakkhiak hidi’n thuthang om mahleh Election bei nung inleng sunzom ding uh chi a, Election pen Naga-te adia thil poimawh masa ahihlouh banah, pupa hun apan aluah uh gam leitang poimawh zaw hi’n taklang a, Naga-te gam ah kuamah in thupukna bawlkhum theilou ding chi hi. UNC in ahihleh  Manipur a district thak  7 bawlkhiak deihlouh in economic blockade puang uh a, district thak bawlkhiakna ding ah Naga-te thuzak a omlou chih ziakin kiphinna khauhtak pankhia uhi.

Review of Manipur football 2016 | Written by: Seiminlen Kipgen

A year-end review of Manipur football during the year 2016 with

special reference to Churachandpur District football

-Seiminlen Kipgen

Pic source: http://www.comitatoaurora.com/

With the conclusion of the calendar year 2016, we would like to present our esteemed members the chance to look back into some of the biggest football actions seen in Manipur and other places of the Country involving our Manipur club during the year 2016.  

Manipur Express | January 7, 2017

HEADLINES:

‘Union Budget kichi in State tawmchik lel sukha hilou’: Venkaiah Naidu

Supreme Court in Budget luikhiak hun suan ding ngetna nawlkhin

New Delhi,Jan-6: Parliament Budget Session January 31, 2017 akipan dinga, tua tawh kiton in February 1, 2017 in Union Budget luikhiak hiding a Cabinet Committee on Parliamentary Affairs (CCPA) in recommend a bawl Opposition party-te’n naktak in deihlou uhi. Advocate M L Sharma in opposition pawlte ngetna bang in Supreme Court (SC) ah Public Interest Litigation (PIL) thehlut mahleh SC in nawlkhinsak hi’n thusuak in taklang hi. 

Congress, JD-U leh TMC party tel in opposition party 8 apan palaite’n zan in Election Commission of India (ECI) kimuhpih uh a, state 5 a Assembly election om ding kuan a Budget luikhiak ding lemsa lou uh ahihdan theisak uh a, State 5 a vote khiak tawpni March 8, 2017 nung a Budget luikhiak ding phu uhi. Opposition pawl in ECI official-te a kimuhpih ma un President Pranab Mukherjee kiang ah leng budget luikhiak hun suan ding in gelhthawh in ngetna pelut uhi. Senior Congress makai Ghulam Nabi Azad in zan in budget luikhiak kichi ruling party te’ adia vote zonna kalbi poimawhtak ahihthu gen a, election hun kuan a budget luikhiak ahih ngeingei leh ‘free & fair elections’ kichi thil hithei hilou ding chih tanpha gen hi.Tua ziakin Centre a ruling BJP in voter-te a thuzawh nop ziak uh hi’n leng Azad in gen hi.

Manipur Express | January 6, 2017

HEADLINES:

Election observer di’n IRS officer 400 sawl ding:

Opposition party 8 apan palaite’n Budget luikhiak hun suan gamla di’n phu uh

New Delhi, Jan-5: Congress, Janata Dal-United (JD-U) leh Trinamool Congress (TMC) party tel in opposition party 8 apan palaite’n tuni’n Election Commission of India (ECI) te kimuhpih uh a, tua hun in Party 8 apan palaite’n India state 5 a Assembly election om ding kuan a Parliament budget luikhiakna (presentation) February 1, 2017 a neih ding lemsalou uh ahihdan theisak ua, State 5 a vote khiak tawpni March 8, 2017 nung a neih din phu uh hi’n kigen hi. Senior Congress makai Ghulam Nabi Azad in a genna ah, budget luikhiak kichi ruling party-te’ adia vote zonna kalbi poimawhtak ahi chi hi. Election hunma a budget luikhiak ahih ngeingei leh ‘free & fair elections’ kichi thil hithei hilou ding ahi chi’n leng Azad in gen hi. Tua ziakin Centre a ruling BJP in voter-te a thuzawh nop ziak ua huaithu hon bawl uh ahi chi’n leng Azad in gen hi. Zan in leng opposition party te’n President Pranab Mukherjee kiang ah budget luikhiak hun suan ding in gelhthawh in ngen khinta uhi. 

Manipur Express | January 5, 2017

HEADLINES:

Election Model Code of Conduct tuni akipan kizang

ECI in state 5 a assembly election ding puang

Source : http://timesofindia.indiatimes.com/

New Delhi, Jan-4: Election Commission of India (ECI) in tuni’n Manipur, Punjab, Uttarakhand, Goa, Uttar Pradesh a Assembly Election hun ding puang hi. Chief Election Commissioner Nasim Zaidi in  a gendan in Assembly seat 117 omna Punjab, assembly seat 70 omna Uttarakhand leh assembly seat 40 omna  Goa ah ni 1 sung vote khiak (single phase election) hiding chi’n puang a, assembly seat 60 omna Manipur ah ni 2 sung vote khiak (double phase election) hiding a, assembly seat 403 omna Uttar Pradesh ah ni 7 sung vote khiak (7 phase election) hiding chi’n gen hi. ECI thusuak dungzui in Manipur ah Phase I March 4, 2017 ni in Assembly seat 38 ah vote khiak hiding a, Phase II March 8, 2017 in Assembly seat 22 ah vote khiak hiding hi. State 5 a assembly election teng March 11, 2017 akipan vote sim hiding hi. Election Model Code of Conduct leng tuni akipan Election process zawhsiang masiah zat hiding chi’n ECI thusuak in gen hi. 

Manipur Express | January 4, 2017

Tangnuam hanmual ah Siemneihkim sisa in kimukhia

Mipi thangpaite’n DC residence luh, IRB personnel 1 liam

Lamka, Jan-3: Zan sunnung dak 1:00 velin Tangnuam hanmual ah numei siluang khat kimukhia a, Police te’n sunnung dak 2:00 velin siluang  la in hospital morgue ah koih uhi. Bangtan hiam nungin misi pen Siemneihkim (35) d/o (late) P. Lunkhokam of Kolasib, Mizoram  hi a, theih chet ahi hi. Amah Mizoram akipan Christmas leh Kumthak kikal a Lamka hongpha in, Dec 27, 2017 akipan a omna kithei lou  zan in sisa a muhkhiak hi a, a sihna ziak bel theih hinailou hi. Huai thu ah  mipi thangpai te’n tuni nitak in DC official residence luh uh hi’n kigen a, huai ah IRB personnel khat soisak ziak in liam nasa sim hi’n kigen hi. 

Siemneihkim luang tuni’n Police te’n RIMS ah post-mortem bawl sak uh a, huai report om nailouh ziak in police te’n hongpaw kik in morgue ah koih uhi. Thiltung tawh kisai in CCpur Women Police te’n UD Case No.1/WPS-CCP/2017 U/S 174 Cr.P.C. register uh hi’n kigen hi. Huchihlai in, thangpai pawlkhat in tunitak in DC official resident va lut sawm in gate phu hong uh a, huai hun lai a IRB personnel khat duty a om nervous in athau tawilai mek ging kha hi’n kigen hi. Mipi thangpai te’n amau lam a thaukap hidan a thei in IRB personnel Kh. Brojen Singh (41) s/o Kh. Nobin Singh of Thoubal Kshetri Lekai tungah khut kha uh a, a mailak a liamnak mahmah ziak in district hospital ah admit in om hi.

Manipur Express | December 30, 2016

HEADLINES:

Prime Minister Narendra Modi in Manipur hongpha ding:

State 5 a Assembly election om ding tawh kisai in December 30, 2016 in EC in meeting nei ding

Imphal, Dec-29: Manipur tel a state 5 a Assembly election om ding tawh kisai in ‘model code of conduct’ zat kipatma in Prime Minister Narendra Modi in Manipur hongpha ding hi’n thusuak om hi.PM hongzin ni ding puankhiak hikei mahleh January 1st week lak vel hiding a gen in om a, tua hun in Imphal West district sung Koutruk ah National Sports University bawlna dia nasep patna di’n suangphum ding a, tua zawh in Langol Games Village a Mary Kom’ Boxing Academy hong ding hi’n kigen hi. Manipur BJP state office leng PM in pha ding a, State Assembly election ding tawh kisai in party kisak kholhna omsate leh maban panlak dingdan tel in state BJP makaite tawh thu tuamtuam genkhawm ding hi’n leng kigen hi.  

Manipur Express | December 29, 2016

UCM leh AMUCO telin pawl tuamtum in uap

Tribal Martyrs 9-te lak a Khaijamang Touthang vuiliam in om 

Lamka, Dec- 28: Manipur government in August 31, 2015 a 3-bills a pass ziaka CCpur district a singtangmite’n kiphinna aneih hun ua si salpha 9-te lak a naupang pen Khaijamang Touthang s/o s/o (late) Haokhothang Touthang leh Mrs. Nemneilhing of Bijang luang tuni’n zahna liantak tawh Kuki Civil Society Organization inntekna in Bijang hanmual ah vuiliam in om hi. 

Zinglam dak 11:00 in Tuibuong a KIC Complex ah sivuina programme kipan a, United Committee Manipur (UCM) leh AMUCO telin CCpur District sunga civil organization, student leh philanthropic organization tuamtuam akipan makai tamtak kihel uhi. Huai hun ah Kuki Innpi CCpur (KIC), Kuki Innpi Manipur (KIM) banah  civil society organization tuamtuam leh mimal tuamtuam te’n thugen uh a, KIM, KIC KCA, KSO, KKL, KWU, Kuki Senior Citizen, KWOHR, TKSU leh mun tuamtuam a kuki Civil society organization a makai te’n Salpha Khaijamang Touthang galna in pak pia uhi. 

Manipur Express | December 28, 2016

HEADLINES:

Para-military personnel company 1,000 zat hiding:

Election Commission of India (ECI) in State 5 a Assembly election neih ni ding puangpah ding

New Delhi, Dec-27: Election Commission (EC) of India in December 28, 2016 -January 4, 2017 sung in state 5 a Assembly election neih ni ding puangk he ding hi’n kigen hi. Manipur leh Uttar Pradesh state tel a state 5 a Assembly election neih a om ding ah para-military personnel lakh 1 vel zat hiding in hi’n leng kigen hi. Election Commission in Ministry of Home Affairs (MHA) kiang ah company 1 a personnel 100 zel omna para-military company 1,000 zat theih dia mansa a koih ding in theisak a, election ahihleh tuban kha 2 sung a neih leh zawhsiang hiding hi’n gen uhi.

EC in tunaizek a Ministry of Home affairs apan top official-te tawh meeting a neih hun in election a security personnel zat ding tawh kisai ngetna bawlkhin hi’n kigen a, huai ah state 5-te a Assembly election hunsung a security panlak dingdan tel in thu tuamtuam tamtak leng genkhawm uh chih ahi. Assembly election neih a omna ding state-te ah central force-te kia hilou in a kisaipih state police force-te leng venbitna lam enkai a zat hiding hi’n kigen hi.

Manipur Express | December 24, 2016

HEADLINES:

MoS (Home) Kiren Rijiju in tuni’n Manipur dinmun hong enkhia:

Centre in NH nihte ah economic blockade lakkhiak ahih theihna ding in a poimawh bang a panlak kipan : Rijiju 

Imphal, Dec-23: Union Minister of State for Home Affairs Kiren Rijiju in a gendan in National Highway No. 2 leh 37 a hun chiam omlou economic blockade akin theilam a aven theihna ding in Centre in a kul leh poimawh bang a panlak kipanta hi’n gen hi. UNC in hunchiam omlou economic blockade a puan uh a zukkik theihna ding uh thiltup a nei in Minister in tuni’n Imphal hongpha a, hongtun phet in Chief Minister O. Ibobi, Dy. CM Gaikhangam, State Govt. a top civil leh police officialte banah Centre in security hon sawl makai officialte tawh kimukhawm in economic blockade bangzahta a khauh hileleng lampi (NH 2-te) ngeina bang a honkhiak ding tungtang genkhawm uhi. 

Huai zawh in Imphal a Old Secretariat a Conference Hall ah Kiren Rijiju in news saite kimuhpih a, huai hun ah hunchiam omlou a blockade bawl kichi thil hithei hilou a, banghiam lampi dang zon teitei ngai ahihman in huai ding in Centre leh State govt. in pan alak khawm ngai hi’n gen hi. Tu leh tu in Manipur ah Centre in hon sawl para-military force Company 184 in nasem lel uh hi’n gen a, amaute banah lampi honkhiatna a zat ding in para-military force company 7 vel tulel in Manipur zuan a hongpai uh hi’n leng gen hi. Aman agenzel danin economic blockade ziak a Manipur a thil omdan ‘humanitarian crisis’ hi a, hiai tawh kisai in politics a min hoihna zon sangin Centre leh State govt. in mite gentheihna bei theihna ding in akin theipen a panlak ngai hi’n leng Minister in gen hi. 

Manipur Express | December 23, 2016

HEADLINES:

Nagaland tawn a gari taite buailouhna dia enkai di’n Nagaland CM theisak: 

Union Home Minister in Manipur Chief Minister kiangah blockade khawlsak dia panla di’n nawh

New Delhi, Dec-22: Union Home Minister Rajnath Singh in tuni’n Manipur Chief Minister O Ibobi Singh kiang a message a khakna ah Manipur a National Highway-2 a blockade paizom tungtang gen in Blockade in state sung a dan leh thupiak dinmun a hihsiat banah niteng poimawhte taksapna liantak tun ahihthu leng gen hi. Manipur government in National Highway-te hihbuai a om louhna dia panla ding a tamveitak theisak khinta hi’n leng gen hi. Centre in a poimawh bang a Central force kiningching pekhin ahihna ah National Highway tawn a state  mite niteng poimawhte puaklut ahihna ding a Central force-te zang ding in leng theisak thak hi.       

  Dan leh thupiak dinmun kepbit leh state sung a niteng poimawhte puaklut chihte Constitution dungzui a state government mawhpuakna ahihdan leng zasak a, huai sepsuahna ding ah state a makai lianpen ahihna dinmun zang ding inleng theisak hi. Union Home Minister in CM kiang ah Manipur mipite adia Constitution in thuneihna a piak dungzui a mawhpuakna semkhe ding in theisak a, National Highway-te honkhiak ahihna ding a Government of India in state force-te panpih ahihdan leng taklang hi. 

Rajnath Singh in Nagaland Chief Minister T R Zeliang kiang ah leng Naga Students Federation (NSF) in Nagaland state sung a National Highway a gari taite blockade bawlkhum uh ahihthu report a zak leng theisak a, Nagaland state sung a gari taite’n haksatna leh buaina a tuah louhna ding a enkai di’n Nagaland CM kiang ah  theisak hi’n leng thusuak in taklang hi.