Salpha Zailaa | By: McMuan S Ngaihte

SALPHA ZAILAA

By, McMuan S Ngaihte 

Artists: McMuan S Ngaihte, Chaihlun Hauzel, Liani Parte, Janeth Valte and Nenglalsang Vaiphei

Tribal Unity Day | Floral Tribute to 9 Tribal Martyrs August 31, 2016

Manipur Tribal Movement - 365 Days | News in Pictures

GUITE ROAD (NH 102 B) ONGOING CONSTRUCTION ONSITE VISIT REPORT

— TRVM Lamka JHQ, ATWU & ATML —

Hun sawtpi akipan awlmawhhuai leh deihthawh huai mahmah a i gengen Guite Road, (National Highway 102-B) ahi hi. Hiai lampi pen ei singtangmite adinga hinna guipi(lifeline) khat dan in igen a, adik mahleng ahi hi. Hinna guipi chi a igen  Lamka zanga omte hinna guipi kia hilou in zodawn a om i unaute ading mahmah in poimawh zawtham hi. Aziak ahihleh hiai lampi hoih leh hoihlou in i mi-leh-sate khoihkha diak hi. Nek-le-tak zonna banah  huanhaite Lamka a zuak theihna dingin lampi hoih poimawh a, damlou hitang kintaka ki-etkol theihna dingin hiai lampi mah poimawh hi. Tuakia hilou in lampi hoihlouh ziakin lam paina ding in hunsawtpi lasek a, govt  nasem tampi akisaipih SDO, police leh departt tuamtuam a sem  tampite’n leng a sepna mun ua a omlouhna ziak uh a suanlam tangpi khat uh leng hiai lampi hoihlouh ziak ahi hi.

Manipur Express | August 30, 2016

HEADLINES:
TWA GHQ makaih in tribal unity rally om
Kiphinna dan in numeite’n tuni'n silent rally nei
Lamka, Aug-29: JAC against Anti-Tribal Bills makaih in tuni’n numeite’n peaceful silent rally pai  uhi. Rally paite CCpur College a kingakkhawm in Paul Lalchhanhima, Secretary, JAC-AATB in rally paiding dan pulak a, Mrs. Boboi Gangte (retd.),  ZEO in thumna in khakhia hi. Rally a telte’n Tipaimukh Road-Phailian- Compound Veng-Tedim Road-Police Station-Tipaimukh Road zui in Hiangtam Lamka a Salphate’ Pumbuk ah zou uhi. H. Mangchinkhup, Chief Convenor, JAC-AATB in a thugenna ah Bill 3-te ziaka kiphinna kum 1 ching ding himahleh Salpha 9-te tawh kisai Manipur govt. tawh kikup khawmna omlou hi’n gen a,  India President in bill 1 nawlkhin mahleh bill dang 2-te dinmun theih hilou ahihman in kiphinna khawltheih vual hilou hi’n gen hi. Maban Assembly session ah bill thak puaklut ding leng alui tawh kikhiatna omlou ahihman in pawmtheih vual hilou chi hi. JAC in half-day total shutdown a puan leng khauh mahmah in  khawpi sunga siamsinna inn, dawr leh bazar kihong muh ding omlou a, tuzankim apan Aug. 30 sun dak 12: 00 tan half-day shutdown paizom ding hi.

EBC-BYF Imphal Division In Tuailai Khawmpi a 30veina Zang

Imphal, Aug-29 (PhualvaTimes.com): Apaita 27-28 August, 2016 sung in EBC (Evangelical Baptist Convention) BYF (Baptist Youth Fellowship) Imphal Division in Tuailai Khawpi a 30veina EBCC Lamphelpat ah zang uhi. Hiai hun ah Rev. K. Kamchinkhup, DS/Imphal Division in Aug-27 zinglam dak 10:30 in khawmpi hong hi. Khawmpi hunsung in Rev. N. Pumsuanmung, Youth Co-ordinator, EBC leh Rev. K. Kamchinkhup, DS/Imphal Division te’n “Thutak leh diktatna a kibulphuh thakna” chih thupi pansan in thugenna nei uh a, khawmpi lohching tak in zousiang uhi.

Manipur Express | August 29, 2016

HEADLINES:
Sept 1-5 sung Tribal area teng ah General Strike puang
Tribal issue tungtang thupukna tuamtuam bawl
Lamka, Aug-28: Outer Manipur Tribals’ Forum(OMTF) a kikhai khawm Hmar Inpui, Mizo People Convention, Thadou Inpi, United Naga Council leh Zomi Council makaite’n tuni sunnung dak 2:00 in Lamka ah JAC-AATB tawh Joint Meeting nei in thupukna tuamtuam bawl uh a, Tribal Martyr 9te vuikhiakma a ‘3 Anti-Tribal Bill’ teng hihbei masiah, State Assembly in Bill thak ngaihtuah lou dia ngetna abawlte uh limsak hilou a “Regulation of Non-Local People of Manipur bill-2016” guanglut sawm ahihnawn ziakin September 1 zankim apan Sept 5 sung Manipur Govt. tunga lungkimlouh latsakna in Tribal area tengah General Strike puang uhi.

Manipur Express | August 28, 2016

HEADLINES:
Tribal Unity Day zatna ding tawh kisai programme paitou zel
Ex-Servicemen, Widows leh Senior Citizen-te’ Rally pai

Lamka, Aug-27: JAC against Anti-Tribal Bills(JAC-AATB)  makaihna in Bill 3te ziaka singtangmite kiphinna kum 1 chinna, Salpha 9te sih champha banah Tribal Unity Day a manpha theipen a zatsawm in Aug 31 tan daih ding week-long protest pailel hi. Tuni’n Ex-Servicemen, meithai leh senior citizen kigawm mi 200 valte’n kiphinna danin khawpi sungah Rally pai uhi. Amau CCpur College apan Ricky Vanlallawm Guite, Principal, CCpur Govt. College in thumna in khakhia a, rally a paite’n banner ah ‘Total Separation from Manipur, the only Solution’ chih gelh in placard tuamtuam tawikawm in Tipaimukh Road -Red Cross Road -Tedim Road-Lamka Police Station-Tipaimukh Road zuitou in  Salphate Pumpuk ah zou uhi. Huai ah JAC makaih in sit-in-protest neite’n ana vaidawn uh a,  mi tuamtuam in thu gen uhi.  Huchikal ah veng tuamtuam ah leng amau lemtandan chiat in kiphinna danin dharna tu uhi.

Women folk rally for Total Separation from Manipur | Lamka | August 29, 2016

Manipur Express | August 27, 2016

HEADLINES:
Tuni in sun dak 12.00 tan Total Shutdown om
Diesel Auto Association pawlin Unity rally nei

Lamka, Aug-26: JAC against Anti-Tribal Bills makaih singtangmite’n Aug. 31 apan kiphinna kum 1 ching ding a, huai tawh kiton in tuni’n movement hatsem ding tupna in zing dak 6:00 apan sun dak 12:00 tan total shutdown om  hi.  Huai hunsung in khawpi sunga govt. office, school/college-te, bazaar, dukante kikhak a, veng tuamtuam ah sit-in-protest  om hi. Tuabangkal ah, All CCpur Dist Diesel Auto Owners Assn (ACDDAOA) makaih in khawpi sunga Diesel line tuamtuam in kiphinna danin auto rally nei uh a, huai ah Line Assn 17 akipan Diesel Auto 600 te’n rally nei uhi.  Rally a teldingte Kawnpui  playground a kingak in H. Mangchinkhup, JAC Chief Convenor in thugen a, Lt. Vanlalchulloua, Salvation Army, Thingkangphai Corps in thumsak in Paul Lalchhinhima, Secretary, JAC-AATB in khakhia hi.  Kawnpui- Tedim road- Sielmat leibul ah luttou in Lamka hanmual  tawn in Hiangtam Lamka a PTC GHQ office kianga  suakkhia in Salphate Pumbuk ah  salphate’ zahna  pia uhi.  JAC-AATB thusuak dan in Aug. 27 inleng sun dak 12:00 tan total shutdown om nawn ding a, huai in media house & telecom, electricity, medical emergency, entrance exams (SSC CGL Tier-I), khawmpi ding bikhiahsa banah airport a khak leh pingaite khahkol hiding a, hileleng chetna lai alahtheih uh ngai dingin taklang uhi.

Manipur Express | August 26, 2016

HEADLINES:
Kashmir milip 95% te’n lemna leh muanna deih uh - CM
HM leh J & K CM in state sung buaina genkhawm
New Delhi, Aug-25: Union Home Minister Rajnath Singh in zan apan Jammu & Kashmir veh in civil, police leh department tuamtuam a official-te banah khawtang makai tuamtuam  telin mi 300 val kimuhpih a, amau teng in lemna deih uh hi’n gen hi. Home Minister in Chief Minister Mehbooba Mufti tawh maban panlak dingdan genkhawm nawn uh a, tuni’n Srinagar ah Press Conference sam uhi. Kashmir mipi 95% te’n lemna leh muanna lunggulh in kihouna tungtawn a buaina hihveng deih uh ahihdan Chief Minister Mehbooba Mufti in huai hunah gen a, huchihlai in hiamgamna deih 5% te ziakin atamzawte deihdan paitheilou chi hi. Security force te’n July 8 a Hizbul Mujahideen commander Burhan Wani akaplup nung un Kashmir phaizang bial ah buaina sousangtak piang a, tunitan in mi 68 a sih banah midang 10,000 val liam uhi.

Lamka Senior Citizens rally against Manipur Govt and the 3 Anti-Tribal Bills

Manipur Tribal Movement 1st Anniversary | Diesel Auto Rally om; Total Shutdown khauh

Siamsin Shillong Felicitation Cum Freshers Welcome Program zat In Om

SIAMSINPAWlPI JOINT HEADQUARTES SHILLONG 

SIAMSINSHILLONG FELICITATION CUM FRESHERS WELCOME PROGRAM 

Date: 25th AUGUST 2015 

Time: 11:00 

VENUE: New Life Multipurpose Hall, Laitumkhrah Shillong 

Patna ding in Host Pu.S.Thainlalmuan Ngaihte in mipite vaidawnna nei in kipahna khut betpih zaizai in program highlight nah on nei hi. 

Huai zohin Artistes te makaihna in Siamsin Laapi sakkhawmna mipi in kei nei a,huaizoh in Asst.Pastor Pauboi, EBCC in hunte Pathian kiang a latna thumna hon nei hi. 

Program honna neih ahihzohin vaidawn thugenna Pu Suankhenmung Shoute President SSPP JHQ.Shillong in hon nei a, SSPP vaipaw lel te leh Advisory Board te pulakna hon nein gal hi.Aman  Siamsinten cihtakna toh Pathian laukawm a siamsin dingin  freshers te hantawnna nei hi.Aman Siamsinpawlpi malakna leh sep leh bawl kinei te leh kinei tou zel dingte leng pulakna hon nei hi. 

Ka Pa’ Damlai Suangphuh…

Written by: K. Lianthansang

Zinglam dak 8:30 velin Dorcas Veng (Chiimtung area) a om – ‘TAAM NEEM FAST FOOD’ kichihna lam ka zuantou hi. Awl in ka pai  a, Hotel(Taam Neem Fast Food) a hawh dia paitou hilou ka hihman in ka na sepna ding mun ah ka lut pah hi. Zinglam dak 9: 00 hong gin takin, inn neitu in nasem dia kisateng hon samkhawm in, thu saulou hon gen a, thumna tawh nasep kipan dingin hon lankhia hi. Nisa nuai ah nasem in ka om vingveng uhi. Singpi dawn hun a khawl chihlouh ka khawl ngeikei ua, nasep tha-it takin ka om chiat uhi.
    Huai hun a ka nasep uh inntung a suangneu(chip), cement leh leingoi kitokpolhkhawm sun ahi. Ka sep tunglam un, atunglam ah mi bangzah hiam in baltin in khaitou a(khau zangin); a nuailam ah bangzahhiam in ka na supply zel uhi. Baltin 2-3 khawng lel a kikhaitou a, kisung ahihman in ka nasep uh deih

Manipur Express | August 25, 2016

HEADLINES:
Nau deihloute Rs.10 lakh liausak nung in kum 10 jail tang ding
Union Cabinet in Surrogacy (Regulation) Bill 2016 pom
New Delhi, Aug-24: India gamsung a nupi naupai theiloute’n midang chi(sperm/egg) zanga naupai a lunggulh tungtang uh enkai di’n Union Cabinet in tuni’n Surrogacy (Regulation) Bill, 2016 pomna bawl a, huai tungtawn in sumdawnna dia chi kipiaktuahna(surrogacy) kham hiding hi. Midang chi zanga naupaina(Altruistic surrogacy) zangthei dingte ahihleh nupa kiteng khinsa, ta 1 tan neite hiding uh a, single parent, homosexual couple, live-in relationship couple te’n naupaina ding in midang chi zangtheilou ding uhi. Surrogacy (Regulation) Bill in aphalsakte bel kum 5 tan nupa hinkhua zang khinsate hi uh a, numei pen kum 23-50 kikal ahihding banah apasal pen kum 26-55 kikal ahih ngai ding hi. Huailou in nupi khat in midang chi zang in khatvei sang a tamzaw naupai theilou ding in gakna bawl hi.

Manipur Express | August 24, 2016

HEADLINES:
World Class Computer Studio honna om 
Lamka, Aug-23: New Lamka Upp Primary School in Tribal Affairs & Hills(TA & Hills)  akipan ‘World Class Computer Studio’ a ngah bialtu MDC CT Lian Guite inntekna in tuzing in hong uh a, Chief Guest a pangin Langkhanpau Guite, Chairman, ADC/CCpur in  hong a, Pastor K. Tualkhothang, Local Pastor, EBCC/Dorcas Veng in Pathian kiangah lan hi.
    Chief Guest  in  ADC nuai ah school 170 om in teacher  1248 om a, New Lamka Upp Primary  school a sem teacher-te kipiak zawhna ziakin school dangte’ etton tham hi a, tuaziak in World Class Computer Studio tangkha hi’n gen hi. Hiai school a kai naupangte banah kim le kianga om naupangte’n leng  a hamphatpih uh lam-et thu gen hi.

Siamsin Shillong Felicitation Cum Freshers Welcome Program

Siamsin Shillong Felicitation Cum Freshers Welcome Program

Venue: New Life Multipurpose Hall ( Opposit Siamsin Inn Laimukhrah )
Date: 25 August 2016
Time: 11.00AM

Host: Pu S Thianlalmuan Ngaihte
post Doc. Scholar, NEHU

Siamsinna Leh khotang Kivaipuakna
President / Secretary YPA Shillong

Siamsinna Leh Biakna
Rev. L Kamzamang Ngaihte
Director HFM

Mr. Jameson Guite
Special Artiste

EBCC Central Lamka Quarter Thak Hon In Om

Lamka, Aug-23 2016 (PhualvaTimes.com): Apaita pathianni Aug-21, 2016 sunung in EBCC Central lamka huangsung a om, Pastor quarter Rs.11 Lakhs vel bei a puahthak a om luahtheih ding in honna Rev. S Vung Minthang, General Secretary EBC Pathian kiang a lan in hong khia hi. Hiai Quarter mit a mukhapeuh in hoih sa mahmah in, tuni tan a Lamka a Quarter (Govt leh private org tuamtuam) hoihpen pawl hiding in gen uhi. Quarter ahihleh 3BHK (Bed room, Hall, Kitchen) leh bathroom cum toilet 2(nih) om hi. Hiai EBCC Central Lamka Quarter thak aluah/om masapen ding bel tua EBCC central lamka bial Pastor na sem a omlel Pastor Letzathang Guite & Family te hiding uhi.

Manipur Express | August 23, 2016

HEADLINES:
Lamka khawpi a niinte tungtang genkhawm uh

Lamka, Aug-22: ADC/CCpur sik-le-tang in M. Gouzamang Guite, EM, ADC/CCpur  in tuni’n New Delhi a Manipur Bhavan/Tikendrajit House ah Sr Executive Environment & Biotech Divn., Excel Industries Ltd. Divendra Singh Soun kimuhpih a, Lamka khawpi  a niinte etkai dingdan (solid waste treatment plan) banah Centralized leh De-Centralized Municipal Solid Waste Treatment tawh kisai houlim uhi. Environment & Biotech Division, Excel Industries Ltd. in Lamka khaw mipi’ ading in 20 tons capacity per day Solid Waste Treatment Plan ading project gelh dingin lemsa uh a, Lamka ah Centralized Process of Municipal/Town solid waste treatment poimawh ahihdan mukhia uhi.

Press Invite | JAC Against Anti-Tribal Bills

PRESS INVITE

Lamka, August 20, 2016

Dear Sir/Ma’am,

On August 31, 2015, the Manipur Assembly passed three anti-tribal bills, namely, the Protection of Manipur People Bill, 2015; the Manipur Land Revenue & Land Reforms (Seventh Amendment) Bill, 2015; and the Manipur Shops & Establishments (Second Amendment) Bill, 2015.

Public Appeal | Joint Action Committee Against Anti-Tribal Bills (Manipur)

Public Appeal

Lamka, August 22, 2016

The  Joint  Action  Committee  Against  Anti-Tribal  Bills  (JAC)  paying  its  utmost respect to the nine Tribal Martyrs, plans to organize the first ‘Tribal Unity Day’ across Manipur on August 31, 2016. In a build up to this day, starting from August 26 (Friday), the JAC will organize a week-long agitation: public meetings, torch rallies, traditional gun salutes and various other forms of protests in Lamka, the epicentre of the ongoing Tribal Movement in Manipur.

NXT Digital Cable News | August 22, 2016

Tuni sunma dak 11:00 in Presbyterian Church, Lamka ah Manipur Presbyterian Church Synod Mission & Evangelism Seminar Retreat 2016 hun thum a khen in programme zat in om hi. Hun masa Rev. S T Kai a Vaiphei, i/c Mission & Evangelism in makaih a, Rev. Vanmawia, Moderator in hun honna nei in “Church and its Mission” chih thupi pansan in sinsak hi. Hun nihna Rev Laldawngliana, Sr. E/S in makaih a, Rev. Yangkhongam Baite in “Ministry and its Strategies” chih thupi pansan in sinsak hi. Hun thumna Rev. ST Kaia vaiphei, i/c Mission & Evangelism in makaih a, Evangelist te’n report pia in houlimna nei uhi. Rev. Laldawngliana in vote of thanks gen in hun zangzou uhi. Tuni a seminar nei hun ah Tuithaphai Presbyterian, Khuga-Sadar Presbyterian leh Eastern Manipur Presbyterian te a pan Evangelist 35 paikhom uhi.

MTFD Press Release Regarding The New Bills

MTFD PRESS RELEASE

22.08.2016

Apropos of the  attempt by the Manipur Government to pass a new bill, viz. Manipur Regulation of Non-Local People Bill 2016 in the forthcoming Session of the Assembly, the Manipur Tribals' Forum Delhi (MTFD) would like to state its position as under:-

1.      The tribal people of Manipur have no trust or confidence in the present Government under Shri O. Ibobi Singh. This is the Government that sought to rush through the three anti-tribal bills. Only when the attempt did not succeed they draft a new bill without changing the substance in the old bill, which was withheld by the President, with the same anti-tribal motives. It is nothing but 'old wine in a new bottle'.

Manipur Express | August 22, 2016

HEADLINES:
Manipur adia numei Governor masapen kichiam
Imphal, Aug-21: Dr. Najma A. Heptulla tuni zinglam dak 11.30 in Raj Bhavan a Darbar Hall ah Manipur Governor thak dingin kichiam hi. Manipur High Court a Acting Chief Justice  Rakesh Ranjan Prasad in Dr. Najma kichiamsak a, Dr Najma A. Heptulla bel Manipur adia numei Governor masapen ahih banah Manipur Governor 18na ahi hi.
    Governor thak in kichiamna a neih zawh in amah zahna in Guard of Honour om a, Media-te’ dotna Governor in a dawnna ah Manipur masawnna ding leh khantouhna dingin panlak theihna tenga panla ding hi’n gen hi.

Mumbai Zomi Welfare Association (MZWA) Fresher’ Meet 2016 Report

Reported by: Thangkhenpau Guite

From Ground Zero

August  15,2016 pen kumdangte banglou in khua pha a, huihsiangte nung heuhheuh in khohun nuam mahmah hi. Mumbai khopi leh asehvel a om Zomi te ading in leng tuni hun pen nithupi leh poimoh mahmah khat ahi. Dak gingzah enkawm in kaki sa meng meng a,a hunma ngei a tun sawm in kakipei hehu mai hi. India in British te khut a pan mahni kivaihawmna zalenna amuh nung a kum 70 chinna Independence Day  lawm ding a kisa khawl chauh leng ka hi kei a, Mumbai Zomi Welfare Association in kumteng a asai, melthakte vaidawnna hun Freshers’ Meet 2016 zangding kithalawp a om maimai theinawn lou kahi zaw hi. Kindeuh a kisa in ka lawinu leh ka tapa toh Mumbai Local Train a tuanding leng lunggulh lou in Taxi kala ua, Western Express Highway tawn in Meet neihna mun ding Asha Kiran Hall, St Pius College Campus, Goregaon East, Mumbai lam manoh in kaki khohtou viahviah mai uhi.

Manipur Express | August 21, 2016

HEADLINES:
ATWU pawlte makaih in tuni’n  Public rally om

Lamka, Aug-20: All Tribal Women Union (ATWU), Gen HQ/CCpur makaih in tuni’n Manipur singtanggam ah 6th schedule a kivaihawm phutna in public rally om a, mun tuamtuam akipan mi tamtak  paikhawm in Chairman ADC/CCpur leh  DC/CCpur tungtawn in Prime Minister ading memorandum pia uhi. Rally a paite Dist. hospital morgue ah Pastor Ginzatun, Local Pastor EBCC V. Munhoih in thumna in khakhia a, IB Road-Tedim Road-Tuibuong Forest Gate- 27 Sector Assam Rifles kong a lampi zui in  Dist. hospital tan  lampi zui in rally zou uhi.

SSPP JHQ Delhi Saina In Siamsin freshers meet and career guidance 2016 Hun Zat In om

Nisim 20th August 2016 ni in  JNU convention centre mun ah siamsin dia Delhi zuan thak te vai donna program ki nei hi. Huai hun ah melthak 118 laka 70 val te tel thei un Piangrouthang(pyr t)  leh Margret Goulun, te compere  na toh mi tamtak in su thathou mah mah hi.

Program honna din Upa Khamkhansuan in hunpatna thumna nei in Delhi Siamsin Pawlpi te trowback video etna neih in awm a Siamsinpawlpi anthem sakna in zui hi.Program ki patna din Delhi SSPP President hih na len lel Khammuanlal in mipi te vai donna thu gen in hiai program subuching dia hong pai te tung ah kipah thu gen hi. Hiai hun in lasiam siam taktak Melody Varte, Mary Naulak leh Siamsin tulmoh ten laa sak na toh mipi te tai sak mah mah uhi.   Thugen manpha taktak te ngaih khiak in om a, amasa pen ding in Dr. Rose Nembiakkim in 'Failure is not an option' chi thupi zang in melthak leh mipi hong pai khomte chouna nasatak hong nei hi. Tua zom in Pi Nemlianching heu in  'Shakti Foundation' kichi Naupang tagah te etna a om ten eimi laa thum sa un mipi te tai sak mah mah hi.Tukum a graduate thak Bliss Ningnem leh K. Lalthang in a zom in "Do's and Don'ts" for freshers in Delhi cih thupi zang in thu manpha tak Delhi khotual a omding dan leh college a azil khiak leh hih tuak a sak te uh hong share uhi.

NXT Digital Cable News | August 20, 2016

Tuni sunma dak 10:30 in All Tribal Women Union, General Headquarters, Churachandpur saina in Lamka khopi sung ah Rally neih in om hi. Rally ahihleh District Hospital ah kipan ua, , IB Road tawn in Teddim Road zui a suak khia in Tedim Road zuisuk uhi. Tuibong a 27th Sector Assam Rifle te omna kong tawn in DC Office, Churachandpur ah lut ua, huai ah Lunminthang Haokip, IAS DC/Ccpur kiang ah memorandum pia uhi.

Manipur Express | August 20, 2016

HEADLINES:
Prime Minister in ni 4 sung in a thuchiam semsuah
Indian Freedom Fighter 37,981-te lawh 20% in pung
 New Delhi, Aug-19: Prime Minister Narendra Modi in Red Fort a Independence Day 70veina zat hun in Freedom Fighter-te khalawh punsak ding in thuchiam bawl a, huai thuchiamte tuni a sepsuah a om in, India zalenna dinga panla, mi 37,981-te khalawh 20% a punsak in om a, Rs. 25,000 lawh te’n Rs. 30,000 lawhta ding uh hi’n Home Ministry apan thusuak om hi.

Manipur Express | August 19, 2016

HEADLINES:
NDA solkal thiltup lianpen ‘nation building’ ahi : Modi
PM in BJP Headquarter building suangphum hong 
New Delhi, Aug-18: Prime Minister Narendra Modi in New Delhi ah tuni’n BJP Headquarter Building suangphum hongkhia a, National Democratic Alliance (NDA) government thiltup lianpen ‘nation building’ ahi chi’n gen hi. BJP in vaihawmna khahsuah in opposition party ah om le uleng a thiltup uh pialsanlou ding uh chi a, India zalenna ni akipan BJP in haksatna tamtak tuak hi’n gen hi. Party thiltup lianpen gamsung bawlhoih ding ahihdungzui in, khentuam omlou in michih adi’n kalsuan ding uh hi’n leng Prime Minister in gen hi.

NXT Digital Cable News | August 19, 2016

All Tribal Women Union, General Headquarters, Churachandpur saina in zingchiang in rally om ding hi. Hiai ding toh kisai in tuni sunnung dak 2:30 in ATWU ten District Hospital Morgue kiang a salpha 9 te suunna programme zatna mun ah Lamka pansan aom Press/media te kimuhpih in programme ding tohkisai pulakna nei uhi. Hiai hun a a gen dan un, Manipur Singtanggam a Sixth Scheduel Provision a ki zat taktak ding deihna ziak a rally sai a om ding hidan in gen uhi. 

Rally a tel ding te zinglam dak 10:30 in District Hospital Morgue ah kipan khe ding ua, IB Road tawn in Teddim Road zui ding ua, Forest Gate kiang a kihei tou in, Council office tan pai ding uhi. ADC office, Tuibuang ah, programme saulou zang in  Prime Minister of India a ding Memorandum, Council Chairman kiang ah pia in huai apan hong kiik ding uhi. Hiai rally pen mimal/ pawl leh nam khat ai-tuam  a ding hilou a, singtang mite a dign lieuliau ahihna ah, a tamthei lam tel chiat ding in chialna bawl ngal uhi. 

“MINUTE 25 IN KA ZEKAI A AHI”

Written by: Khamkhanthuam@ Jejem Young

 

An Idea taken from 25 minutes too late (MLTR)

“Khawilam lanu nge maw inih le?Tu hria leng chawi nge maw inih le?
Tiangreng a, kadawn lungruk min tibuaitu,ka tawng ngailou nanglo chu.
Aw hmeltha, aw hmeltha izun leng ngaih reng ana e.
Isakhmel tawnni lo her thin mahse. Mitkap kar leh chhungin mual iliam leh thin.
Ipar mawi nahi katan hian lung ngaihna leh beidotna;
Tahna ruam a min tlan Tir tu, nihtir suh aw hawilo par ka enchimlo.”

Hichibang zaila ‘Vanlalsailova’ in ana awih ngiahngiah lungsung ah hongdawklou theilou hi.Siamsin, khawlam a suty pai a ka omkhak laitak ahi chih ka thei lai a, lawmte tawh hunnuam zangin luidung khawng ka hawh sek uhi. Sabang ka Tatna, mimbang ka pianna vangkhua a omlel ka hih manin zingkar khat lawmte tawh luidung hawh dingin ka kisak laitak in ka nunglam ah gari ‘Bolero’ khat ahong gingphei a,

Manipur Express | August 18, 2016

HEADLINES:
India President in state tuamtuam 4 a Governor ding guang
Manipur Governor thak di'n Dr. Najma A. Heptulla

Dr. Najma A. Heptulla

New Delhi, Aug-17: India President office’ (Rashtrapati Bhavan) akipan tuni a thusuak dungzui in India President Pranab Mukherjee in state 4 a Governor thak ding guang chihthu om hi. Huai thusuak dungzui in Assam Governor thak ding in Banwarilal Purohit guan hi a, Manipur Governor dingin Dr Najma A. Heptulla guan in om hi.  V.P. Singh Badnore in Punjab Governor hihna len ding a, Andaman and Nicobar Islands ah tulela Lieutenant Governor hihna len Lt. Gen. (Retd.) A.K. Singh, PVSM, AVSM, SM, VSM mun ah Prof. Jagdish Mukhi in Lieutenant Governor hihna len ding hi. Rashtrapati Bhavan thusuak in a gendan in Governor thakte’n charge a lak hunhun un a appointment uh effective(kipan) ahi ding chi hi.

    Union Minister-lui Dr Najma A. Heptulla in Manipur Governor hihna len ding chih Manipur government leng official in theihsak hita hi.

Manipur Express | August 17, 2016

HEADLINES:
Tuibuong a Peace Ground ah Independence Day lopna om
1st MR Parade Ground ah State Level a lopna om

Imphal/Lamka, Aug-16: India gam mun tuamtuam a kizang bang in Imphal a 1st MR Parade Ground ah zan in Independence Day (kum 70 chinna) lopna hun ah Chief Minister O. Ibobi khuallian in pang a, aman India puanlap (National flag) a kaihpalh banah march pass a tel contingent tuamtuam akipan salute la hi. Chief Minister in state maban ding ngaihtuahna in kuapeuh kituak a, pankhawm poimawh hi’n gen a, Manipur ah muanna leh khantouhna a om theihna ding in eite kipumkhat a pankhawm poimawh ahihdan gen hi. Huai banah Tuibuong Peace Ground a District Level 70th Independence Day lopna ah Chief Guest in Lunminthang Haokip, IAS, DC/CCpur pang a, aman India puanlap a kaihpalh banah march pass a tel contingent tuamtuam akipan salute la a, Independence Day tawh kisai thugenna hun leng zang hi.

Manipur Singtang Mite : Electoral Politics - III | By: Dr Sanga R Laingek

Thupatna: Sehkhen nihna supzopna in Manipur Singtang Mite: Electoral Politics kichi thulu a nei in sehkhen thumna gelhnawn le’ng i chi ahi. Electoral Politics chih i gen chiang in, Manipur State toh kisai biik in gen le’ng MLA Kitelna February/March, 2017… vel a hong omnawn pah diing toh kisai ngaihsutna giltak a suangtuah kisam petmah ahi chih mipite in chiamteh tinten diing in i kihasuan hi. Kitelna hun a atuhsawm, ‘Intending Candidates’ mite a diing a bang pentak sem a, awlmohna nei a MLA kitelna-tuhsawm uh hi hiam chih kitel sitset a atheihchet uh deihhuai i sa bok hi. Uthuai sakthoh mawk in, hihsuk ek mai, tup kichian lua zong nei khol lou a Kitelna hiven – Candidate di’a chitna nei kisa, ahihke’h thuneihna deih ziak leh sum-le-pai deihtaakna ziak a kitelna-tuhsawm chihdan mi hunkhop om ngei diing in gintakhuai hi. Mi kimkhatte leuleu lah atuhsawm midang kua hiam khat in sum tam huntawk a aleikhiak diing ngak a ‘thaangkam’ a kinei zong om khamoh lou diing un gintakhuai zawmah lai hi.

NXT Digital Cable News | August 16, 2016

Hun bangtan hiam paisa akipan All tribal movement  lamka, ATML in essay wri ting competition asai uh neizom tou jel in tunin a phase 7na ding sunnung dak 3;00 aki pan in ebenezar academy ah  neih in om non hi. Hiai hun ah school naupang 18 kihel uhi. Maban ah leng skul tuam tuam ah sunjom touding uh hin thutut kingah  hi.  

Theihsiam Ahak Ngei!

Written by:K. Lianthansang

Ka nasep uh a laklawh ziakin nitum nung tanpha in leng ka pai naikei uhi. Ka lawmpa’n teklei a lep kawm in, “ ka tate agil uh akialta mah ding….meh ana huan kei le uchi’n ke’n hon tawi ding ka hi ka chih hi a…” chi vungvung zawzen hi. Lamdang kasa sim mahmah a, akiang ah, “ Na tate amau vuak inn a nusia maw..?” ka chih leh, “ Amau vuak zaw hisam kei uh, api uh leng om ahi. Himahleh hat nawnlou ahi..” chi’n hon dawng hi. Kum khatsung asuk-atung a nasem a ka kizuihpih himahleh a khawsakna uh ka theihpih kei hi. Ka lawmpa’n aban hon genzel a, “ Tuni Kiginni ahih tawh, ‘pay day’ hizawmah in chin, ka tate sameh khatvei  bek mehpih nuam ing a, annek honna ngak un ka chih leh, paihak ni tawh kituakkha sese a, lungngaihlua ka hi..” hon chi hi. Huai nung sawtlou in ka tawp ua kintakin innlam a zuanpah vengveng hi.
 

BANGZIAKA ‘HAC’ A HIHNA BANGA ZANG THEILOU?

(Personal Analysis)

-T.Haukholian ex-MDC
Vengnuam, New Lamka

I thupi (topic) ding, Hill Areas Committee (HAC) hong piandan itaklat masak poimawh hi. Tuate a member ding singtangmi MLA teng kumthak 2017 a kitel nawn ding i hihna ah i kalsuan dingdan zong houlim lehang chi’n simtute i kichial hi.
 

HAC AHONG PIANDAN:  The East Bengal Frontier Regulation 1873 (ILP) kichi British govt in hong vaihawmkhum lai in government in Chitagong Hill Tracts-Bangladesh, Lushai Hills- Mizoram, Khasi & Garo Hills-Meghalaya, Mikir Hills-Karbi-Anglong/Assam, Naga Hills-Nagaland, Princely states-Tripura & Manipur huamsung tengteng ah ana koih hi. Union of India a hong piankhiak chiangin i theihsa bang in Manipur Leng-gam hong ki-merged in, ‘Constitution Drafting Committee’ in “The Manipur Hills (Peoples Administration) Regulation Act. 1947(MHRA)’ i chih singtang gam pumpi ading a agel Parliament in a hon pompih ahihdan i mu hi. Huchi’n hiai MHRA huap sung ‘repeal’ kibawl in India Danbupi(Constitution) a  Part.X, Art. 244(1) nuai a ‘Administration of Scheduled Areas & Tribal Areas” kichi pen Art.371.C a thuneihna (provision) kipia bangin ‘Hill Areas Committee’ hong om ana hidan ahi hi. Ei singtanggam pen Scheduled areas nuai a koih a om in a tunga i gen Lushai Hills, Khasi & Garo Hills leh adangdang in ahuap sungteng Art.244(2) a kigen bang in  ‘Tribal Areas’ nuai ah om a, VI Schedule Provision thuneihna ana om ahihdan i theih beh maimai ding in hoih hi. Huaiziakin HAC pen political movement banghiam ziak hilou a, Hausa Innpi -(Independent-  Entity)  pen India (Sovereign State) in paikhe pumpi lou a, bawl lemthawh ‘Repeal’ a na kibawl toutou ahi hi. Hibang, singtangmite leh aluah gam teng ah ‘Privilege’ sangtak tua hunlai apan ana om ahi hi. Tuabang a eilawi gampen Scheduled Area ahong kikoih chiangin ILP pen “Manipur” kichi akipan ana kilakhia mah ahi hi.

Manipur Express | August 15, 2016

HEADLINES:
India gamsung pumpi ah Independence Day 70veina lop hiding
President in mipi chibai buk;PM in Red Fort ah thugen ding

New Delhi, Aug-14: India in British vaihawmna nuai apan zalenna a ngah nung kum 70 chinna Independence Day tuni(Aug 15) in gamsung muntuam tuam ah thupitak a lop hiding a, President Pranab Mukherjee in huai tawh kisai in tuni nitakin India mipite chibai buk in zalenna dinga hinna pia salphate zahna pia hi. New Delhi a Red Fort ah zinglam dak 7:30 in Prime Minister Narendra Modi in national flag kaipalh(unfurl) ding a, mipite lakah India Independence thugen ding hi. Manipur ah State Level in Imphal a 1st Bn. Manipur Rifles parade ground ah zinglam dak 9:30 in zat hiding a, Chief Minister O. Ibobi in National flag kaipalh ding hi. Nitaklam dak 4:30 in Imphal a Raj Bhawan ah Independence Day tawh kisai Reception om ding a, huai hun uap di’n CM O. Ibobi leh a zi O. Landhoni Devi, MLA in VIP leh official tuamtuam-te banah media-te chial uhi.

NXT Digital News | August 15, 2016

Evangelical Baptist Convention, Division Baptist Youth Fellowship, Lamka South Division, in tunin EBCC Hebron Biakin ah Business session-2016 nei uhi. Programme ahihleh session 2 in kikhen a, hiai Business session honna  Rev. V. Nenglian, Divisional Superintendent, LSD in nei a, S. Paukhanmung, Chairman, DBYF, LSD in vaidawn thugenna nei in, M. Thiankhangin, Secretary, DBYF, in secretary report piakna nei hi. Business session hun ah, khotuamtuam 5 in ngaithuah ding a thu a sun te uh ngaihtuah khawmna om hi. Huai ban ah, DBYF- LSD 2017-2018 year plan ding a guan a om point tuamtuam 11 te a hibangbang a paipih ding chi a thupuk in DBYF-LSD 2017-2018 budget ding a proposal aki guang , Rs. 2, 94,000/- namkip na leng nei ngal uhi. Hiai business session khakna upa s. lalngailian chairman DWC in nei hi.

Delhi Siamsin Fresher's Welcome Leh Career Guidance Hun Zat Hiding

SIAMSINPAWLPI

Joint Headquarters, Delhi

Dated: 16 August 2016

CHIALNA

Ahong tungding kiginni, 20, August 2016 zinglam dak 10 in Convention Centre, Jawaharlal Nehru University mun ah Siamsin mi-le-sa Delhi hong paithak te muakna leh siamsin te ding a career guidance 'Education for a Positive Change' chih thulu zang a hunzat kisawm hi.

Hiai hun hong uap a hunseh a om a phatuam theipen a hongzang ding in siamsin mi-le-sa Delhi leh a sehvel a om te tengteng pawlpi sik-le-tang in kahon chial ahi.

Manipur Express | August 14, 2016

HEADLINES:
India flag zahtakloute kum 3 suangkulh tang ding
Tricolour flag zang thanghuaite enkai di’n theihsak

 New Delhi, Aug-13: National flag ‘tricolour’ zat dingdan hilou a zangte enkai di’n Union Home Minister in State leh Union Territory teng thupiak bawl a, tricolour paper flag zatna ding mun a plastic zat a om ahihdan report ngah uh chih theisak in, amaute’n plastic a kibawl national flag zanglou di’n theisak hi. India gam chiamtehna poimawh national flag zahtaklou a, thanghuai sakte kum 3 sung suangkulh tang in sum liau ding uh hi’n leng Home Ministry thusuakin gen hi. Huai thupiak Central government department tuamtuam kiangah leng khaksawn uh a, Flag Code leh Prevention of Insults to National Honour Act bawhsiate gawtna peding in theihsak hi uhi.

NXT Digital News | August 13, 2016

Tuni sunnung dak 1:00 in Tedim Chin Youth Association Hall, New Lamka ahTedimchin.in kichi Website honna om hi. Hiai hun zat na cing Ngaih Hau leh khamkhual ten makaih ua, Pastor T. Muan Khup in thumna in hunpan hi. G. Chinkhanmuan, Convenor, Tedim Chin Website Sub-Committee in vaidawn thu gen in, Tedimchin website toh kisai pulak hi. G. Chinkhanmuan, in a genna ah website ahihleh mi te neih ziak a bawl hilou in I minam tawndan te kepbit theih na ding tupna nei a website bawlkhiak a om ahihdan gen hi.
Dr. Neng Ngaih Lian, President TCU Hq in a genna ah ei Tedim te, pau leh ham a hausa I hihna ua, kepbit na ding a mohpuak na khangthak te tung a om ahihdan gen a, tuni a hongkhiak theih dia om website, a vaisai tute phat huai a sak thu gen hi. A ban a genna ah I minam te’n Laigelh leh tawndan kichiantak nei I hihna ua khovel khanngthu ah History nei ihi ua, huaite mangilh louh hoih ahi chi hi. Website thak I neih pen uh I minam lai, pau leh Culture te kepbit na hong hih a deihsak thu gen hi.

JAC | PUBLIC APPEAL, August 13, 2016

 

JOINT ACTION COMMITTEE

Against Anti-Tribal Bills

jac.tribals@gmail.com

PUBLIC APPEAL

Lamka, August 13, 2016

Report: Shillong ah Tuailai 1434pro Seminar om

 

Shillong, Aug-13(phualvatimes): EBCC BYF Shillong inntekna in Lapalang, Shillong EBC biakinn ah August 13-14, 2016 sung Tuailai 1434 pro seminar om hi. Huai hunah recourse person in Rev. Pumsuanmung, Youth Coordinator, EBC leh Jimmy Ginbiakthang Tombing pang uh hi. Huai seminar ah Shillong khawpi a om tuailai hunkhop banah nupi-papi hunkhup paikhawm uhi. Seminar sungin DIKTATNA chih thumal pansan leh NEKGUKNA IN I GAM A SUKSIAT DAN, HUAI APAT A suahtak ding dan tawh thupi tuamtuam pansan in Resource personte’n sinsak uhi. Hiai hun zatna session 2- zinglam leh nitaklam akikhen in nitaklam session ah Jimmy Ginbiakthang Tombng makaih in ngaihdan tuamtuam genkhawmna om a, mipi paikhawmte’n ngaihdan genna a nei uh a, seminar ahihleh zingchiang (Aug 14, 2016) in zou ding uhi.

Report & Photo by Lal Munsong/phualvatimes

1st (late) Biak-Siam-Lian Memo Open Football Tourney

Lamka, Aug-13 (phualvatimes): Federation Club Of Zion, Zion Veng, New Lamka saina in Sept 3, 2016 apan 1st (late) Biak-Siam-Lian Memo Open Football Tournament om ding a, huai dingin lunglutna nei team/club-te’n sapna bawl uhi. Thuchian kimzaw anuai ah kitaklang hi.

Manipur Express | August 13, 2016

Bill thak tawh kisai genkhawm

Lamka, Aug-12: Zomi Council (ZC) Cabinet makaihin tuni’n Simveng a Simte Inn ah ZC nuai a tribe leh frontal orgn tuamtuam makaite meeting uh a, Manipur Govt. in bill thak a bawl tawh kisai genkhawm uhi. Kumlui Aug 31 a assembly in Anti-tribal bill 3 a passed lak ah India President in ‘Protection of Manipur People Bill (PMP)’ nawlkhin a, tun huai tawh kinai mahmah state govt. in bill thak ‘Manipur Regulation of Non-Local People Act, 2016’ draft suahkhia in, stake holder tengin Aug. 24, 2016 tan a ngaihdan pedin theisak uhi. ZC meeting ah ngaihdan lakkhawm nungin Zomi a kikhaikhawm nam makai tuamtuam leh frontal orgn tuamtuam in amau sunga ngaihdan lakhawm in Aug. 17, 2016 ma a pelut dingin thupuk uh a, huai ni mahin ngaihdan lutte genkhawm ding uhi.

NXT Digital News | August 12, 2016

Watch NXT Digital News 

Manipur Express | August 12, 2016

HEADLINES:
GK Chin panlakna in NEC in full sanction bawl ding
Science Centre leh Helicopter Service ompahta ding
Lamka, Aug-11: ADC, CCpur a Education, Town & Industry lenlel M. Gouzamang Guite, EM ADC/CCpur in Guwahati leh Shillong pha hongtung kik tawh kiton  tuzingin Press-te kimuhpih a, huai ah CCpur Dist. ah tunung sawtlou in Science Centre leh Lamka leh Aizawl kikal Helicopter Service ompahta ding hi’n gen hi. Science Centre tawh kisai in Deptt. of Science & Technology leh MTDC official te’n June 9, 2013 in Science Centre mun ding New Lamka leh Lamzang khua enkhe ngei uh a, Ukhrul dist tawh hihkhawm ding chih himahleh gam ding fellouh ziakin process zekai hidan in gen hi. Science Centre tawh kisai North Eastern Council (NEC) ah DPR piaklut hita in technical checking leng zawh hita a, DPR tawh kisai bawldik ngai omte leng hihfel a om in, Aug. 8, 2016  in G.K. Chin, IP & TAFS, Financial Adviser, NEC kiang ah pelut hidan in gen hi.
    Guideline dungzui in NEC Project himhim State in 10% leh NEC in 90% pawkhesek mahleh GK Chin panlakna tungtawn in CCpur Dist. a Science Centre bawlna ding State Govt. sawklou a NEC in pawkhe vek dinga chiam hi’n gen a, nasep leng patpah hiding in gen hi.
    Lamka leh Aizawl kikal Helicopter service om theihna dia Aug. 10, 2016  zinglam dak 10:45 in Guwahati ah Pawan Hans Company tawh 2veina dingin Vijay Pathiyan, General Manager (Eastern Region), KS Manilal, Joint Director (Safety) leh Sarabjit Singh, Joint General Manager (Engineering) banah Siamzamuan Valte, Dy. Director of Airworthiness, Civil Aviation Department, DGCA, Ministry of Civil Aviation, Govt. of India telin kihouna nei uh a, huai ah Halipad bawl dingdan, rate ding leh operational cost tawh kisai telin thu tuamtuam genkhawm in company apan hih theihlouhna ding omlou ahihdan kamteh uh a, sepsuahna ding tawh kisai genkhawm nawn ding uh hi’n gen hi.

Ka Nu' Hinna Latu - Samekuangkai!

Written by: K Lianthansang

Guite Road in a totkhak Zodawn khua khat ah ka na piang hi. Ka khua uh khaw neuchik ahi a, inn leng atam hetkei. Khawpi lamte tawh kithuzakna dingin - lehkhathon(letter) leh phone (network omna mun zontawm) ngai ahi. Tagah (ka pa'n hon omlouhsan) ka hihman un khawmite' simmawh leh pampaih in ka om sek uhi. Khawsakna anop zawkna ding khualna in class VI  ka sim lai in ka nu ka zinkhiatsan a, Coimbatore, Tamil Nadu ah  kilawhtawm in kava om hi. Ka zin nung ka nu tawh ka kithuzak kha nawn himhim kei uhi.

NXT Digital Cable News | August 11 , 2016

THUTHANG LAKTOMTE:

** Tuibuang Peace Ground ah Independence Day 70veina zat hiding

** Irom Sharmila in election a lawhsapna a tuah leh pasal nei pan ding

xxxxxxxxxxxxxxxxx

Tunitak lam dak 5:30 lakvel in Tedim Road a UCO Bank  kong ah Pulsar Bike leh Activa kiphutuah ua, Activa hektu Ningzakim, kum 40, of Dorcas Veng liam in District Hospital puaktung in om hi. Bike hektu Pauzagin of Mualsan leng a mit tung kek in, a nak ah si pawt a, amah leng hospital puaktung tan in houpih theih nailouh hi. Gari nihte lakah Pulsar in New Bazar apan New lamka lam manawh a, Activa in New Lamka apan New Bazar lam manawh hi'n mit a mute'n gen uhi. Gari nihte a kisia in Police te'n kem uhi. 

MANIPUR EXPRESS | AUGUST 11, 2016

HEADLINES:
September in pawlnih te’n kihouna sunzom nawn ding
Mzr govt leh Manipur pansan HPC(D) in Peace Talk nei

Aizawl, Aug-10: Manipur pansan HPC (D) tawh Mizoram govt in tuni’n Peace Talks pan nawn uh a, tuni a kihouna zawhsiang nung in, Sept 2016 a sutzop ding in lemsa uhi. Thusuakin agendan in Aizawl a Tourist Lodge ah HPC leh Mizoram govt palaite hun sawttak kihou uh a, Hmar mipi ngetna tuamtuamte leng genkhawm uhi. Mizoram govt lamte Additional Secretary for Home Lalbiakzama in makaih a, HPC (D) lamte Lalthaliana makaih in Dr John Pulamte, ex-President, Hmar Inpui, Francis Songate, General Secretary, Hmar Inpui, Lalthamuan Hmar, Assembly Speaker, Hmar Students’ Association (HSA), Rohringa leh Thanglianchhunga hi ua, amaute lakah HPC (D) helpawl member omlou uhi.
    Mizoram govt palai Lalbiakzama in peace talks bei nunga agenna ah, pawl nihte’n kizahtak tuah in chihtakna tawh houlim uh hi’n gen a, HPC(D) leh Mizoram government in lemna aneih uh poimawh hi’n gen hi. Tuni a kihouna om hun in HPC(D) lam in kum 2013 a Peace Talk lai a ngetna abawlte uh pulak nawn uh a, govt palai te’n ADC demand tungtang ah technical thil  a haksatna om ziakin lawhching thei nailou hi’n hilhchian uhi. September 2016 a kihouna sutzop hun chiang in, HPC(D) lam in proposal hoihtak bawl ding a nget hi uhi. Tunitak lam in Mizoram Hmar Welfare Committee (Hmar Inpui, Mizoram Region) makaih in HSA, Aizawl Joint Headquarters te’n HPC(D) palaite annekpih uhi. Zingchiang nitak dak 6:00 inleng Mizoram government leh HPC (D) palai te’n annkuang sawk khawm ding uhi.
    Thusuakin agendan in, Mizoram leh HPC in 1994 a peace agreement abawl uh deihlouh ziakin HPC(D) piangkhia a, Constitution a Sixth Schedule nuaia Hmar mipi luahna teng ADC khat a koih ding ngetna nei in hiamgamna thiltung tamtak om hi.

NXT Digital Cable News | 10 August, 2016

Nikum December 17, 2015 a gari in a phut khaak, Siaklalzawm Vaiphei, 40 s/o Thiankhogen Vaiphei of Kangvai village, gari in aphut khaak nung hun bangtan hiam nung in damzou lou in si hi. Siaklalzawm Vaiphei sihna toh kisai, thudik thutang deih na a pawl kiphut khia JAC ten, a phukha tute theih ahihban ah, police te kiang a a phukha tute man a, a tung a a kituah pih bang action laak ding chi in ngetna bawl mah le uh police leh government lam in a ngetna te uh a pichin saklouh ziak un tuni apan hun chiam om lou in Teddim Road band bawl kipan uhi. JAC against the killing of Siaklalzawm Vaiphei ten band a bawl uh gentaklouh, Bishenpur a pawl khat in leng lungkimlouh na ziakin bandh bawl uhi.

MANIPUR EXPRESS | AUGUST 10, 2016

HEADLINES:
“The Manipur Regulation of Non-local People Bill 2016” min vuah
Cabinet in Assembly session om hunding bikhiah
Imphal, Aug-9: CM Secretariat a Cabinet Hall ah tuni nitaklam dak 4:00 in Chief Minister O. Ibobi makaihna in Cabinet meeting om a, huai ah Manipur assembly term 10na a session 14veina Sept 2, 20016 akipan om ding in thukim uh a, huai dungzui a Assembly Session sam ding in Manipur Governor zasak uhi. Cabinet meeting zawh in Govt. thupuangtu Rural Development & Panchayati Raj Minister M. Okendro in a gendan in Manipur pawlam akipan kitatsak lou a, honglut-te enzui ding leh Manipur mipi-te bitna ding in maban a Assembly session om hun ah ‘The Manipur Regulation of Non-local People Bill 2016’ bill luikhiak ding a, draft copy ngenteltak in genkhawm uhi.
    The Manipur Regulation of Non-local People Bill 2016 a draft copy ahi bangbang a Manipur mipi te’n a theihna ding un govt. website a upload lemsa uh a, govt. in Aug 24, 2016 tan in mipi akipan ngaihdan leh thusun (suggestion) lakhawm ding uh a, huai-te ngenteltak a etnung in bill a behlap theih omte telsak hiding in tuni a Cabinet meeting in thupuk uhi. Huailou in Assembly session masa a kilui khia Manipur Technical University Bill, 2016 tawh kisai draft copy leng tuni a Cabinet meeting in enkhawm uhi.
    RD & PR Minister M. Okendro in a genzel dan in Manipur Assembly Election a naitak ziak in Election Dept. hihhatsem ding in Election Commission of India akipan thupiak dungzui in Election Dept. a post tuamtuam poimawh omte hukdim dingin leng thukim uhi. Huailou in PWD leh IFCD a post vacancy tuamtuam omte leng Cabinet in appointment bawl ding in tuni a meeting hun ah thupukna bawl uhi.

Manipur ILP Bill Thak Ding Puangkhia

Imphal, Aug-10,2016 (PhualvaTimes.com): Manipur Government in ILP bill nikum 2015 August-31 a pass uh deihlouh ziak a Manipur pawlam (Outer-Manipur) Tribals Area a kiphinna sousangtak omnung in, tuni'n ILP bill thak ding draft uh mipi muhding in internet tungtawn in khahkhia uhi. Draft Bill thak in atunkhak thu tamlou hiai bang ahi.

NXT Digital News | August 9, 2016

Thuthang laktomte

**Manipur tribals forum UK ten tunin morgue vehna nei.

** Irom Sharmila in Manipur Chief Minister lunggulh ziakin anngawl tawpsan ding

** Middle-east gam te'n Pokemon Go kimawl ding phallou

Tuni sunma dak 11:00 in Dorcas Mini-auditorium, New Lamka ah Magnessa Wellness Industry pawl in seminar nei uhi. Seminar hun ah Santosh Joseph, top learner, Magnessa Wellness Industry, Emirald Executive leh Willson, Gold Executive, ten thupi tuamtuak zang in sinsakna nei uhi. Tuni a seminar neih na hun ah, school/college tuamtuam apan student tamtak ban ah, sepna nei khinsa leh sepna neinai lou mi tamkhoptak tel uhi. Magnessa, Wellness Industry ahihleh Nikum, 2015 November kha in Lamka ah hon khiak in om hi.

Siamsinpawlpi GHQ | Appeal to Minister of Health & Family Welfare

To,

The Hon'ble Minister

Health & family wealfare

Manipur

Lamka, August 05, 2016

Subject: Appeal for urgent intervention with regards to the outbreak of Japanese Encephalitis in Churachandpur and request for approval of Adult vaccination.

Respected Sir,

The Siamsinpawlpi would like to bring to your kind attention the massive outbreak of Japanese Encephalitis ( JE ) since the past two months, i.e., June and July in Manipur's Churachandpur District.

With reference to the Operational guidelines on Japanese Encephalitis Vaccination in India published under the Immunization Division, Department of Family Welfare, Ministry of Health and Family Welfare 2010, the transmission season of the JE virus for Manipur State has been highlighted between the months of June to September. Similarly, we  are also aware that the vaccination program has been focussed for children between the age group of 1-15.

MANIPUR EXPRESS | AUGUST 9, 2016

HPC (D) palaite August 9, 2016 in Aizawl tung ding uh
Mizoram govt leh HPC (D) in kihouna neinawn ding
 Aizawl, Aug-8: Mizoram state govt leh Hmar People's Convention (Democratic)/HPC(D) pawlin Aug 10, 2016 zinglam dak 11:00 in Aizawl ah kihouna (peace talk) nei nawn ding uh a,  HPC(D) lam in Mizoram govt tawh kihouna a tel ding palai 6 sep uh a, huaite Aug 9, 2016 in Aizawl tung ding uh hi’n Agency thusuak in gen hi. Mizoram government nuai a home department official thusuak in HPC (D) in amau sik-le-tanga kihouna a tel ding palai mi 6 te’ min  pelutta uh chi hi.
    HPC (D) delegation team ah helpawl member kuamah tellou in amau tangin Mizoram leh Manipur akipan civilian (Hmar leader) te sawl ding uh hi’n kigen hi. HPC(D) lamte Manipur akipan Lalthalian in makaih ding a, amah August 9, 2016 in Aizawl tung ding a, August 10, 2016 zinglam dak 11 in kihouna pat hiding kichi hi. HPC (D) akipan palai dangte ahihleh Hmar Inpui President-lui John Pulamte, Hmar Students Assn (HSA) President Lalthlamuana Hmar, Francis Songate, Rohringa leh Thanglianchhunga-te hiding chi’n thusuakin gen hi.
    Mizoram  govt lam ah Additional Secretary (Home) Lalbiakzama, Joint Secretary ( Home) Lalhriatpuia banah  SP, CID (SB) Rodingliana Chawngthu leh OSD (Home) David H. Lalthangliana hiding  uhi. Thusuakin a gendan in HPC (D) pawlin Mizoram leh Manipur kawmtuahin kiphinna tuamtuam nei uh a, amau ahihleh Mizoram leh Manipur gamgi zula Hmar Namte’ ading bikin India Constitution in a phalsak Sixth Schedule nuai ah Autonomous District Council (ADC) dinkhiak ding in government phu uh a, galvantawi in gamnuai ah khawsa uh chih ahi hi.

MANIPUR EXPRESS | AUGUST 8, 2016

YPA Gen HQ in panpihna pia

Lamka, Aug-7: YPA Gen HQ makai te’n tuni sunnung in Dist. Hospital a CSW (burn ward) bed no. 2 a om Kaikhup @ Khukhup s/o (late) Kaikhogin of  HQ Veng panpihna in Nurse duty-te tungtawn in Rs. 2,000/- pia uhi.